უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
იქ უსაფრთხოების თვალსაზრისით ძალიან მძიმე მდგომარეობაა - ილია ლეჟავა სარკინიგზო გვირაბების მშენებლობის ადგილზე
რკინიგზელთა ახალი პროფკავშირის თავმჯდომარის მოადგილის, ილია ლეჟავას განცხადებით, მათმა ინსპექტორებმა მაისში სარკინიგზო გვირაბების მშენებლობის ადგილი მოინახულეს. ლეჟავას თქმით, იქ უსაფრთხოების ნორმები სათანადოდ დაცული არ იყო. მისივე ინფორმაციით, ვენტილაციის პრობლემა, რომელიც შემოწმებისას იყო დაფიქსირებული და მუშებს სამუშაოს შესრულებას ურთულებდა, დღემდე არაა მოწესრიგებული.
„ჩვენ იქ ვნახეთ, რომ გვირაბის მშენებლობა უხარისხოდ მიმდინარეობდა და ნორმები სათანადოდ არ იყო დაცული. სპეციალისტებმა უნდა შეისწავლონ ეს ყოველივე ადგილზე. გვირაბში ვენტილაცია არ იყო მოწყობილი და მუშებს სუნთქვა უჭირდათ. იქ ყოფნისას ჩვენ გავაჩერეთ მუშაობა და განვაცხადეთ, რომ მუშაობა არ განახლდებოდა, ვიდრე ვენტილაციის პრობლემა არ მოგვარდებოდა. მაშინ მიიღეს გადაწყვეტილება, რომ აფეთქებიდან საათნახევარი გარეთ იქნებოდნენ მუშები და შემდეგ შევიდოდნენ, როდესაც ვენტილაცია გაუმჯობესდებოდა. ჩვენი ინფორმაციით, იქ ვენტილაცია დღემდე არ გაუმჯობესებულა. ასევე, ელექტროსადენები იყო შიშველ მდგომარეობაში. იქ უსაფრთხოების თვალსაზრისით ძალიან მძიმე მდგომარეობაა“,- განაცხადა ლეჟავამ.
ლეჟავას ინფორმაციით, ხარაგაულში გვირაბის მშენებლობას ჩინური კომპანია „ჩინეთის რკინიგზის 23-ე უბან“ აწარმოებს.
შეგახსენებთ, ხარაგაულში, სოფელ ანეულასთან, სადაც სარკინიგზო გვირაბების მშენებლობა მიმდინარეობს, გვირაბის ნაწილი ჩამოინგრა და ნანგრევებში ორი მუშა: თამაზ ტალახაძე და ვალერი კაკიაშვილი მოჰყვა.
რა გახდა გვირაბის ჩამოშლის მიზეზი, ჯერჯერობით დადგენილი არაა.
შსს-მ მომხდარზე გამოძიება სისხლის სამართლის კოდექსის 240-ე მუხლით მიმდინარეობს, რაც გულისხმობს სამთო-სამშნებლო სამუშაოების წარმოებისას უსაფრთხოების ნორმების დარღვევას.
ანა მებურიშვილი