უკან

პოლიტიკა

20 თებერვალი, 2017 18:40
font-size

ირაკლი კობახიძე ევროპის საბჭოს საპარლამენტო ასამბლეაში ბუნდესტაგის დელეგაციის ხელმძღვანელს, აქსელ ფიშერს შეხვდა

საქართველოს პარლამენტის თავმჯდომარემ, ირაკლი კობახიძემ გერმანიის ფედერაციული რესპუბლიკის ბუნდესტაგის წევრი, ევროპის საბჭოს საპარლამენტო ასამბლეაში გერმანიის ფედერაციული რესპუბლიკის ბუნდესტაგის დელეგაციის ხელმძღვანელი აქსელ ფიშერი მიიღო.

ირაკლი კობახიძემ აქსელ ფიშერს გერმანიის მხრიდან საქართველოს დამოუკიდებლობის, ევროპული და ევროატლანტიკური მისწრაფებების მხარდაჭერისთვის მადლობა გადაუხადა. პარლამენტის თავმჯდომარემ აღნიშნა, რომ გერმანიის მტკიცე მხარდაჭერა ჩვენი ქვეყნისთვის განსაკუთრებით მნიშვნელოვანია. მისივე განცხადებით, საქართველოს პარლამენტისთვის პრიორიტეტულია გერმანიის ფედერაციული რესპუბლიკის პარლამენტთან თანამშრომლობის გაღრმავება.

მხარეებმა ისაუბრეს საქართველოსა და გერმანიას შორის არსებულ ორმხრივ ურთიერთობებზე და ხაზი გაუსვეს იმ ფაქტს, რომ მიმდინარე წელს ორ ქვეყანას შორის დიპლომატიური ურთიერთობების დამყარების 25 წლისთავი აღინიშნება.

აქსელ ფიშერი სახელმწიფო საკონსტიტუციო კომისიის საქმიანობით, მიზნებითა და მიმდინარე აქტუალური საკითხებით დაინტერესდა. პარლამენტის თავმჯდომარის განცხადებით, კომისიის მთავარი მიზანი და გამოწვევა საქართველოს კონსტიტუციის საფუძვლიანი რეფორმირება და პოლიტიკური სისტემის კონსოლიდაციაა. ირაკლი კობახიძემ სტუმარს საქართველოს პარლამენტის საქმიანობა გააცნო და აღნიშნა, რომ მისთვის, როგორც ქვეყნის უმაღლესი საკანონმდებლო ორგანოს ხელმძღვანელისთვის, მნიშვნელოვანია პარლამენტში არსებულ პოლიტიკურ ჯგუფებს შორის კონსტრუქციული ურთიერთობების განვითარება და მათთან საქმიანი თანამშრომლობა.

საქართველოს საგარეო პრიორიტეტებზე საუბრისას, ირაკლი კობახიძემ აღნიშნა, რომ ქვეყნის მკაფიო დასავლურ მისწრაფებებს ადასტურებს საქართველოს პარლამენტის მიერ 2016 წლის დეკემბერში მიღებული რეზოლუცია საგარეო პოლიტიკის შესახებ, სადაც ხაზგასმულია, რომ ევროპული და ევროატლანტიკური ინტეგრაცია არის ქვეყნის უმნიშვნელოვანესი საგარეო პოლიტიკური პრიორიტეტი.

ამასთან, აქსელ ფიშერი დაინტერესდა საქართველოში განხორციელებული და მიმდინარე რეფორმებით. აღნიშნულთან დაკავშირებით საქართველოს პარლამენტის თავმჯდომარემ გერმანიის ბუნდესტაგის წევრს სოციალურ პოლიტიკასთან, ეკონომიკასთან, ჯანდაცვასა და განათლებასთან დაკავშირებულ ცალკეულ საკითხებზე ინფორმაცია მიაწოდა.

შეხვედრის დასასრულს მხარეებმა ისაუბრეს მიმდინარე წლის სექტემბერში, გერმანიის ფედერაციულ რესპუბლიკაში დაგეგმილი ფედერალური არჩევნების შესახებაც.

გიორგი გახარიამ სამეზობლო პოლიტიკისა და გაფართოების საკითხებში ევროკომისარ ოლივერ ვარჰელისთან ვიდეოკონფერენცია გამართა

7 აპრილი, 2020 , 15:40

საქართველოს პრემიერ-მინისტრმა გიორგი გახარიამ სამეზობლო პოლიტიკისა და გაფართოების საკითხებში ევროკომისარ ოლივერ ვარჰელისთან ვიდეოკონფერენცია გამართა. მთავრობის ადმინისტრაციის ინფორმაციით, საუბრის ძირითადი თემა იყო გლობალ

პარლამენტის თავმჯდომარემ ვიცე-სპიკერებთან, ფრაქციებისა და კომიტეტების ხელმძღვანელებთან ონლაინ შეხვედრა გამართა

6 აპრილი, 2020 , 19:56

პარლამენტის თავმჯდომარემ, არჩილ თალაკვაძემ ვიცე-სპიკერებთან, ფრაქციებისა და კომიტეტების ხელმძღვანელებთან უმრავლესობის ფორმატში ონლაინ სამუშაო შეხვედრა გამართა. პარლამენტის პრესსამსახურის ცნობით, ონლაინ-შეხვედრაზე კოვიდ19

ოპოზიციური პარტიები სხვადასხვა ქვეყნის მთავრობებს და საერთაშორისო ორგანიზაციებს მიმართავენ

3 აპრილი, 2020 , 12:20

ოპოზიციური პარტიები ავრცელებენ მიმართვას, რომლის ადრესატებიც აშშ-ს მთავრობა, დიდი ბრიტანეთის მთავრობა, კანადის მთავრობა, ნორვეგიის მთავრობა, შვეიცარიის მთავრობა, ევროკავშირი, მსოფლიო ბანკი, სავალუტო ფონდი, ევროპის განვით

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება - ირაკლი კობახიძე

2 აპრილი, 2020 , 19:24

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება. აღნიშნულ საკითხთან დაკავშირებით საბოლოო კონსულტაციები დისტანციურ რეჟიმში გაიმართა, - ამის შესახებ საპარლამენტო უმრავლესობის წევ

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსივით რაღაც დაპირებები გავცეთ - გიორგი გახარია

2 აპრილი, 2020 , 12:15

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსებივით რაღაც დაპირებები გავცეთ. ჩვენი პასუხისმგებლობა ცოტა სხვა არის, ჩვენი პასუხისმგებლობა ნიშნავს იმას, რომ თითოეული ნათქვამი სიტყვა უნდა შესრულდეს და ასე

ჩვენ დღეს თავისუფალ ქვეყანაში ვცხოვრობთ და ევროპულ სახელმწიფოს ვაშენებთ. ამაში ზვიად გამსახურდიას დიდი წვლილი მიუძღვის - გიორგი გახარია

31 მარტი, 2020 , 20:42

ჩვენ დღეს თავისუფალ და დამოუკიდებელ ქვეყანაში ვცხოვრობთ და ევროპულ სახელმწიფოს ვაშენებთ, რაშიც ზვიად გამსახურდიას დიდი წვლილი მიუძღვის, – ამის შესახებ საქართველოს პრემიერ-მინისტრი სოციალურ ქსელში წერს. „დღეს

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`