პოლიტიკა

ირაკლი კობახიძემ აშშ-ის ელჩთან გამოსამშვიდობებელი შეხვედრა გამართა

საქართველოს პარლამენტის თავმჯდომარემ, ირაკლი კობახიძემ საქართველოში აშშ-ის ელჩთან, იან კელისთან გამოსამშვიდობებელი შეხვედრა გამართა.

შეხვედრაზე საუბარი შეეხო პარლამენტის თავმჯდომარის მიერ აშშ-ში განხორციელებულ ვიზიტსა და მის ფარგლებში გამართულ მნიშვნელოვან შეხვედრებს.

მხარეებმა ასევე ისაუბრეს პარლამენტის ფუნქციისა და როლის გაძლიერებიზე, ასევე ამ მიმართულებით გათვალისწინებული ღონისძიებების შესახებ და მიმდინარე სასესიო პერიოდის საპარლამენტო დღის წესრიგი განიხილეს.

შეხვედრაზე აღინიშნა, რომ საქართველოსთვის აშშ-ის, როგორც მთავარი პარტნიორის მხარდაჭერა მნიშვნელოვანია. ირაკლი კობახიძემ იან კელის საქართველოში გაწეული ნაყოფიერი საქმიანობისთვის მადლობა გადაუხადა.