უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
ირაკლი კობახიძემ პრეზიდენტის უარი რიგგარეშე პლენარული სხდომის დანიშვნაზე პარლამენტისადმი უპატივცემულობად შეაფასა
პარლამენტის თავმჯდომარემ, ირაკლი კობახიძემ, საქართველოს პრეზიდენტის უარი რიგგარეშე პლენარული სხდომის დანიშვნაზე საკანონმდებლო ორგანისადმი უპატივცემულობა უწოდა. კობახიძემ აღნიშნა, რომ პრეზიდენტის მსგავს მიდგომას მიჩვეულია.
„ეს მოსალოდნელი იყო. ჩვენ გვაქვს უკვე ამის პრეცედენტი. პირველი პრეცედენტი შექმნა მარგველაშვილმა იმის, რომ ის არ ნიშნავს პარლამენტის რიგგარეშე სხდომას, რაც კონსტიტუციასთან შესაბამისობაში არ არის. კონსტიტუციაში წერია, რომ პრეზიდენტი რიგგარეშე სხდომას ნიშნავს პარლამენტის მოთხოვნითა და მთავრობის წარდგინებით. წარდგინებასა და მოთხოვნას შორის ზუსტად ის განსხვავებაა, რომ ერთ შემთხვევაში დისკრეცია აქვს პრეზიდენტს, მეორე შემთხვევაში, როცა პარლამენტის მოთხოვნაზეა საუბარი, პრეზიდენტმა უნდა დანიშნოს რიგგარეშე სხდომა. შესაბამისად, სხდომის არდანიშვნა არის კონსტიტუციასთან შეუსაბამო და ეს არის ასევე, პარლამენტისადმი უპატივცემულობის გამოხატულება, თუმცა ამას მიჩვეული ვართ“, - განაცხადა კობახიძემ.
პარლამენტის თავმჯდომარის თქმით, მან სთხოვა პრეზიდენტის ადმინისტრაციას, წერილობით ჩაებარებინა მიმართვა რიგგარეშე პლენარული სხდომის დანიშვნის შესახებ, თუმცა უარი მიიღო იმ საბაბით, რომ პრეზიდენტი შაბათ-კვირას არ მუშაობს. კობახიძემ ეს სხდომის შეფერხების მცდელობად შერაცხა.
მისი ინფორმაციით, საპარლამენტო სხდომა ხვალ 14:01 საათზე დაიწყება.
„ჩვენი მოთხოვნა რიგგარეშე სხდომის გამართვის თაობაზე გავაგზავნეთ ელექტრონული საქმისწარმოების სისტემის მეშვეობით. 24 სექტემბერს, 14:01 საათზე გაიგზავნა მოთხოვნა. კონსტიტუციაში წერია, რომ ვადები იანგარიშება მოთხოვნის გაგზავნიდან, შესაბამისად, გაგზავნის ფაქტს აქვს იურიდიული მნიშვნელობა. ჩვენ შეგვიძლია, ჩვენი ინიციატივით შევიკრიბოთ სამშაბათს, 14:01 საათზე - ეს არის რეალური მოცემულობა. იყო კომუნიკაცია ჩვენი იურიდიული დეპარტამენტის ხელმძღვანელსა და პრეზიდენტის საპარლამენტო მდივანს შორის. ჩვენ ვთხოვეთ, რომ წერილობითაც ჩაგვებარებინა ეს დოკუმენტი პრეზიდენტისთვის, თუმცა იქიდან იყო პასუხი, რომ შაბათ-კვირას პრეზიდენტი არ მუშაობს, რაც ბუნებრივია, არის ბავშვობა და ამაზე დამატებითი კომენტარის გაკეთება არ შეიძლება. მათ ჰქონდათ იმედი, რომ შეაფერხებდნენ სამშაბათს სხდომის გამართვას, თუმცა იურიდიულად ჩვენ გვაქვს სრული უფლება, 14:01 საათზე დავიწყოთ პლენარული სხდომა“, - განაცხადა კობახიძემ.
შეგახსენებთ, საქართველოს პრეზიდენტმა, გიორგი მარგველაშვილმა უარი თქვა პარლამენტის თავმჯდომარე ირაკლი კობახიძის მოთხოვნაზე, საკონსტიტუციო ცვლილებების კენჭისყრასთან დაკავშირებით 26 სექტემბერს 14 საათზე პარლამენტის რიგგარეშე პლენარული სხდომა დანიშნოს.
ანა მებურიშვილი