უკან

უახლესი ამბები

დღის კალენდარი

ანონსები

არქივი

პოლიტიკა

24 ოქტომბერი, 2017 13:00
font-size

ირაკლი კობახიძის ხელმძღვანელობით საქართველოს დელეგაცია ისრაელში გაემგზავრა

საქართველოს პარლამენტის თავმჯდომარის, ირაკლი კობახიძის ოფიციალური ვიზიტი ისრაელის სახელმწიფოში დაიწყო. საპარლამენტო დელეგაცია, რომელსაც ირაკლი კობახიძე ხელმძღვანელობს, ისრაელში უკვე გაემგზავრა.

როგორც დელეგაციის წევრები ამბობენ, ვიზიტი ისრაელსა და საქართველოს შორის არსებული ისტორიული და მტკიცე თანამშრომლობის კიდევ უფრო გაღრმავებასა და განმტკიცებას ემსახურება.

საგარეო ურთიერთობათა კომიტეტის თავმჯდომარის, სოფიო ქაცარავას განცხადებით, ისრაელში საკანონმდებლო და აღმასრულებელი ხელისუფლების წარმომადგენლებთან მაღალი დონის შეხვედრები გაიმართება.

„ვიზიტის ფარგლებში, მაღალი დონის შეხვედრები გვექნება საპარლამენტო და აღმასრულებელი ხელისუფლების წარმომადგენლებთან. მოლოდინი მაქვს, რომ ეს ვიზიტი კიდევ უფრო გააღრმავებს ჩვენს ისტორიულ და კეთილმეზობლურ თანამშრომლობას. საუბარი გვექნება პოლიტიკურ მხარდაჭერის, ეკონომიკური ურთიერთობებისა და იმ მნიშვნელოვან პროექტების შესახებ, რასაც ისრაელთან ერთად ვახორციელებთ. ასევე, ვისაუბრებთ საგანმანათლებლო, ეკონომიკური, სოფლის მეურნეობის, თავდაცვისა და უსაფრთხოების და სხვა მნიშვნელოვან თემებზე“,- განაცხადა გამგზავრების წინ სოფიო ქაცარავამ.

თავის მხრივ, როგორც საპარლამენტო უმრავლესობის ლიდერმა, არჩილ თალაკვაძემ აღნიშნა, ვიზიტის ფარგლებში გამართულ შეხვედრებზე ორმხრივი თანამშრომლობის საკითხებს განიხილავენ. მისივე თქმით, საქართველოს პარლამენტის დელეგაცია გამართულ შეხვედრებზე კოლეგებს საკონსტიტუციო რეფორმის შესახებ ინფორმაციას მიაწვდის.

„საპარლამენტო დელეგაცია, ირაკლი კობახიძის ხელმძღვანელობით, ისრაელში მიემგზავრება, სადაც ქვეყნის პრეზიდენტთან, ქნესეთის თავმჯდომარესთან, ასევე, აღმასრულებელი და საკანონმდებლო ხელისუფლების წევრებთან მაღალი დონის შეხვედრები გვექნება. განვიხილავთ ორმხრივი თანამშრომლობის საკითხებს, როგორც საერთაშორისო სავაჭრო ურთიერთობებს, ასევე, ეკონომიკურ საკითხებსა და ტურიზმთან დაკავშირებულ საკითხებს. რა თქმა უნდა, მივაწვდით კოლეგებს და პარტნიორებს უახლეს ინფორმაციას პარლამენტის მიერ განხორციელებული საკონსტიტუციო რეფორმის შესახებ, ასევე, ჩატარებული არჩევნების შესახებ. დარწმუნებული ვარ, რომ ეს ვიზიტი კიდევ უფრო გააღრმავებს ჩვენს ქვეყნებს შორის თანამშრომლობას. ისრაელი ჩვენი მტკიცე მოკავშირეა და ეს ვიზიტიც ამ ურთიერთობების განმტკიცებას ემსახურება“,- განაცხადა არჩილ თალაკვაძემ.

საქართველოსა და ისრაელს შორის უსაფრთხოების სფეროში თანამშრომლობის მნიშვნელობაზე ამახვილებს ყურადღებას თავდაცვისა და უშიშროების კომიტეტის თავმჯდომარე, ირაკლი სესიაშვილი.

„თანამედროვე ურთიერთობაში ჩვენთვის განსაკუთრებული ღირებულებისაა თანამშრომლობა უსაფრთხოების სფეროში. თავისთავად ცხადია, ტერორიზმი, ახლო აღმოსავლეთში არსებული კონფლიქტები არის გამოწვევა არა მხოლოდ ერთ-ერთი ყველაზე ძლიერი სახელმწიფოს - ისრაელისა, არამედ ეს მეტნაკლებად საქართველოსაც შეეხება, ამიტომ, უსაფრთხოების სფეროში თანამშრომლობა ღირებულია ორივე ქვეყნისთვის და საერთო ჯამში, ეს გამოადგება რეგიონში მშვიდობას და სტაბილურობას“,- აღნიშნა ირაკლი სესიაშვილმა.

როგორც ისრაელში გამგზავრების წინ ისრაელის პარლამენტთან მეგობრობის ჯგუფის წევრმა, ფრაქცია „ქართული ოცნების“ თავმჯდომარე მამუკა მდინარაძემ განაცხადა, ვიზიტი ორ ქვეყანას შორის არსებულ მრავალსაუკუნოვან მეგობრობას კიდევ უფრო განმტკიცების.

„ოფიციალური ვიზიტის ფარგლებში ჩვენ შევხვდებით ქნესეთის თავმჯდომარეს, ასევე, ქვეყნის პრეზიდენტს. გვექნება სხვადასხვა საკითხებზე საუბარი, მათ შორის, უსაფრთხოების გამოწვევებზე, ჩვენი ქვეყნების პარტნიორობაზე, რომელიც არაერთი წელია გრძელდება. ვფიქრობ, რომ ეს ვიზიტი იქნება ძალიან შედეგიანი ჩენი მეგობრობის კიდევ უფრო განმტკიცების საქმეში“,- აღნიშნა მამუკა მდინარაძემ.

იყავით კრიტიკულები, მაგრამ ობიექტურები - დიმიტრი ცქიტიშვილი კოლეგებს „ევროპის სახალხო პარტიიდან“

22 იანვარი, 2019 , 17:39

ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის წევრმა დიმიტრი ცქიტიშვილმა, ასამბლეის სხდომაზე, საქართველოში ჩატარებული საპრეზიდენტო არჩევნების შესახებ გამართულ დებატებში

მამუკა ბახტაძემ და ილჰამ ალიევმა სტრატეგიული მნიშვნელობის ერთობლივ პროექტებზე ისაუბრეს

22 იანვარი, 2019 , 17:16

საქართველო-აზერბაიჯანის სტრატეგიული პარტნიორობა, რეგიონული მნიშვნელობის ერთობლივი სატრანსპორტო და ინფრასტრუქტურული პროექტები და ეკონომიკური კავშირების გაღრმავების პერსპექტივები განიხილეს საქართველოს პრემიერ-მინისტრმა მამ

24 იანვარს საპარლამენტო უმრავლესობის სხდომას ბიძინა ივანიშვილიც დაესწრება

22 იანვარი, 2019 , 16:51

საპარლამენტო უმრავლესობის ლიდერი, არჩილ თალაკვაძე აცხადებს, რომ ხუთშაბათს, 24 იანვარს უმრავლესობის სხდომა გაიმართება, რომელზეც, სხვა საკითხებთან ერთად, მოსამართლეებთან დაკავშირებითაც იმსჯელებენ. თალაკვაძის თქმით, უმრავლე

პარლამენტის პლენარული სხდომების რაოდენობა საგაზაფხულო სესიიდან გაიზრდება

22 იანვარი, 2019 , 16:48

პარლამენტის პლენარული სხდომების რაოდენობა საგაზაფხულო სესიიდან გაიზრდება. პლენარული სხდომების რაოდენობა ახალი რეგლამენტით გაიზარდა, რომელიც რიგით მეხუთე პრეზიდენტის ინაუგურაციის შემდეგ ამოქმედდა. დეპუტატები პლენარული სხდ

თუ ბატონი ჭიჭინაძე დატოვებს ფრაქციას, ფრაქცია დაიშლება -ირმა ინაშვილი

22 იანვარი, 2019 , 16:30

“პატრიოტთა ალიანსის” ლიდერის, პარლამენტის თავმჯდომარის, ირმა ინაშვილის განცხადებით, იმ შემთხვევაში თუ დავით ჭიჭინაძე მათ რიგებს დატოვებს, ფრაქცია დაშლება. ინაშვილის განცხადებით, ამ ეტაპზე, მოლაპარაკებები სხვა

გიორგი გახარიამ და ევროკავშირის მისიის ხელმძღვანელმა ერიკ ჰოგმა საქართველოში უსაფრთხოების სფეროში არსებულ გამომწვევებზე იმსჯელეს

22 იანვარი, 2019 , 15:48

ვიცე პრემიერი, შინაგან საქმეთა მინისტრი გიორგი გახარია ევროკავშირის სადამკვირვებლო მისიის ხელმძღვანელს ერიკ ჰოგს შეხვდა. მხარეებმა უსაფრთხოების სფეროში არსებულ გამოწვევებზე იმსჯელეს, მათ შორის განსაკუთრებული ყურადღება ოკ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`