უკან

პოლიტიკა

5 მაისი, 2017 18:41
font-size

ირაკლი კობახიძის შეფასებით კონსტიტუციის გადასინჯვის პროექტის საყოველთაო -სახალხო განხილვა წარმატებით დაიწყო

ჩვენ ვართ პირნათელი საზოგადოების წინაშე, როცა ვსაუბრობთ საკონსტიტუციო ცვლილებებთან დაკავშირებით - ამის შესახებ პარლამენტის თავმჯდომარემ, ირაკლი კობახიძემ ქუთაისში, კონსტიტუციის გადასინჯვის პროექტის საყოველთაო-სახალხო განხილვის ფორმატში პირველი შეხვედრის დასრულების შემდეგ განაცხადა.

„ჩვენ ვთქვით არაერთხელ, რომ ჩვენი პოზიციები არის ძალიან მყარი. ჩვენ ვართ პირნათელი საზოგადოების წინაშე, როცა ვსაუბრობთ საკონსტიტუციო ცვლილებებთან დაკავშირებით და ეს დადასტურდა დღევანდელ განხილვაზეც. ჩვენ ვამბობდით, რომ ოპონენტებს არ აქვთ მყარი კონტრარგუმენტები არცერთ საკითხთან დაკავშირებით, არც საპრეზიდენტო არჩევნებთან დაკავშირებით, არც საპარლამენტო არჩევნებთან დაკავშირებით. ეს ყველაფერი დადასტურდა დღევანდელ შეხვედრაზე და ამის მოწმე იყო ფართო საზოგადოება“-აღნიშნა ირაკლი კობახიძემ.

პარლამენტის თავმჯდომარის განცხადებით, დღეს გამართულ შეხვედრაზე, წარსული გამოცდილებისგან განსხვავებით, ყველა მხარეს ჰქონდა კითხვების ღიად დასმის საშუალება.

„კონსტიტუცია მოიცავს ბევრ საკითხს, მათ შორის, თვითმმართველობის საკითხებსაც, აქედან გამომდინარე, მნიშვნელოვანი იყო, რომ თვითმმართველობის წარმომადგენლებიც ყოფილიყვნენ დღევანდელ შეხვედრაზე. თუმცა, აქ საუბარია პროპორციაზე, პროპორცია იყო დაცული, ფართო საზოგადოება იყო წარმოდგენილი, ყველას ჰქონდა კითხვების ღიად დასმის საშუალება. გვახსოვს, რომ წარსულში სრულიად სხვა პრაქტიკა იყო ამასთან დაკავშირებით. საკონსტიტუციო განხილვები წარიმართებოდა ისე, რომ პრაქტიკულად ოპონენტების მოსაზრებები არ ისმოდა ამ ფორმატში. დღეს ყველას გვქონდა იმის საშუალება, რომ თავისი კითხვები დაესვა, ყველანაირი ფორმით, მათ შორის, მწვავე ფორმით და ჩვენ გვქონდა ძალიან ღია და გახსნილი დისკუსია. აბსოლუტურად დაბალანსებული იყო დღევანდელი შეხვედრა ამ კუთხით. ამას ბუნებრივია, ყველა დაადასტურებს“,-აღნიშნა ირაკლი კობახიძემ.
პარლამენტის თავმჯდომარის განცხადებით, ყველა მოსაზრება, რომელიც შეხვედრაზე გამოითქვა, აუცილებლად იქნება დაფიქსირებული და შემდეგ უკვე საპარლამენტო ფორმატში მოხდება ამ საკითხების განხილვა. „საბოლოო გადაწყვეტილებას საკონსტიტუციო ცვლილებებთან დაკავშირებით მიიღებს პარლამენტი იმ განხილვის შედეგების გათვალისწინებით, რომელიც დღეს წარიმართა“,-აღნიშნა ირაკლი კობახიძემ.

მისივე თქმით, ხელისუფლება საზოგადოებას სწორად აწვდის საკონსტიტუციო ცვლილებებთან დაკავშირებულ კონკრეტულ ციფრებს და რიცხვებს, ხოლო რაც შეეხება ოპონენტებს, ისინი მარტივად ცდილობენ მანიპულირებას იმ ციფრებით, რომლებზეც ისინი საუბრობენ.

„როდესაც მათემატიკაზე ვერ თანხმდები, ბუნებრივია, პოლიტიკაზე მით უმეტეს ვერ შეთანხმდები. ჩვენს ოპონენტებს აქვთ თავიანთი პითაგორას ტაბულა, თავიანთი მათემატიკური მოდულები, თავიანთი განტოლების ამოხსნის ფორმულები. ჩვენ გვაქვს ის მათემატიკა, რომელსაც იზიარებს სრულიად მსოფლიო და ამ მათემატიკას დაადასტურებს ვენეციის კომისია უახლოეს მომავალში. ჩვენ სწორად ვაწვდით საზოგადოებას კონკრეტულ ციფრებს და რიცხვებს, რაც შეეხებათ ოპონენტებს, ისინი მარტივად ცდილობენ მანიპულირებას იმ ციფრებით, რომლებზეც ისინი საუბრობენ“,-აღნიშნა ირაკლი კობახიძემ.

პარლამენტის თავმჯდომარის განცხადებით, საყოველთაო-სახალხო განხილვის ფორმატში შეხვედრები 11 ქალაქში, მათ შორის თბილისში გაიმართება. საყოველთაო-სახალხო განხილვების მეორე ეტაპზე კი, ეს ფორმატი კიდევ უფრო გაიშლება იმისთვის, რომ მაქსიმალურად იყოს უზრუნველყოფილი მოსახლეობის ჩართულობა ამ პროცესში.

ირაკლი კობახიძემ შეხვედრის შეფასებისას კიდევ ერთხელ აღნიშნა, რომ ოპონენტებს სახელმწიფო საკონსტიტუციო კომისიიის მიერ პრეზიდენტის არჩევის წესთან დაკავშირებით შეთავაზებულ მოდელთან დაკავშირებით პოლიტიკური და იურიდიული კონტრარგუმენტები არ აქვთ.

„მე თვითონ დავრწმუნდი იმაში, რომ ჩემი არგუმენტები არის მყარი, იქიდან გამომდინარე, რომ ვერც ამ შეხვედრაზე ვერცერთი მყარი კონტრარგუმენტი ვერ მოვისმინე საპირისპირო პოზიციასთან დაკავშირებით, ვერცერთი მყარი არგუმენტით ვერ ასაბუთებენ ჩვენი ოპონენტები, თუ რატომ შეიძლება იყოს მიზანშეწონილი საპარლამენტო სისტემაში პრეზიდენტის პირდაპირი წესით არჩევა. ჩვენ ვსაუბრობთ ევროპული გამოცდილებით, ჩვენ ვსაუბრობთ სისტემის ლოგიკით. ამასთან დაკავშირებით გვაქვს ძალიან მყარი არგუმენტები და ასეთი პოლიტიკური, იურიდიული კონტრარგუმენტები არ აქვთ ოპონენტებს. ეს არის რეალობა. შესაბამისად, ჩვენ კიდევ ერთხელ დავრწმუნდით იმაში, რომ ჩვენი პოზიცია არის სწორი. ჩვენ ვაყალიბებთ მთლიანობაში ერთ სისტემას. ეს არის სისტემა, სადაც არის მკაფიოდ დანაწილებული ფუნქციები ხელისუფლების შტოებს შორის: ეს არის ძლიერი პარლამენტი, ქმედითი მთავრობა და დამოუკიდებელი სასამართლო. დღევანდელ რეალობაში, კონსტიტუციის თანახმად, პარლამენტი არის ძალიან სუსტი და ერთ-ერთი მთავარი მიღწევა ამ ცვლილებების არის ის, რომ პარლამენტი თვისებრივად ძლიერდება, და ერთ-ერთი მთავარი კომპონენტი ამ სისტემის არის ზეპარტიული პრეზიდენტი და სწორედ პრეზიდენტის ზეპარტიულობას ემსახურება მათ შორის პრეზიდენტის არჩევა არაპირდაპირი წესით. ამასთან დაკავშირებით ჩვენ გვქონდა უამრავი არგუმენტი, ვერცერთი მყარი კონტრარგუმენტი ჩვენ ვერ მოვისმინეთ“,-აღნიშნა ირაკლი კობახიძემ.

საყოველთაო-სახალხო განხილვის პროცესში პრეზიდენტის ჩართულობასთან დაკავშირებით პარლამენტის თავმჯდომარემ განაცხადა, რომ კარგი იქნება თუ კონსტიტუციის გადასინჯვის პროექტის განხილვა პლურალისტურ რეჟიმში წარიმართება და პარლამენტი ამ ფორმატისთვის აბსოლუტურად გახსნილია.

„მე რა თქმა უნდა, არაპირდაპირ ვიყავი ჩართული კონსულტაციებში, რომელიც უკავშირდება პრეზიდენტის მონაწილეობას საყოველთაო-სახალხო განხილვაში. ძალიან მნიშვნელოვანია ის, რომ ცალმხრივად არ მივაწოდოთ ჩვენი მოსაზრებები საზოგადოებას. აქამდე პრეზიდენტი მართავდა თავის შეხვედრებს და ცალმხრივად საუბრობდა საკონსტიტუციო ცვლილებებთან დაკავშირებით. ძალიან კარგი იქნება ამ ცალმხრივი ფორმატის ჩანაცვლება ისეთი ფორმატით, რომლის ფარგლებშიც ჩვენ ვიტყვით ჩვენს მოსაზრებებს მოსახლეობის წინაშე და გვექნება მსჯელობის საშუალება არა მონოლოგის რეჟიმში, არამედ პლურალისტურ რეჟიმში. ეს არის ძალიან მნიშვნელოვანი. ჩვენ ველით, რა თქმა უნდა, საბოლოო წინადადებას პრეზიდენტის ადმინისტრაციის მხრიდან და ვართ აბსოლუტურად გახსნილი იმ ფორმატისთვის, რომელიც ითვალისწინებს პრეზიდენტის ჩართულობას. მიუხედავად გარკვეული ემოციური გამოსვლებისა, დღეს ჩვენ გვქონდა ძალიან კონსტრუქციული დისკუსია ამ ფორმატში ქუთაისში და მე დარწმუნებული ვარ, რომ ასეთივე კონსტრუქციული დისკუსიები გაიმართება იგივე ფორმატში, სხვა ქალაქებში, პრეზიდენტის მონაწილეობით“,- აღნიშნა ირაკლი კობახიძემ.

ოპოზიციური პარტიების მიერ დაწყებულ კამპანიასთან „დაიცავი კონსტიტუცია“ დაკავშირებით პარლამენტის თავმჯდომარემ განაცხადა, რომ საქართველოში ყველას აქვს უფლება ჩაატაროს საკუთარი კამპანია, ხოლო პარლამენტი საყოველთაო-სახალხო განხილვას კონსტიტუციით და კანონმდებლობის შესაბამისად ახორციელებს.

„ჩვენ გვაქვს ჩვენი დღის წესრიგი. ეს არის პოზიტიური დღის წესრიგი და გამომდინარეობს საქართველოს კონსტიტუციიდან და კანონმდებლობიდან. სწორედ, ამ კანონმდებლობის შესაბამისად იმართება საყოველთაო-სახალხო განხილვა. მადლობა ღმერთს, ყველას აქვს საქართველოში იმის უფლება, რომ თავისი კამპანიები ჩაატაროს, თავისი მოსაზრებები გააცნოს საზოგადოებას. აქედან გამომდინარე, ეს მათი უფლებაა და ეს უფლება უნდა განხორციელდეს“,-აღნიშნა ირაკლი კობახიძემ.

საკვანძო სიტყვები:

ვახტანგ გომელაური პარლამენტის ნდობის ჯგუფის სხდომას დაესწრო

19 ოქტომბერი, 2019 , 19:03

შინაგან საქმეთა მინისტრი ვახტანგ გომელაური პარლამენტის ნდობის ჯგუფის სხდომას დაესწრო. შეხვედრაზე ვახტანგ გომელაური დეპუტატებს საქართველოს შინაგან საქმეთა სამინისტროში უკვე განხორციელებულ და დაგეგმილ სახელმწიფო საიდუმლოებ

საქართველოს ევროატლანტიკური ინტეგრაცია არ არის მიმართული არავის წინააღმდეგ, ის მიმართულია ჩვენი მოქალაქეების კეთილდღეობისკენ - გიორგი გახარია

19 ოქტომბერი, 2019 , 18:17

საქართველოს ევროატლანტიკური ინტეგრაცია არ არის მიმართული არავის წინააღმდეგ,ის მიმართულია ჩვენი მოქალაქეების კეთილდღეობისკენ, - ამის შესახებ საქართველოს პრემიერ-მინისტრმა გიორგი გახარიამ დიმიტრი მედვედევის განცხადებასთან

გიორგი გახარია სამხრეთ კორეის რესპუბლიკის ეროვნული ასამბლეის თავმჯდომარეს შეხვდა

18 ოქტომბერი, 2019 , 15:25

საქართველოში სხვადასხვა მიმართულებით განხორციელებული წარმატებული რეფორმები იყო საქართველოს პრემიერ-მინისტრ გიორგი გახარიასა და სამხრეთ კორეის რესპუბლიკის ეროვნული ასამბლეის თავმჯდომარე მუნ ჰი-სანგის შეხვედრის მთავარი თემ

მიხეილ ბატიაშვილმა და სომხეთის განათლების მინისტრმა არაიკ არუთიუნიანი რეფორმებსა და თანამშრომლობაზე ისაუბრეს

18 ოქტომბერი, 2019 , 15:25

ერევანში სამუშაო ვიზიტით მყოფმა საქართველოს განათლების, მეცნიერების, კულტურის და სპორტის მინისტრი მიხეილ ბატიაშვილმა და სომხეთის განათლების, მეცნიერების, კულტურისა და სპორტი მინისტრმა არაიკ არუთიუნიანი ორ ქვეყანას შორის

მეთიუ ბრაიზაც კი ვერ მალავს საფრთხეებს, რომელიც რასმუსენის იდეის უკან დგას - ნინო ბურჯანაძე

18 ოქტომბერი, 2019 , 14:15

მეთიუ ბრაიზა კვლავ აცოცხლებს ნატო-ს ყოფილი გენერალური მდივნის, რასმუსენის იმ იდეას, რომელიც კვიპროსის მოდელით საქართველოს ნატო-ში გაწევრიანებას გულისხმობს, - ასე პასუხობს “ერთიანი საქართველო-დემოკრატიული მოძრაობის"

სალომე ზურაბიშვილი საქართველოში გაერო-ს წარმომადგენლობას შეხვდა

17 ოქტომბერი, 2019 , 16:30

საქართველოს პრეზიდენტი სალომე ზურაბიშვილი, გაერო-ს კვირეულთან დაკავშირებით, საქართველოში გაერო-ს წარმომადგენლობას შეხვდა. პრეზიდენტის ადმინისტრაციის პრესსამსახურის ინფორმაციით, შეხვედრაზე, რომელსაც გაერო-ს მუდმივი კოორდი