უკან

უახლესი ამბები

დღის კალენდარი

ანონსები

არქივი

საზოგადოება

18 თებერვალი, 2020 15:05
font-size

ირაკლი ლექვინაძე დონორ და საერთაშორისო ორგანიზაციების წარმომადგენლებს შეხვდა

საქართველოს კონკურენციის სააგენტოს თავმჯდომარე, ირაკლი ლექვინაძე დონორ და საერთაშორისო ორგანიზაციების წარმომადგენლებს შეხვდა და ურთიერთთანამშრომლობის შესაძლებლობები, სააგენტოს მიერ მომზადებული ინიციატივები განიხილა.

კონკურენციის სააგენტოს პრესსამსახურის ინფორმაციით, ღონისძიებას საქართველოს საკანონმდებლო და აღმასრულებელი ხელისუფლების წევრები, ელჩები, დიპლომატები, არასამთავრობო სექტორისა და სამოქალაქო საზოგადოების წარმომადგენლები ესწრებოდნენ. შეხვედრაზე განხილული იქნა საქართველოში კონკურენციის პოლიტიკის გაუმჯობესების მიზნით განხორციელებული ღონისძიებები, მიღწეული შედეგები, მიმდინარე საკითხები და ის საჭიროებები, რომლის წინაშეც დღეს საქართველოს კონკურენციის სააგენტო იმყოფება.

„საქართველოს კონკურენციის სააგენტოსთვის, რომლის სწორ ფორმირებაზე მუშაობა აქტიურად მიმდინარეობს, საერთაშორისო მხარდაჭერა, დონორ ორგანიზაციებთან აქტიური თანამშრომლობა, მსოფლიოში აპრობირებული პრაქტიკის გაზიარების საფუძველზე სააგენტოს საქმიანობის ევროპულ სტანდარტებთან დაახლოება, ერთობლივი პროექტების, ინიციატივების განხორციელება და ადგილობრივ დონეზე - კონკურენციის პოლიტიკის, კულტურის შესახებ საზოგადოების ცნობიერების ამაღლება არის ჩვენი სამოქმედო გეგმის ერთ-ერთი მთავარი პრიორიტეტი.

2014 წლიდან დღემდე, ევროკავშირის პროექტის, ევროპის რეკონსტრუქციისა და განვითარების ბანკის, ასევე გერმანიის საერთაშორისო თანამშრომლობის საზოგადოების მხარდაჭერით კონკურენციის სააგენტომ მნიშვნელოვან შედეგებს მიაღწია. თამამად შეგვიძლია ვთქვათ, რომ ერთობლივი ძალისხმევით, საერთაშორისო და ადგილობრივი რესურსების მაქსიმალური მობილიზებით მიღებული შედეგები, რომელიც ღრმა და ყოვლისმომცველი თავისუფალი სავაჭრო სივრცის შესახებ შეთანხმების განხორციელების 2019 წლის ეროვნული სამოქმედო გეგმის ანგარიშშიც არის ასახული - არის შეუქცევადი პროცესი. დაწყებულ წინსვლას სჭირდება სწორი, მიზანმიმართული და შედეგზე ორიენტირებული, ქმედითი ნაბიჯები და საერთაშორისო მხარდაჭერა“, - განაცხადა საქართველოს კონკურენციის სააგენტოს თავმჯდომარე, ირაკლი ლექვინაძემ და შეხვედრაზე მოწვეულ საზოგადოებას კონკურენციის სფეროთი დაინტერესებისათვის, მხარდაჭერისათვის მადლობა გადაუხადა.

დღეის მდგომარეობით, საქართველოს კონკურენციის სააგენტო აქტიურად თანამშრომლობს შემდეგ საერთაშორისო ორგანიზაციებთან: კონკურენციის საერთაშორისო ქსელი; ეკონომიკური თანამშრომლობისა და განვითარების ორგანიზაცია; ეკონომიკური თანამშრომლობისა და განვითარების ორგანიზაციის უნგრეთის კონკურენციის რეგიონალური ცენტრი; გაეროს ვაჭრობისა და განვითარების კონფერენცია; სოფიას კონკურენციის ფორუმი; ამერიკის ადვოკატთა ასოციაცია.

მეკითხებოდნენ, ვირუსი რა, ღამით დადისო? ხომ გამოჩნდა, რომ თურმე ღამით დადიოდა? - პაატა იმნაძე

23 ივლისი, 2021 , 18:55

მეკითხებოდნენ - „ვირუსი რა, ღამით დადის?“. ხომ გამოჩნდა, რომ თურმე ღამით დადიოდა? - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა. მან პანდემიის დროს არსებუ

1 აშშ დოლარის ოფიციალური ღირებულება 3.1000 ლარი გახდა

23 ივლისი, 2021 , 17:16

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულებამ 3.1000 ლარი შეადგინა. კურსი, რომელიც დღეს მოქმედებდა, 3.1191 ლარი იყო. შესაბამისად, დოლარის ცვლილებამ ეროვნუ

COVID-19-ის საწინააღმდეგო ვაქცინაციის პროგრამით მოსარგებლეთა სია გაფართოვდა

23 ივლისი, 2021 , 16:57

COVID-19-ის საწინააღმდეგო ვაქცინაციის პროგრამით მოსარგებლეთა სია გაფართოვდა. ამის შესახებ ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს. მათი ცნობით, COVI

შემოსავლების სამსახურის ინიციატივით, მალფუჭებად ტვირთებზე ინფორმაციის ელექტრონული გაცვლის ახალი სისტემა დაინერგა

23 ივლისი, 2021 , 16:15

ფინანსთა სამინისტროს შემოსავლების სამსახურის ინიციატივით, მალფუჭებად ტვირთებზე ინფორმაციის ელექტრონული გაცვლის ახალი სისტემა დაინერგა. როგორც შემოსავლების სამსახურში განმარტავენ, ეს საქართველოს შინაგან საქმეთა სამინისტოს

პრემიერ-მინისტრმა შესაბამის უწყებებს ვაქცინებზე ხელმისაწვდომობის გაფართოებისთვის აუცილებელი ღონისძიებების მოკლე ვადებში გატარება დაავალა

23 ივლისი, 2021 , 15:55

იმუნიზაციის პროცესის მიმდინარეობასა და ვაქცინებზე ხელმისაწვდომობის გაფართოების აუცილებლობაზე იმსჯელეს უწყებათაშორისი საკოორდინაციო საბჭოს სხდომაზე, რომელიც პრემიერ-მინისტრ ირაკლი ღარიბაშვილის ხელმძღვანელობ

დამსაქმებლებმა უნდა უზრუნველყონ, თანამშრომლებს აცრის შემდეგ მისცენ ერთი ან ორი გამოსასვლელი დღე - ამირან გამყრელიძე

23 ივლისი, 2021 , 15:44

დამსაქმებლებმა უნდა უზრუნველყონ, რომ თანამშრომლებს აცრის შემდეგ მისცენ ერთი ან ორი გამოსასვლელი დღე, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უწყებათაშორისი საკოორდინაც

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი