უკან
კომენტარი
8 სექტემბერი, 2017 15:50
ირაკლი მექვაბიშვილის წარდგენა სასიამოვნოდ გაგვიკვირდა - რომან გოცირიძე
„ნაციონალური მოძრაობის“ წევრი, რომან გოცირიძე მთავარ აუდიტორად ირაკლი მექვაბიშვილის კანდიდატურის წარდგენას პოზიტიურად აფასებს.
„იმდენად ცუდი კანდიდატურები იყო დასახელებული, რომ სასიამოვნოდ გაგვიკვირდა. ეს არის ადამიანი, რომელიც მუშაობდა საბანკო სისტემაში და მას აქვს ევროპის რეკონსტრუქციისა და განვითარების ბანკში მუშაობის 8 წლიანი გამოცდილება, ამიტომ ეს იძლევა დამაიმედებელ საფუძველს“,- განუცხადა ჟურნალისტებს რომან გოცირიძემ.
მისი თქმით, მთავარია, რამდენად იქნება მექვაბიშვილი დამოუკიდებელი, პრინციპული და დაემორჩილება თუ არა მთავრობის ზეწოლას.
პარლამენტის თავმჯდომარემ გენერალური აუდიტის ხელმძღვანელის თანამდებობაზე ირაკლი მექვაბიშვილის კანდიდატურა წარადგინა.
მონიკა დავლიანიძე