სამართალი

ირაკლი ნოზაძის საქმეზე დაკავებული ამ დრომდე არავინაა

შინაგან საქმეთა სამინისტროში არ ადასტურებენ გავრცელებულ ინფორმაციას, თითქოსდა, მომღერალ ირაკლი ნოზაძის დაჭრაში მამაკაციც ფიგურირებს.

უწყებაში ამბობენ, რომ ამ დროისათვის საქმეზე დაკავებული არავინაა და მიმდინარეობს საგამოძიებო მოქმედებები.

შეგახსენებთ, რომ ირაკლი ნოზაძე საკუთარ საცხოვრებელ სახლთან, ვანის ქუჩაზე, ცივი იარაღით გუშინ საღამოს დაჭრეს. დაშავებულს ღუდუშაურის კლინიკაში წუხელ ოპერაცია ჩაუტარდა, რის შემდეგაც რეანიმაციულ განყოფილებაში გადაიყვანეს.

ფაქტთან დაკავშირებით გამოძიება განზრახ მკვლელობის მცდელობის მუხლით მიმდინარეობს, რაც 7-დან 18 წლამდე თავისუფლების აღკვეთას გულისხმობს.

დანაშაულში სავარაუდო ეჭვმიტანილი ორი გოგონაა.