უკან

უახლესი ამბები

დღის კალენდარი

ანონსები

არქივი

სამართალი

20 მარტი, 2018 16:35
font-size

ირაკლი ოქრუაშვილი „ტვ იბერიასა“ და „ომეგა ჯგუფის “ მიმართ დანაშაულებრივ ქმედებებს ადასტურებს

თბილისის საქალაქო სასამართლოში ტელეკომპანია ,,იბერიას“ სამაუწყებლო ლიცენზიის იძულებით დათმობის საქმეზე განხილვა ბრალდების მხარის მტკიცებულებათა გამოკვლევით განახლდა. საქმეზე ბრალდებულები არიან ყოფილი გენერალური პროკურორი ზურაბ ადეიშვილი და გიორგი ლაცაბიძე, რომელიც 2004 წელს მისი მოადგილე იყო.

დღევანდელ პროცესზე მოწმის სახით დაიკითხა, ირაკლი ოქრუაშვილი, რომელიც 2004 წლის თებერვალში, როდესაც ,,ომეგა ჯგუფში" შემავალ კომპანიებში, მათ შორის იბერია ტვ-ში სპეცრაზმის შეჭრა მოხდა, გენერალური პროკურორის თანამდებობას იკავებდა.

როგორც ოქრუაშვილმა სასამართლო სხდომაზე განმარტა, ის 2004 წლის იანვრიდან იყო გენერალური პროკურორი, ამავე წლის მაისიდან კი, შს მინისტრი გახდა.

შესაბამისად, მოწმის განმარტებით, მაშინ, როდესაც 2004 წლის მიწურულს ტელეკომპანია ,,იბერიას“ სამაუწყებლო ლიცენზიის იძულებით დათმობის პროცესი დაიწყო, ის უკვე აღარ იკავებდა გენერალური პროკურორის თანამდებობას და ,,არ ჰქონია შეხება იბერია ტვ-ის ლიცენზიის დათმობასთან."

,,ინტერესი ტელეკომპანიის ლიცენაზიასთან დაკავშირებით არ მქონია", - განაცხადა ირაკლი ოქრუაშვილმა და აქვე აღნიშნა, რომ ამ პროცესს პირადად კურირებდა მისი შემცვლელი გენერალური პროკურორის თანამდებობაზე - ზურაბ ადეიშვილი.

როგორც მოწმემ აღნიშნა, მიმდინარეობდა შეხვედრები, რომლებზეც იბერია ტვ-ის სამაუწყებლო ლიცენზიის დათმობასთან დაკავშირებით მსჯელობდნენ და ამ შეხვედრებში ზურაბ ადეიშვილი და იმჟამინდელი პრეზიდენტი მიხეილ სააკაშვილი მონაწილეობდნენ.

მისი ინფორმაციით, მოლაპარაკებების დროს იყო საუბარი იმაზე, რომ ფინანსური დარღვევებისთვის ,,ომეგა ჯგუფის" დავალიანების რესტრუქტურიზაციის სანაცვლოდ, მომხდარიყო ტელეკომპანია ,,იბერიას" სამაუწყებლო ლიცენზიის დათმობა.

ამასთან, ირაკლი ოქრუაშვილის განცხადებით, ტელეკომპანია ,,იბერიას" მიმართ გარკვეული ინტერესს გამოხატავდნენ მიხეილ სააკაშვილის ბებია და ბაბუა, რომლებიც როგორც მოწმემ აღნიშნა, პირადად მასაც ესაუბრნენ ამ საკითხზე.

ოქრუაშვილის ინფორმაციით, მოლაპარაკებებში დროდადრო ასევე ერთვებოდა ბიზნესმენი ბადრი პატარკაციშვილი, რომელსაც როგორც მოწმე ამბობს, შესაძლოა, გარკვეული ბიზნეს ინტერესი ჰქონდა.

რაც შეეხება კითხვას, თუ რატომ ინტერესდებოდა იმჟამინდელი ხელისუფლება, კერძოდ კი, პრეზიდენტი და საქმეზე ბრალდებული ზურაბ ადეიშვილი ტელეკომპანია ,,იბერიათი", ოქრუაშვილმა აღნიშნა, რომ ისინი გარკვეულ საფრთხეს ხედავდნენ ოპოზიციურად განწყობილ მედიასაშუალებაში.

მისივე თქმით, სააკაშვილის ხელისუფლებას საფრთხის შემცველად მიაჩნდა ისიც, რომ ,,ომეგა ჯგუფი" წარმოადგენდა მეგაბიზნესს, რომელსაც მხარდაჭერა ჰქონდა მის წინამორბედ მთავრობაში. ამ კონტექსტში ოქრუაშვილმა შევარდნაძის პრეზიდენტობის დროინდელი მინისტრი, კახა თარგამაძე ახსენა.

ოქრუაშვილის განცხადებით, მისი გენერალური პროკურორობის დროს მოხდა ,,ომეგა ჯგუფში" შესვლა მიმდინარე გამოძიების ფარგლებში, რომელიც სტამბაში შესაძლო ყალბი აქციზური მარკების დამზადებას ეხებოდა. მისივე თქმით, მან თანამდებობა მალევე დატოვა და ,,არ ახსოვს მიეცა თუ არა პასუხისგებაში იმ საქმის გამო ვინმე, რომლის გამოძიებაც მისი გენერალური პროკურორობის დროს დაიწყო."

ზურაბ ადეიშვილის ადვოკატის, შოთა კახიძის კითხვაზე, ,,ომეგა ჯგუფში" საგამოძიებო მოქმედებებისას ჰქონდა თუ არა ადგილი შსს-ს სპეცრაზმის მხრიდან უფლებამოსილების გადამეტებას, ოქრუაშვილმა აღნიშნა, რომ ,,ეს რომ ყოფილიყო, ეცოდინებოდა."

დღევანდელ სასამართლო სხდომაზევე ბრალდების მხარემ ასევე, გამოიკვლია მაგთიკომიდან და ჯეოსელიდან გამოთხოვილი ზურაბ ადეიშვილის, გიორგი ლაცაბიძის, კომუნიკაციების მარეგულირებელი კომისიის იმჟამინდელი ხელმძღვანელის, დიმიტრი ქიტოშვილის და საქმესთან შემხებლობაში მყოფი სხვა პირების მობილური ნომრებიდან გამავალი და შემავალი ზარების სატელეფონო ამონაწერები, რომლებიც ადასტურებს ხსენებულ პირებს შორის შემდგარ სატელეფონო საუბრებს და ამასთან, ეს სატელეფონი ზარები დროში ემთხვევა ტელეკომპანია ,,იბერიას" სამაუწყებლო ლიცენზიის იძულებით დათმობის პროცესს.

ტელეკომპანია იბერიას საქმეზე მომდევნო სხდომა 12 აპრილს, 13:30 საათისთვის ჩაინიშნა.

სახელმწიფო ინსპექტორმა პერსონალური მონაცემების გამავრცელებელი ბავშვის ინტერესების დამრღვევი ადვოკატი სამართალდამრღვევად ცნო - „ახალგაზრდა ადვოკატები“

9 ივლისი, 2020 , 17:20

სახელმწიფო ინსპექტორის სამსახურმა არასრუწლოვანის და მისი ოჯახის შესახებ პერსონალური მონაცემების უკანონოდ გამავრცელებელი ადვოკატი ლ. კ. სამართალდამრღვევად ცნო და ადმინისტრაციული სახდელის სახით - 500 ლარით დააჯარიმა. აღნიშ

გიორგი შაქარაშვილის საქმის ერთ-ერთი ფიგურანტის მობილურში შენახული აღმოჩნდა პირადი ცხოვრების ამსახველი ინფორმაცია, რისი შესწავლაც ცალკე წარმოებად გამოიყო - პროკურატურა

9 ივლისი, 2020 , 16:30

გენერალური პროკურატურის ინფორმაციით, გიორგი შაქარაშვილის საქმესთან დაკავშირებით, საქართველოს შინაგან საქმეთა სამინისტროს წარმოებაში არსებულ სისხლის სამართლის საქმეზე ჩატარებული კომპიუტერულ-ტექნიკური ექსპერტიზის შედეგად,

შინაგან საქმეთა სამინისტრო გიორგი შაქარაშვილის საქმესთან დაკავშირებით განცხადებას ავრცელებს

9 ივლისი, 2020 , 15:00

შინაგან საქმეთა სამინისტრო გიორგი შაქარაშვილის საქმესთან დაკავშირებით განცხადებას ავრცელებს. „მაღალი საზოგადოებრივი ინტერესიდან გამომდინარე გაცნობებთ, რომ ერთ-ერთ მედიასაშუალებაში გავრცელებულ კადრებში ნაჩვენები მოქ

გენერალურმა პროკურატურამ ჯგუფის მიერ განსაკუთრებით დიდი ოდენობით უკანონო შემოსავლის ლეგალიზაციის ფაქტი გამოავლინა

9 ივლისი, 2020 , 11:55

საქართველოს გენერალურმა პროკურატურამ, შინაგან საქმეთა სამინისტროსთან ერთობლივი თანამშრომლობით, ჯგუფის მიერ განსაკუთრებით დიდი ოდენობით უკანონო შემოსავლის ლეგალიზაციის ფაქტი გამოავლინა. პროკურატურის ინფორმაციით, გამოძიები

მამისა და ბაბუის მკვლელობაში ბრალდებული მუხრანში დააკავეს

9 ივლისი, 2020 , 10:30

შინაგან საქმეთა სამინისტროს მცხეთა-მთიანეთის პოლიციის დეპარტამენტის დეტექტივების სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1992 წელს დაბადებული, წარსულში სხვადასხვა დანაშაულისთვი

თელავის საკრებულოს წევრი მიხეილ გრემელაშვილი, ოჯახში ძალადობის ბრალდებით დააკავეს

9 ივლისი, 2020 , 10:30

თელავის საკრებულოს წევრი, რომელსაც ოჯახში ძალადობას ედავებიან, დაკავებულია. მიხეილ გრემელაშვილის საცხოვრებელი სახლიდან "კალაშნიკოვის" სისტემის უკანონოდ შენახული ცეცხლსასროლი იარაღიც ამოიღეს. შსს-ს ინფორმაციით, საქმე ოჯახ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე