უკან

უახლესი ამბები

დღის კალენდარი

ანონსები

არქივი

პოლიტიკა

6 სექტემბერი, 2017 16:15
font-size

ირაკლი სესიაშვილი ოთარ კახიძეს კრიზისების საბჭოში მისვლისკენ და ფუნქციების გაცნობისკენ მოუწოდებს

საქართველოს პარლამენტის თავდაცვისა და უსაფრთხოების კომიტეტის თავმჯდომარე, ირაკლი სესიაშვილი ”ევროპული საქართველოს” წევრს ოთარ კახიძეს კრიზისების საბჭოში მისვლისკენ და ფუნქციების გაცნობისკენ მოუწოდებს.

როგორც სესიაშვილმა დღევანდელ პლენარულ სხდომაზე განაცხადა, ოთარ კახიძის კრიტიკა კრიზისების საბჭოსთან მიმართებაში ხანძრების სალიკვიდაციო სამუშაოებში მონაწილეობასთან დაკავშირებით, მიუღებელია.

”პრემიერ-მინისტრის ხელმძღვანელობით მაქსიმალურად იყო მობილიზებული ჩვენი ქვეყნის რესურსები იმისთვის, რომ მართლაც საშიშ ბუნებრივ გამოწვევას გავმკლავებოდით და მიუხედავად ამისა, თქვენ უსაფუძვლო კრიტიკით ცდილობთ, რომ დააკნინოთ ის სახელმწიფო სტრუქტურები, ინსტრუმენტები, რომლებიც ოფიციალურად არიან ამ ქვეყანაში მსგავსი ტიპის კრიზისების მართვის დასაძლევლად. ჩემი რჩევაა ბატონო ოთარ, რომ გაერკვიოთ კრიზისების საბჭოს ფუნქციებში, მათ ინსტრუქციებში, იმ გეგმებში, რომელიც ამ უწყებას გააჩნია და მეტსაც გირჩევთ, იქნებ ერთხელ კეთილი ინებოთ და მიბრძანდეთ კრიზისების საბჭოში, დეპუტატი ხართ და გაქვთ ამის უფლება. გაერკვიეთ ფუნქციებში, ცოტა კვალიფიკაციაზეც იზრუნეთ და შემდეგ კრიტიკას სიამოვნებით მივიღებთ”, - მიმართა სესიაშვილმა კახიძეს.

მისი თქმით, კრიზისების საბჭოს კუთხით ერთ-ერთი საუკეთესო სისტემა ყალიბდება.

”ამ საბჭოს ჩამოყალიბების პროცესში პირველივე დღიდან ჩართული ვიყავი. შესაბამისად, მაქვს პატივი გითხრათ, რომ ერთ-ერთი საუკეთესო სისტემა ყალიბდება. რა თქმა უნდა, გასაკეთებელი ჯერ კიდევ ბევრია ამ მხრივ. ბრიტანელი ექსპერტები ჩართულნი არიან და მაქსიმალურად გვიწევენ დახმარებას, ექსპერტიზას. თავად ბრიტანელების შეფასებით ეს არის ინსტრუმენტი, რომელიც ანალოგია ”კობრას” ტიპის ბრიტანული მოდელის, თუმცა თავისი ეფექტური შესაძლებლობებით უფრო ეფექტურია. იმის ნაცვლად, რომ გვიხაროდეს და ყველამ ერთად ვიზრუნოთ ამ სისტემის რეპუტაციაზე და მოქმედებაზე, უსაფუძვლოდ ხდება კრიტიკა, რაც მისასალმებელი არ არის”, - განაცხადა სესიაშვილმა.

”ევროპული საქართველოს” წევრმა ოთარ კახიძემ დღევანდელ საპარლამენტო სესიაზე ხანძრების სალიკვიდაციო სამუშაოებში ერთ-ერთ მთავარ პრობლემად მართვისა და კოორდინაციის დროს გამოვლენილი ხარვეზები დაასახელა.

,,ვინაიდან სამომავლოდაც არის მოსალოდნელი მსგავსი რამ ჩვენი რელიეფიდან და კლიმატური პირობებიდან გამომდინარე, უნდა გავითვალისწინოთ ყველა ის ხარვეზი, რომელიც გამოვლინდა. ხარვეზი იყო მართვისა და კოორდინაციის დროს. ნამდვილად არ გვაქვს იმის თქმის საფუძველი, რომ ყველაფერი კარგად იყო კოორდინირებული. სახელმწიფოში არის კრიზისების მართვის არაეფექტური მექანიზმი, ბატონი ჯანელიძისა და ბატონი ჭიკაიძის ხელმძღვანელობით, რომლებმაც თქვეს, რომ მაშინ ჩაერთვნენ სამუშაოებში, როცა კანონმდებლობამ მოითხოვა. ანუ, ისინი კანონმდებლობას უყურებდნენ როცა ხანძარი მწვავდებოდა,” - განაცხადა კახიძემ.

ივანიშვილმა ცინიზმის უმაღლესი მწვერვალი გამოავლინა - დავით ჭიჭინაძე

15 ივლისი, 2020 , 14:16

ილუზორულ სამყაროში გამოკეტილმა კობახიძემ „გაგვახარა“, საარჩევნოდ თამამი დაპირებები გვექნებაო, მაგრამ სითამამეს წინ რა უდგას, შესრულებაა მთავარი. ან რა უნდა გვითხრას „ქართულმა ოცნებამ“ ახალი რომ პა

საქართველო უკვე უნდა იყოს ნატოს წევრი - მეთიუ ბრაიზა

14 ივლისი, 2020 , 20:49

საქართველო უკვე უნდა იყოს ნატოს წევრი - ამის შესახებ ამერიკელმა დიპლომატმა და სახელმწიფო დეპარტამენტის ყოფილმა მაღალჩინოსანმა მეთიუ ბრაიზამ „მთავარი არხის“ გადაცემა "დღის სტუმარში" ისაუბრა. ბრა

„ქართული ოცნების“ საარჩევნო შტაბის ხელმძღვანელად პარტიის აღმასრულებელი მდივანი ირაკლი კობახიძე დაინიშნა

14 ივლისი, 2020 , 20:23

„ქართული ოცნების“ საარჩევნო შტაბის ხელმძღვანელად პარტიის აღმასრულებელი მდივანი ირაკლი კობახიძე დაინიშნა. ამის შესახებ ინფორმაციას პარტიის პრესსამსახური ავრცელებს. პოლიტიკური გაერთიანება „ქართული ოცნება-

მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა

14 ივლისი, 2020 , 18:01

მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა. პარლამენტმა „საზოგადოებრივი ჯანმრთელობის შესახებ“ კანონში შესატანი ცვლილებების

ამ შემოდგომით საქართველოში გადამწყვეტი ნახტომისთვის ვემზადები - მიხეილ სააკაშვილი

14 ივლისი, 2020 , 16:47

ამ შემოდგომით საქართველოში გადამწყვეტი ნახტომისთვის ვემზადები. დავასრულებთ ჩემი სამშობლოს დამცირებასა და ჩემი ერის განადგურებას რუსეთის მიერ დანიშნული ოლიგარქი ივანიშვილის მიერ და დავაბრუნებთ საქართველოს სახელმწიფოს განვ

რატომ გადავწყვიტე დეპუტატობა? - თემურ შაშიაშვილი

14 ივლისი, 2020 , 16:25

„თეთრების“ ლიდერმა თემურ შაშიაშვილმა გუშინ გააკეთა განცხადება ქუთაისის მოჟორიტარად კენჭისყრის შესახებ. დღეს ის სპეციალურ განცხადებას ავრცელებს, სადაც განმარტავს თავისი გადაწყვეტილების მიზეზს. „ რატომ გა

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე