უახლესი ამბები
- 29.03.2024 16:43იუსტიციის სახლები შეფერხებით მუშაობენ
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:41არ არის საკმარისი, მხოლოდ ვამაყობდეთ ჩვენი დიასპორით, საჭიროა დროზე მივცეთ მათ ის საშუალება, რაც ეკუთვნით - საარჩევნო უფლება - პრეზიდენტი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
არქივი
პოლიტიკა
ირაკლი სესიაშვილი საქართველოში აკრედიტებულ ევროპის ქვეყნების ელჩებს შეხვდა
პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა ჩეხეთის და შვედეთის სამეფოს ელჩებთან შეხვედრები გამართა.
საქართველოს პარლამენტის ინფორმაციით, ჩეხ დიპლომატთან, ტომაშ პერნიცკისთან შეხვედრისას მხარეებმა სამხედრო სფეროში არსებული თანამშრომლობის საკითხები მიმოიხილეს და ერთობლივი პროექტების მომზადების პერსპექტივებზე იმსჯელეს.
ირაკლი სესიაშვილმა მადლობა გადაუხადა ჩეხ დიპლომატს ნატოსთან ინტეგრაციის პროცესში ჩეხეთის მთავრობის მიერ საქართველოს მიმართ გამოხატული მხადაჭერისთვის და იმ დახმარებისთვის, რომელიც თავდაცვის სფეროში მიმდინარე რეფორმების სრულყოფილად მომზადებას ემსახურება.
„თავდაცვის სფეროში საქართველო და ჩეხეთი დიდი ხანია თანამშრომლობენ და რამდენიმე სერიოზული პროექტი მიმდინარეობის პროცესშია. შეხვედრისას ჩვენ პარტნიორობის ეს შესაძლებლობებიც განვიხილეთ და საუბარი სამხედრო მრეწველობის საკითხებსაც შეეხო. ჩეხეთი ასევე აქტიურად არის ჩართული თავდაცვის რეფორმის პროცესშიც. მნიშვნელოვანია, რომ უახლოეს პერიოდში ჩეხეთის თავდაცვის მინისტრის საქართველოში ვიზიტი და მისი საკანონმდებლო ორგანოში სტუმრობა იგეგმება“, - აღნიშნა ირაკლი სესიაშვილმა.
შვედეთის სამეფოს ელჩთან, მარტინა ქუიქთან შეხვედრისას ყურადღება საპარლამენტთაშორისო ურთიერთობების განხილვას დაეთმო. აღინიშნა, რომ ბოლო პერიოდში ორმხრივი ურთიერთობების დინამიკა კიდევ უფრო გაიზარდა, რასაც ორივე მხარე მიესალმა. სწორედ საპარლამენტო თანამშრომლობის ფორმატში, თებერვლის დასაწყისში საქართველოს პარლამენტს შვედეთის საპარლამენტო დელეგაცია ეწვევა, რომელსაც შვედეთის ყოფილი თავდაცვის მინისტრი უხელმძღვანელებს.
„მიუხედავად იმისა, რომ შვედეთი ნატოს წევრი ქვეყანა არ არის საქართველოს მასთან აქტიური თანამშრომლობა აკავშირებს. გამოცდილების გაზიარებასთან ერთად, შვედი სამხედრო ოფიცრები ინტენსიურად თანამშრომლობენ ნატო-საქართველოს ერთობლივი წვრთნისა და აღჭურვის ცენტრთან“, - განაცხადა შეხვედრის დასრულებისას თავდაცვისა და უშიშროების კომიტეტის თავმჯდომარემ.