სამართალი

ირაკლი შოთაძე საპროკურორო საბჭოს წევრებს ერთწლიან ანგარიშს აცნობს

იუსტიციის სამინისტროში საპროკურორო საბჭოს სხდომა მიმდინარეობს, რომელზეც მოხსენებით მთავარი პროკურორი წარდგება.

ირაკლი შოთაძე საბჭოს წევრებს მუშაობის ერთწლიან ანგარიშს აცნობს.

როგორც მთავარმა პროკურორმა ჟურნალისტებს შეხვედრის დაწყებამდე განუცხადა, შეხვედრაზე საუბარი შეეხება უწყებაში განხორციელებულ და დაგეგმილ რეფორმებს.

„საუბარი იქნება კოლეგიური ორგანოს საკონსულტაციო საბჭოს საქმიანობაზე, რომლის ფარგლებშიც უკვე ერთი წელია რაც ხდება, საქართველოს პროკურატურის თანამშრომლების მიმართ დისციპლინარული ზომების გამოყენების და წახალისების ზომების შემუშავება.

კარგი ტენდენციები არსებობს არასრულწლოვანთა მართლმსაჯულების მიმართულებით, ჩვენი პოლიტიკა არასრულწლოვანების სისხლის სამართლის საქმეებზე მიმართულია არასრულწლოვნების რესოციალიზაციის და გამოსწორების მიმართულებით. ჩვენს ანგარიშში მოცემულია სწორედ სიძულვილის მოტივით განპირობებული დანაშაულების მხრივ ჩვენ მიერ განხორციელებული სისხლის სამართლებრივი დევნა. ეს არის ჩვენი ერთ-ერთი პრიორიტეტი. ჩვენი პროკურორების გადამზადება მოხდა ამ მიმართულებით, რათა სისხლის სამართლებრივი დევნის განხორციელება მსგავს დანაშაულებებზე იყოს მაქსიმალურად ეფექტიანი,“ - განაცხადა ირაკლი შოთაძემ.

ნინო ექვთიმიშვილი