უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
რეგიონები
ირაკლი შოთაძემ ქვემო ქართლის საოლქო და რუსთავის რაიონული პროკურატურის ახალი შენობა გახსნა
პროკურატურის მუშაკთა პროფესიული დღის და საქართველოს პროკურატურის 100 წლის იუბილესთან დაკავშირებით საქართველოს მთავარმა პროკურორმა ირაკლი შოთაძემ ქვემო ქართლის საოლქო და რუსთავის რაიონული პროკურატურის ახალი შენობა გახსნა.
მთავარი პროკურატურის ინფორმაციით, ღონისძიებას საქართველოს მთავარი პროკურორის მოადგილეები, საქართველოს პროკურატურის წარმომადგენლები, პროკურორთა საერთაშორისო ასოციაციის გენერალური მდივანი ჰან მორაალი, ლიეტუას, უკრაინის, ბელორუსის, სომხეთის რესპუბლიკების მთავარი პროკურორები და სხვა სტუმრები ესწრებოდნენ.
ირაკლი შოთაძემ თანამშრომლებს პროფესიული დღე, საქართველოს პროკურატურის 100 წლის იუბილე და ახალი შენობის გახსნა მიულოცა და პროფესიულ საქმიანობაში წარმატებები უსურვა.
საქართველოს მთავარმა პროკურორმა სტუმრებს ქვემო ქართლის საოლქო და რუსთავის რაიონული პროკურატურის ახალ შენობაში „იუნისეფის“ ფინანსური მხარდაჭერით გახსნილი სათანადო ტექნიკური მოწყობილობებით აღჭურვილი, ბავშვზე მორგებული გამოკითხვის ოთახი წარუდგინა და საქართველოში ბავშვზე მორგებული მართლმსაჯულების სისტემის განვითარების გზაზე აღნიშნული სივრცის მნიშვნელობაზე ისაუბრა.
ქვემო ქართლის საოლქო და რუსთავის რაიონული პროკურატურის ახალ ადმინისტრაციულ შენობას საძირკველი 2017 წლის თებერვალში ჩაეყარა. მანამდე საოლქო და რაიონული პროკურატურა 1949 წელს აშენებულ, ძველ, ამორტიზებულ შენობაში იყო განთავსებული. ახალი, ოთხსართულიანი შენობა, რომელიც საქართველოს პროკურატურისთვის გამოყოფილი ბიუჯეტიდან დაფინანსდა, 1400 კვადრატულ მეტრ ფართს მოიცავს და თანამედროვე სტანდარტების შესაბამისად არის აშენებული.
ღონისძიების ფარგლებში სტუმრებს სპეციალურად 100 წლის იუბილესათვის გამოცემული ჟურნალი გადაეცათ, რომელშიც რეფორმის შემდგომ, 2016-2017 წლებში საქართველოს პროკურატურის მიღწევები, გამოწვევები და წარმატებებია ასახული.