ირანელი დეპუტატი კარიმ კოდუსი ორმუზის სრუტის ჩაკეტვას ითხოვს. მან შესაბამისი კანონპროექტიც მოამზადა და ირანის საკანონმდებლო ორგანოში წარადგინა.

დეპუტატი აცხადებს, რომ საკანონმდებლო ორგანოში მის ინიციატივას პარლამენტართა უმეტესობა იზიარებს. კოდუსის თქმით, ორმუზის სრუტის ჩაკეტვა იქნებოდა ირანის ადეკვატური პასუხი დასავლეთის მიერ თეირანის წინააღმდეგ დაწესებულ სანქციებზე.

როგორც ცნობილია, ორმუზის სრუტის ჩაკეტვა ნავთობის ტრანსპორტირებას შეაფერხებს.