უკან

უახლესი ამბები

დღის კალენდარი

ანონსები

არქივი

პოლიტიკა

3 დეკემბერი, 2018 16:30
font-size

ირმა ინაშვილი შსს-სგან და პროკურატურისგან ითხოვს, დაადგინონ „ნაცმოძრაობის“ მიერ მიღებული 780 ათასი ხმის „რეალურობა“

„პატრიოტთა ალიანსის“ ერთ-ერთმა ლიდერმა, ირმა ინაშვილმა პროკურატურისგან და შინაგან საქმეთა სამინისტროსგან მოითხოვა, ჩატარდეს გამოძიება საპრეზიდენტო არჩევნების მეორე ტურში „ნაციონალური მოძრაობის“ მიერ მიღებული „თითქოსდა 780 ათასი ხმის რეალურობის დადგენის მიზნით“.

ინაშვილმა დღევანდელ ბრიფინგზე განაცხადა, რომ მას კითხვები გაუჩნდა, რადგან „ნაციონალურმა მოძრაობამ“ რუსთაველის გამზირზე დაახლოებით 3 000 ადამიანზე მეტი ვერ შეკრიბა.

დეპუტატის მოსაზრებით, ადგილი აქვს „პოლიტიკურ აფერისტობასა და ყალთაბანდობას, რომელშიც ჩართული არიან როგორც ხელისუფლების წარმომადგენლები, ისე სააკაშვილ-ბოკერიები“.

„გუშინ „ნაციონალურმა მოძრაობამ“ დაახლოებით 3 000 ამომრჩეველი შეკრიბა. რეალურად, ამ აქციის ორგანიზება მოხდა 25 ნოემბრის ჩვენი აქციის საპირწონედ. 25 ნოემბრის აქციაში 100 000-ზე მეტი ადამიანი მონაწილეობდა. აქციაში მონაწილეობდნენ ადამიანები, როგორც თბილისიდან, ისე რეგიონებიდან და ოკუპირებული ტერიტორიებიდან. რაც არ უნდა გაბერონ მონაცემები, „ნაციონალური მოძრაობის“ აქციაში 3 000 ადამიანი მონაწილეობდა. მე ვსვამ კითხვებს, თუ პარტიას რეალურად ჰყავს 780 ათასი ამომრჩეველი, მის მიერ ორგანიზებულ აქციაზე რატომ მოდის 3 000 ადამიანზე ნაკლები? შეუძლებელია, რეალურად ამდენი ამომრჩეველი გყავდეს და შენს მიერ ორგანიზებულ მიტინგზე არ იდგეს მინიმუმ 30 ათასი ადამიანი. მე ვითხოვ, შს სამინისტრომ და პროკურატურამ სასწრაფოდ დაიწყონ გამოძიება „ნაციონალური მოძრაობის“ მიერ მიღებული 780 ათასი ხმის რეალურობის დადგენის მიზნით. ადგილი აქვს პოლიტიკურ აფერისტობას და ამ აფერისტობაში მონაწილეობენ როგორც სააკაშვილ-ბოკერია, ისე მონაწილეობენ „ქართული ოცნების“ ხელისუფლებიდან რიგი თანამდებობის პირები. ვსვამ კიდევ კითხვას, როგორ ხდება, რომ არჩევნების პირველ ტურზე მოდის 1 600 ათასი ამომრჩეველი და სააკაშვილ-ბოკერიებს უწერენ 780 ათას ხმას, ხოლო არჩევნების მეორე ტურზე მოდის 2 მლნ ამომრჩეველი და მათ ისევ იგივე ხმა რჩებათ? ეს არის სასაცილო. კიდევ მაქვს კითხვა, როგორ ხდება, რომ მსოფლიოში ყველა პარტიასა და პოლიტიკოსს ეცვლება რეიტინგი, მაგრამ არ იცვლება რატომღაც „ნაციონალური მოძრაობის“ რეიტინგი. 2012 წელს „ნაციონალურ მოძრაობას“ დაუწერეს 40%-იანი რეიტინგი, გადის 6 წელი და ეს რეიტინგი არ შეიცვალა? ასეთი რამ მსოფლიო პოლიტიკაში არ ხდება. ადგილი აქვს პოლიტიკურ აფერისტობასა და ყალთაბანდობას და მასში მონაწილეობენ როგორც სააკაშვილ-ბოკერიები, ისე ხელისუფლების მაღალი თანამდებობის პირები“, - განაცხადა ინაშვილმა.

მან აღნიშნა, რომ ამ შეკითხვებით მიმართავს როგორც ხელისუფლებას, ისე ექსპერტებს და მათგან პასუხებს ითხოვს.

თბილისში ოპოზიციის ერთი ნაწილის მერობის კანდიდატი ნიკა მელია, საკრებულოს თავმჯდომარეობის კანდიდატი ელენე ხოშტარია იქნება, ზურაბ ჯაფარიძე კი ვიცე მერად განიხილება

23 ივლისი, 2021 , 21:43

დადგა ქართველი ხალხის გამარჯვების დრო, თქვენი გამარჯვების დრო. დიახ, თბილისი ჩვენი ბრძოლის წინა ხაზზეა რეფერენდუმში, რომლითაც საქართველო უნდა დავიბრუნოთ, – ამის შესახებ „ნაცონალური მოძრაობის“ თავმჯდომარ

„ქართული ოცნება“ განცხადებას ავრცელებს

23 ივლისი, 2021 , 18:41

„ქართული ოცნება“ განცხადებას ავრცელებს. მმართველი პარტია მოუწოდებს ყველა ოპოზიციურ პარტიას, დაესწრონ 26 ივლისს ჩანიშნულ პლენარულ სხდომას და მონაწილეობა მიიღონ განხილვაში, რომელზეც დროებითი საგამოძიებო კომისიი

წინასწარ შეგვიძლია ვთქვათ, რომ ეს იქნება მელიას ბრძოლა ბრინჯაოს ან ვერცხლის მედლისთვის – ლევან იოსელიანი

23 ივლისი, 2021 , 14:30

„ნაციონალური მოძრაობა“ ვერ კრებს თავის გარშემო მთლიანად ოპოზიციურ ამომრჩეველს, ამიტომ წინასწარ უკვე შეგვიძლია ვთქვათ, რომ ეს იქნება ნიკა მელიას ბრძოლა ბრინჯაოს ან ვერცხლის მედლისთვის – ამის შესახებ პარლ

გუნდი თუ მიიღებს გადაწყვეტილებას, რომ თანამდებობა დავტოვო, რა თქმა უნდა, ამ გადაწყვეტილებას დავემორჩილები - ვახტანგ გომელაური

23 ივლისი, 2021 , 09:31

გუნდი თუ მიიღებს გადაწყვეტილებას, რომ მე თანამდებობა უნდა დავტოვო, რა თქმა უნდა, ამ გადაწყვეტილებას დავემორჩილები, – ამის შესახებ შინაგან საქმეთა მინისტრმა, ვახტანგ გომელაურმა „ღამის კურიერში“ განაცხადა

პარლამენტში საქართველოს ეროვნული ბანკის 2020 წლის წლიური ანგარიში მოისმინეს

23 ივლისი, 2021 , 08:36

საქართველოს ეროვნული ბანკის ინფორმაციით, საქართველოს პარლამენტის რიგგარეშე სესიის პლენარულ სხდომაზე საქართველოს ეროვნული ბანკის 2020 წლის წლიური ანგარიში მოისმინეს, რომელიც საკანონმდებლო ორგანოში ეროვნული ბანკის პრე

ცესკო-ს თავმჯდომარეობის კანდიდატებმა პარლამენტში საჭირო მხარდაჭერა ვერ მიიღეს

22 ივლისი, 2021 , 15:23

ცესკო-ს თავმჯდომარეობისა და წევრობის კანდიდატთა სია კენჭისყრაზე ხელახლა დღეს გავიდა, თუმცა კანდიდატებმა პარლამენტში საჭირო მხარდაჭერა ისევ ვერ მიიღეს. კერძოდ, ცესკო-ს თავმჯდომარეობის კანდიდატ გიორგი კალანდარიშვილს 83-მა

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი