საზოგადოება

ირმა ნადირაშვილი, გიგი უგულავა და დავით დარჩიაშვილი კახეთში მიმავალ გზაზე პატრულმა დააჯარიმა

ნაციონალური მოძრაობის უკვე ყოფილი წევრები, ირმა ნადირაშვილი, გიგი უგულავა და დავით დარჩიაშვილი კახეთში მიმავალ გზაზე პატრულის თანამშრომლებმა ნახევარი საათით გააჩერეს და საბოლოოდ, დაჯარიმების შემდეგ გაუშვეს.

ინფორმაციას ,,ევროპული საქართველოს’’ წევრი, ირმა ნადირაშვილი ფეისბუქის პირად გვერდზე ავრცელებს.

,,კახეთში მივდივართ მე, უგულავა, დარჩიაშვილი. პატრულმა გაგვაჩერა. დაბნეულები ლაპარაკობდნენ, არ ვიცით სად დაარღვიეთო, მაგრამ თეთრი შკოდა მოგყვებიდათო, და იმან გადმოგვცა, რომ უნდა დაგვეკავებინეთო. ნახევარი საათით გაგვაჩერეს. ხან ტელეფონით რეკავდნენ, ხან ინტერნეტი ჭედავსო გვეუბნებოდნენ.

ბოლოს ჯარიმა გამოგვიწერეს, რადგან ზუსტი ადგილი არ იცოდნენ, კახეთის ტრასა მიუთითეს.

სუსის თეთრი შკოდები :)’’ – წერს ირმა ნადირაშვილი სოციალურ ქსელში.

ნინო ექვთიმიშვილი