პოლიტიკა
ის იქნება სუს-თან არსებული სსიპი, მაგრამ არა საგამოძიებო ფუნქციით - ეკა ბესელია
პარლამენტის იურიდიულ საკითხთა კომიტეტის თავმჯდომარემ ე.წ. მოსმენების კანონთან დაკავშირებით ჟურნალისტებთან განმარტება გააკეთა.
ეკა ბესელიას თქმით, კანონპროექტის მიხედვით, იქმნება დამოუკიდებელი სააგენტო, რომელიც სსიპის სახით დაექვემდებარება უსაფრთხოების სამსახურს და ის იქნება მთავარი მაკონტროლებელი ორგანო ფარულ მოსმენებთან დაკავშირებით.
,,ის იქნება სუს-თან არსებული სსიპი, მაგრამ არა საგამოძიებო ფუნქციით. მას მხოლოდ ტექნიკური სერვისის განხორციელება ევალება. ეს სააგენტო მოემსახურება ყველა უწყებას, ვისაც კი სასამართლოს ბრძანებით ექნება დავალება გაცემული, რომ განახორციელოს სხვადასხვა ტიპის ფარული მოქმედებები’’, - განაცხადა ეკა ბესელიამ.
შეგახსენებთ, რომ უწყების შექმნა საკონსტიტუციო სასამართლოს გადაწყვეტილების შედეგად გახდა საჭირო. სასამართლომ არაკონსტიტუციურად ცნო ფარული მიყურადების განხორციელების არსებული საკანონმდებლო ნორმები.
ნინო ექვთიმიშვილი