უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ის, რაც მოვისმინეთ ლევან ყიფიანისგან, არის საზოგადოებისთვის თვალში ნაცრის შეყრა და აბუჩად აგდების მცდელობა - დავით ბაქრაძე
„ევროპული საქართველოს“ საპრეზიდენტო კანდიდატმა, დავით ბაქრაძემ სპორტისა და ახალგაზრდობის ყოფილი მინისტრის, ლევან ყიფიანის განცხადებას „ომეგას“ საქმეზე გამოქვეყნებულ ჩანაწერებთან დაკავშირებით „საზოგადოებისთვის თვალში ნაცრის შეყრა და აბუჩად აგდების მცდელობა“ უწოდა.
ბაქრაძის შეფასებით, ყიფიანის ნათქვამი ადასტურებს, რომ მთელი სახელისუფლებო ვერტიკალი ჩართულია კორუფციაში.
„ის, რაც მოვისმინეთ, არის საზოგადოებისთვის თვალში ნაცრის შეყრა და აბუჩად აგდების მცდელობა. თუ ეს ყველაფერი იყო ტყუილი, რას ელოდებოდა ამდენი ხანი ლევან ყიფიანი, თავიდანვე რატომ არ განაცხადა, რომ ეს ტყუილი იყო. იქნებ, ის სხვა ჩანაწერებიც დადგმული იყო, ან „ფილიპ მორისის“ წინააღმდეგ სასამართლო გადაწყვეტილებაც ერთი წლის წინ, რომელიც შემდეგ სააპელაციო სასამართლომ გააუქმა, ტყული იყო და მოგვეჩვენა. სინამდვილეში, ეს ყველაფერი ადასტურებს ერთს, რომ როგორც ჩანს, მართლაც, ეს ამბავი არის სიმართლე, მართლაც, მთელი სახელისუფლებო ვერტიკალი ჩართულია კორუფციაში და დღეს ეძებენ გამოსავალს, როგორ არ გამოიძიონ და მიჩქმალონ ეს ამბავი, ამიტომ ამ ყველაფრის საუკეთესო პასუხი იქნება 28 ოქტომბრის არჩევნებზე შესაბამისი პასუხის გაცემა და „ქართული ოცნების“ დამარცხება მთელი თავისი კორუფციული სქემებითა და არაფორმალური მმართველობით“, - განაცხადა ბაქრაძემ.
ცნობისთვის, გუშინ ლევან ყიფიანმა საქალაქო სასამართლოში „ომეგას“ საქმეზე გამოქვეყნებული ჩანაწერების შესახებ დაკითხეს. მიცემული ჩვენების შემდეგ ყოფილმა მინისტრმა განაცხადა, რომ აღნიშნული აუდიოჩანაწერები მან და „ომეგა ჯგუფის“ მფლობელმა ზაზა ოქუაშვილმა დადგეს, რათა კომპანიის უცხოელი პარტნიორებისთვის ეჩვენებინათ. ყიფიანის თქმით, ოქუაშვილმა სთხოვა ამ აუდიოფირების ჩაწერა, რათა დაერწმუნებინა უცხოელი პარტნიორები, რომ საქართველოს ხელისუფლება წნეხს ახორციელებდა მასზე და მოხდებოდა იმ ვალდებულებების გადავადება, რომელიც პარტნიორებთან გააჩნდა.