უკან

პოლიტიკა

12 სექტემბერი, 2018 12:10
font-size

ის, რომ თამბაქოს ბიზნესისა და კომერციული საქმიანობის გარდა აქვთ ტელევიზია, არ ნიშნავს, რომ გადასახადი ვინმემ არ უნდა გადაიხადოს - პრემიერი

საქართველოს პრემიერ-მინისტრი მამუკა ბახტაძე „იბერია ტვ“-ისა და კომპანია „ომეგა ჯგუფის“ გარშემო მიმდინარე მოვლენებს გამოეხმაურა.

პრემიერის თქმით, ის გამოხატავს ღრმა პატივისცემას ნებისმიერი ადამიანის მიმართ, რომელიც თუნდაც ერთ სამუშაო ადგილს ქმნის საქართველოში, თუმცა გადასახადები ყველამ უნდა გადაიხადოს.

„მქონდა შეხვედრა და გვქონდა კომუნიკაცია ამ კომპანიასთან და მის აქციონერებთან. მეორე, ჩვენ ვართ მაქსიმალურად კეთილგანწყობილი და მეგობრული ნებისმიერი სამეწარმეო სუბიექტის მიმართ, განსაკუთრებით როდესაც ვსაუბრობთ ადგილობრივ წარმოებაზე.

კიდევ ერთხელ გამოვხატავ ღრმა პატივისცემას ნებისმიერი ადამიანის მიმართ, რომელიც თუნდაც ერთ სამუშაო ადგილს ქმნის საქართველოში. თითოეულ სამუშაო ადგილს ყველაზე მაღალპრიორიტეტული მნიშვნელობა აქვს. სწორედ აქედან გამომდინარე, მოგეხსენებათ როგორი პოლიტიკა იყო ფინანსთა სამინისტროს შემოსავლების სამსახურის მხრიდან, თუ სწორად მახსოვს, 11-ჯერ გადაუვადდა ამ კომპანიას შემოსავლების სამსახურის მხრიდან სანქციების გამოყენება, რომელიც ასეთ დროს დგება, მაგრამ ჩვენ დავინახეთ ტენდენცია ძალიან ნეგატიური, რომ ბოლო თვეების განმავლობაში, ორგანიზაციამ კიდევ უფრო გაზარდა ეს დავალიანება“, – განაცხადა პრემიერმა.

მისი თქმით, „ომეგა ჯგუფში“ შემავალი სიგარეტის მწარმოებელი კომპანია შპს „ოჯთ“-ის დავალიანებამ მიაღწია თითქმის 51 მილიონ ლარს.

როგორც პრემიერმა განმარტა, თამბაქოს წარმოებას აქვს სააქციზო გადასახადი, რომელიც ყველამ უნდა გადაიხადოს. მან აღნიშნა, რომ მედიაპლურალიზმი არის მოქმედი ხელისუფლების ერთ-ერთი მთავარი მონაპოვარი, რომელსაც უფრთხილდებიან.

„არსებობს დამოუკიდებელი ტელევიზია და მედიაპლურალიზმი არის ერთ-ერთი მთავარი მონაპოვარი „ქართული ოცნების“ და ჩვენ ამას ძალიან ვუფრთხილდებით. რაც შეეხება თამბაქოს წარმოებასა და კომერციულ საქმიანობას, გადასახადი უნდა გადაიხადოს ყველამ და რა თქმა უნდა, ის, რომ აქციონერებს თამბაქოს ბიზნესისა და კომერციული საქმიანობის გარდა აქვთ ტელევიზია, ეს იმას არ ნიშნავს, რომ გადასახადი ვინმემ არ უნდა გადაიხადოს.

გადასახადი უნდა გადაიხადოს ყველამ და ფინანსთა სამინისტრო, ისევე როგორც შემოსავლების სამსახური, უნდა იყოს მაქსიმალურად განწყობილი, რომ თუ დავალიანება დაგროვდა, შეიქმნას გრაფიკი, რომელიც კომპანიას მისცემს საშუალებას, აწარმოოს თავისი საქმიანობა, გადაიხადოს გადასახადებიც და დაფაროს წარსული დავალიანებაც. მიდგომა გახლდათ სწორედ ასეთი და მგონი, ფინანსთა სამინისტრომ და შემოსავლების სამსახურმა გააკეთეს კონკრეტული განმარტება, 11-ჯერ მოხდა გადავადება“, – აღნიშნა ბახტაძემ.

რაც შეეხება „იბერიას“ მიერ გავრცელებულ სატელეფონო ჩანაწერს, რომელშიც სავარაუდოდ სპორტის ყოფილი მინისტრი ლევან ყიფიანი ტელეკომპანია „იბერიისა“ და „ომეგა ჯგუფის“ დამფუძნებელ ზაზა ოქუაშვილს ესაუბრება, ბახტაძემ აღნიშნა, რომ საქართველოში არის კანონის უზენაესობა და ხელშეუხებელი არავინ არაა.

„დარწმუნებული ვარ, შესაბამისი ორგანოები აუცილებლად გადადგამენ ნაბიჯებს, რაც არის გადასადგმელი კანონმდებლობის შესაბამისად. საქართველოში ხელშეუხებელი არ არის არავინ, ეს არის ყველაზე მთავარი და „ქართული ოცნების“ ხელისუფლებამ ამის დემონსტრირება არაერთხელ მოახდინა“, – აღნიშნა პრემიერ-მინისტრმა.

საერთაშორისო პარტრნიორები და დონორი ორგანიზაციები საქართველოს მთავრობას ღია წერილით მიმართავენ

9 აპრილი, 2020 , 16:53

საერთაშორისო პარტნიორები და დონორი ორგანიზაციები საქართველოს მთავრობასა და ხალხს ღია წერილით მიმართავენ. წერილის ავტორები აცხადებენ, რომ პარტნიორებთან ერთად, ჯგუფურად საქართველოს სწრაფი მხარდაჭერისა და ფინანსური დახმარებ

დავით ჭიჭინაძე გიორგი გახარიას ღია წერილით მიმართავს

9 აპრილი, 2020 , 15:55

პოლიტიკური მოძრაობა „ტრიბუნას“ ლიდერი, დავით ჭიჭინაძე საქართველოს პრემიერ-მინისტრ, გიორგი გახარიას ღია წერილით მიმართავს. როგორც ჭიჭინაძე საკუთარ წერილში აღნიშნავს, ამ დროისთვის ქვეყანაში 5 მნიშნველოვანი პრობ

გიორგი გახარიამ სამეზობლო პოლიტიკისა და გაფართოების საკითხებში ევროკომისარ ოლივერ ვარჰელისთან ვიდეოკონფერენცია გამართა

7 აპრილი, 2020 , 15:40

საქართველოს პრემიერ-მინისტრმა გიორგი გახარიამ სამეზობლო პოლიტიკისა და გაფართოების საკითხებში ევროკომისარ ოლივერ ვარჰელისთან ვიდეოკონფერენცია გამართა. მთავრობის ადმინისტრაციის ინფორმაციით, საუბრის ძირითადი თემა იყო გლობალ

პარლამენტის თავმჯდომარემ ვიცე-სპიკერებთან, ფრაქციებისა და კომიტეტების ხელმძღვანელებთან ონლაინ შეხვედრა გამართა

6 აპრილი, 2020 , 19:56

პარლამენტის თავმჯდომარემ, არჩილ თალაკვაძემ ვიცე-სპიკერებთან, ფრაქციებისა და კომიტეტების ხელმძღვანელებთან უმრავლესობის ფორმატში ონლაინ სამუშაო შეხვედრა გამართა. პარლამენტის პრესსამსახურის ცნობით, ონლაინ-შეხვედრაზე კოვიდ19

ოპოზიციური პარტიები სხვადასხვა ქვეყნის მთავრობებს და საერთაშორისო ორგანიზაციებს მიმართავენ

3 აპრილი, 2020 , 12:20

ოპოზიციური პარტიები ავრცელებენ მიმართვას, რომლის ადრესატებიც აშშ-ს მთავრობა, დიდი ბრიტანეთის მთავრობა, კანადის მთავრობა, ნორვეგიის მთავრობა, შვეიცარიის მთავრობა, ევროკავშირი, მსოფლიო ბანკი, სავალუტო ფონდი, ევროპის განვით

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება - ირაკლი კობახიძე

2 აპრილი, 2020 , 19:24

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება. აღნიშნულ საკითხთან დაკავშირებით საბოლოო კონსულტაციები დისტანციურ რეჟიმში გაიმართა, - ამის შესახებ საპარლამენტო უმრავლესობის წევ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`