საზოგადოება
ისნის სპეცოპერაციის შედეგად ერთ-ერთი ლიკვიდირებული პირი ახმედ ჩატაევი აღმოჩნდა
სახელმწიფო უსაფრთხოების სამსახურის ინფორმაციით, ისანში, ბერი გაბრიელ სალოსის ქუჩაზე 21-22 ნოემბერს ჩატარებული სპეცოპერაციის შედეგად ერთ-ერთი ლიკვიდირებული პირი ახმედ ჩატაევი აღმოჩნდა.
„ამერიკელი კოლეგების დახმარებით ჩატარებული საგამოძიებო მოქმედებებითა და ექსპერტიზით, მატ შორის დნმ-ის ანალიზითა და თითის ანაბეჭდებით, ანუ დაქტილოსკოპიური კვლევით, იყო დადგენილი, რომ ლიკვიდირებულებიდან ერთ-ერთი ახმედ ჩატაევია. დანაშაულებრივი ჯგუფის წევრებს თან მათი ვინაობის დამაიდენტიფიცირებელი არანაირი დოკუმენტი არ ჰქონიათ. აღნიშნული პირების იდენტიფიკაციის პროცესში ჩართულები არიან ჩვენი საერთაშორისო პარტნიორები. გამოძიების ფარგლებში დგინდება, თუ როგორ მოხვდნენ აღნიშნული ჯგუფის წევრები საქართველოში და ასევე მათი შესაძლო კავშირი სხვა დანაშაულებრივ პირებთან“, -განაცხადა სუს-ის საზოგადოებასთან ურთიერთობის სამსახურის უფროსმა ნინო გიორგობიანმა საგანგებო პრესკონფერენციაზე.
გორგობიანის ინფორმაციით, ჩატაევმა თავი აიფეთქა ბინაში.
„20-საათიანი სპეცოპერაციის შედეგად დანაშაულებრივი ჯგუფის 2 წევრის ლიკვიდაცია განხორციელდა, ხოლო ბინაში მყოფმა 1-მა პირმა, აჰმედ ჩატაევმა თავი აიფეთქა“, -თქვა გიორგობიანმა.
მისი ინფორმაციით, ჩატაევის ცოლ-შვილი საქართველოში არ იმყოფებინა.
ანა მებურიშვილი