ეკონომიკა

ისრაელის დაზვერვის სპეციალისტი ხელოვნურ ინტელექტზე თბილისში სემინარს ჩაატარებს

30 მარტს სპარკი (ცოტნე დადიანის 164) უმასპინძლებს კომპანია „ოლმითის“ სემინარს ხელოვნური ინტელექტის თემაზე.

ოლმითი (Olmait.com) არის საქართველო-ისრაელის ტექნოლოგიური ინიციატივა, რომლის მიზანია ქართული პროგრამული შესაძლებლობების განვითარება. კომპანია ისრაელიდან იწვევს მარალკვალიფიციურ სპეციალისტებს, რომლებიც საქართველოში სწავლების პროცესს უძღვებიან.

სპარკში დაგეგმილ სემინარს ისრაელელი ლექტორი შაი ჰარელი გაუძღვება. იგი ფლობს აკადემიურ და ინდუსტრიულ გამოცდილებას კომპიუტერული ხედვის სფეროში, არის ხელოვნური ინტელექტის სფეროს (AI) მკვლევარი. შაი ჰარელი წლების განმავლობაში მუსაობდა ისრაელის არმიის დაზვერვის სამსახურში, რომელიც ისრაელის ტექნოლოგიური წარმატების ნიმუშია.

შაი ჰარელის ცოდნა და გამოცდილება ღირებულია საქართველოს AI პრაქტიკოსი და ენთუზიასტებისათვის. ის შეიძლება გახდეს საქართველოს ტექნიკური ელჩი და ხიდი საქართველოსა და ისრაელის AI თემებს შორის,

სემინარის 50-მდე მონაწილეები მიიღებენ ინფორმაციას კომპიუტერული ხედვის თეორიასა და გამოყენების შემთხვევებზე, შეისწავლიან ექსპერიმენტებს, უახლეს მე თოდებსა და ხელსაწყოებს, ჩატარდება პრაქტიკული სავარჯიშოებიც.

სემინარი სპარკში 30 მარტს 11 საათზე დაიწყება. ღონისძიების მხარდამჭერია საქართველო-ისრაელის ბიზნესპალატა.

კომპანია „ოლმითის“ ერთ-ერთი დამფუძნებელია საქართველოს ბიზნესწრეებში კარგად ცნობილი ისრაელელი ფინანსისტი ნიცან ვაიცმანი. ის უმსხვილესი აუდიტორული კომპანიის BDO-ს დამფუძნებელიცაა. ნიცან ვაიცმანი საქართველო-ისრაელის ბიზნესპალატასთან ერთად საქართველოსა და ისრაელში არაერთი ბიზნესფორუმის ორგანიზატორი იყო.