უკან
მსოფლიო
19 დეკემბერი, 2016 12:35
ისრაელის ყოფილ პრეზიდენტს პატიმრობიდან ვადაზე ადრე გაათავისუფლებენ
ისრაელის ყოფილი პრეზიდენტი მოშე კაცავი პატიმრობიდან ვადაზე ადრე გათავისუფლდება.
თელ-ავივის საოლქო სასამართლომ 2011 წელს აკაცავს გაუპატიურების ორი შემთხვევისთვის შვიდი წლით პატიმრობა მიუსაჯა.
პოლიტიკოსს თანამშრომლის გაუპატიურება, სექსუალური შევიწროება, უღირსი ქცევა და გამოძიებისთვის ხელის შეშლა ედებოდა ბრალად. კაცავი თავს დამნაშავედ არ ცნობდა.
ისრაელის შეწყალების კომისიამ 71 წლის პოლიტიკოსის თხოვნა შეწყალების შესახებ, მესამე მცდელობის შემდეგ დააკმაყოფილა.
მოშე კაცავმა ციხეში შვიდიდან ხუთი წელი გაატარა. მან საპატიმრო მომავალ კვირას უნდა დატოვოს.
ადვოკატის თქმით, მაშინ, როცა კაცავმა ეს ინფორმაცია შეიტყო, ის ატირდა.
მონიკა დავლიანიძე