უკან

უახლესი ამბები

დღის კალენდარი

ანონსები

არქივი

პოლიტიკა

16 სექტემბერი, 2019 14:12
font-size

ისრაელის პრესა: „სკამზე მიწებებულ“ ისრაელის ელჩს შაბთაი ცურს საელჩოდან წასვლა არ სურს

ისრაელის გავლენიანი გამოცემა „იედიოთ ახრონოთი“ (14.09.2019) საქართველოში ისრაელის ელჩისთვის, შაბთაი ცურისთვის ამ თანამდებობაზე ვადის 2019 წლის ბოლომდე გახანგრძლივებას უძღვნის სტატიას, სათაურით „მუდმივი ელჩი“ და ისრაელის საგარეო უწყებაში წყაროზე დაყრდნობით, მას „სკამზე მიწებებულად“ მოიხსენიებს.

ავტორიტეტული გამოცემა ხაზს უსვამს, რომ შაბთაი ცური პარტია ლიქუდის (ისრაელის მმართველი პარტია - რედ) წევრია და 2016 წელს საქართველოში მისი ხელმეორედ ელჩად დანიშვნა პოლიტიკური გადაწყვეტილება იყო. იმის მიუხედავად, რომ 2018 წლის დეკემბერში ისრაელის მთავრობამ საქართველოში ელჩად პროფესიონალი და ავტორიტეტული დიპლომატი რან გიდორი დანიშნა, შაბთაი ცურს თანამდებობა არ დაუტოვებია. მან ისრაელის მთავრობაზე მოახდინა პოლიტიკური ზეწოლა და თანამდებობაზე ვადის გაგრძელება მოითხოვა. საგარეო საქმეთა სამინისტროში შიშობენ, რომ შაბთაი ცური საქართველოში ელჩობას მესამე ვადითაც მოითხოვს.

სტატიის ავტორი ითამარ ეიხნერი წერს, რომ შაბთაი ცური თავს არიდებს გამოცემის კითხვებს, ხოლო საგარეო საქმეთა სამინისტროში აცხადებენ, რომ საქართველოში ამჟამად მოქმედ ელჩს, შაბთაი ცურს ამ თანამდებობაზე ვადა 2019 წლის დეკემბრამდე აქვს გაგრძელებული.

ცნობისთვის: შაბთაი ცური, იგივე შოთა ცოციაშვილი საქართველოში, ვანშია დაბადებული. გასული საუკუნის 70-იან წლებში ის რეპატრირდა ისრაელში. ერთხანს ეკავა ქალაქ აშკელონის ვიცე-მერის თანამდებობა. 2014 წელს ქალაქ ვანში ერთ-ერთ ქუჩას შაბთაი ცურის სიცოცხლეშივე მიენიჭა მისი სახელი. იმავე წელს შაბთაი ცურმა მოინდომა მისი სახელობის ქუჩა ყოფილიყო აშკელონში (ისრაელი). ვინაიდან ამ იდეას წინააღმდეგობა შეხვდა, ქალაქის მერმა უკან დაიხია - წერდა „იედიოთ ახრონოთი“. სხვა გამოცემის თანახმად კი, შაბთაი ცურს სურდა, მისი სახელი აშკელონში იმ ქუჩას დარქმეოდა, სადაც თავად ცხოვრობდა და ეს მაშინ, როცა ქალაქში ისრაელის ცნობილი პრემიერების სახელობის ქუჩებიც არ არსებობდა. „ამ კვირაში მოვისმინეთ ახალი ანეკდოტი, რომელსაც ჰქვია ქუჩა შაბთაი ცურის სახელობის, მისი სახლის გვერდით. ადამიანები კარგავენ რეალობის შეგრძნებას“, - წერდა ადგილობრივი გაზეთი.

საქართველოში ისრაელის მოქმედი ელჩი მედიასთან ურთიერთობით არ გამოირჩევა. ის იშვიათად ჩნდება საქართველოში ისრაელის მხარდამჭერ ღონისძიებებზეც.

ორი დღის წინ „იედიოთ ახრონოთში“ შაბთაი ცურზე გამოქვეყნებულ სტატიას სოციალურ ქსელში მოყვა არაერთი კომენტარი, რომელთა ავტორების უმრავლესობაც ისრაელის მოქალაქეა ერთ-ერთი ფეისბუკმომხმარებელი წერს: “ისრაელი მოსავალს იმკის. რაც დათესა, ის მიიღო. საერთოდ, დიდი შეცდომა იყო მისი (შაბთაი ცურის - რედ) დანიშვნა ამ თანამდებობაზე… ყოველგვარი საშუალება უნდა იხმაროს ისრაელმა, რომ ეს კაცი ამ თანამდებობას ჩამოაშოროს, სირცხვილია, დიდი სირცხვილი და საერთოდ დადგა დრო ასეთების ბოგინს ბოლო მოეღოს!“, - წერს მანჩო გაჩკა.

კიდევ ერთი ფეისბუკმომხმარებელი გიორგი ბერნშტეინი წერს: “შაბთაი ცურის ელჩად დატოვება ლახავს ისრაელის იმიჯს, რადგან ერთი და იმავე ქვეყანაში ერთი და იმავე ადამიანის რამდენიმეჯერ ელჩად გაშვება დამახასიათებელია აფრიკული ქვეყნებისთვის, სადაც ადამიანური რესურსის დეფიციტია.

ისრაელის მთავრობის პარტიული გადაწყვეტილება კი ისრაელს აფრიკულ ქვეყანად წარმოაჩენს. ვფიქრობ, შაბთაის ელჩობა შეურაცხმყოფელი უნდა იყოს საქართველოსთვისაც - ქვეყანა იმსახურებს მაღალკვალიფიციურ, პროფესიონალ დიპლომატს”.

ისრაელის მოქალაქე მარიამ სიარი ასე ეხმაურება გამოცემის სტატიას: „სირცხვილია! ეს არის პირველ რიგში, ისრაელის სირცხვილი, შემდეგ კი საქართველოსი. რატომ არ ლაპარაკობენ ამაზე პრესაში? რატომ არ იციან ორი სახელმწიფოს მოქალაქეებმა სიმართლე იმის შესახებ, თუ რა ხდება საელჩოში? რატომ არ ლაპარაკობენ ამ თანამდებობაზე მის შესაფერისობაზე? ელჩი, რომელიც ჭამს, ცეკვავს და ქეიფობს, მისი ადგილი მხოლოდ სახლშია!“.

ისრაელში რეპატრირებული მეირ მიხელაშვილი კი შაბთაი ცურის „სკამზე მიწებებულობაზე“ ამახვილებს ყურადღებას.

რა დროს პრემიერობაზეა საუბარი - რომან გოცირიძე

2 ივნისი, 2020 , 17:15

“რა დროს პრემიერობაზეა საუბარი, რომელი პრემიერ-მინისტრები, ხალხს შია და ათასი სხვა პირველი ამოცანის საკითხებია გადასაჭრელი ქვეყანაში, მათ შორის პარტიების მიერ“,- ამის შესახებ „ნაციონალური მოძრაობის&ldqu

საქართველოს საგარეო საქმეთა მინისტრმა ჩეხ კოლეგასთან უსაფრთხო ტურიზმის სფეროში თანამშრომლობის საკითხები განიხილა

2 ივნისი, 2020 , 16:50

საქართველოს საგარეო საქმეთა მინისტრმა დავით ზალკალიანმა სატელეფონო საუბარი გამართა ჩეხ კოლეგასთან, ტომაშ პეტრჟიჩეკთან. მინისტრებმა ისაუბრეს COVID-19 პანდემიასთან დაკავშირებულ საკითხებზე, ასევე ქვეყნებს შორის ორმხრივი და

დავმშვიდდეთ, ჩემთვის თანამდებობას მნიშვნელობა არ აქვს - გიორგი ვაშაძე

2 ივნისი, 2020 , 14:22

„ახალი საქართველოს“ ლიდერის გიორგი ვაშაძე პრემიერ-მინისტრის პოსტზე მისი კანდიდატურის საკითხზე გაკეთებულ განცხადებებს გამოეხმაურა და აღნიშნა, რომ მისთვის მნიშვნელობა არ აქვს თანამდებობას, არამედ მთავარია ის აღ

თავდაცვის მინისტრმა ნატო-საქართველოს არსებითი პაკეტის ძირითადი ჯგუფის ლიდერი დააჯილდოვა

2 ივნისი, 2020 , 14:10

თავდაცვის მინისტრმა ირაკლი ღარიბაშვილმა ნატო-საქართველოს არსებითი პაკეტის (SNGP) ძირითადი ჯგუფის ლიდერთან გამოსამშვიდობებელი შეხვედრა გამართა. როგორც „ინტერპრესნიუსს“ თავდაცვის სამინისტორდან აცნობეს, მინისტრმ

გიორგი ვაშაძის კანდიდატურა არ განხილულა არც წარსულში, არც დღევანდელ შეხვედრაზე და არც მომავალში არ განიხილება - მურმან დუმბაძე

1 ივნისი, 2020 , 17:30

დღეს, გაერთიანებული ოპოზიცია „ძალა ერთობაშიას“ შეხვედრა გაიმართა, სადაც შემოდგომის არჩევნებთან დაკავშირებულ სტრატეგიაზე ისაუბრეს. როგორც გაერთიანების ერთ -ერთმა წარმომადგენელმა მურმან დუმბაძემ განაცხადა, შეხვ

კონსტიტუციური კანონის პროექტის საჯარო განხილვა სატელევიზიო ფორმატში, საზოგადოებრივი მაუწყებლისა და აჭარის საზოგადოებრივი მაუწყებლის ეთერში გაიმართება

1 ივნისი, 2020 , 16:50

კონსტიტუციური კანონის პროექტის საყოველთაო-სახალხო განხილვის საორგანიზაციო კომისიამ, რომელსაც პარლამენტის თავმჯდომარე, არჩილ თალაკვაძე ხელმძღვანელობს, სხდომა გამართა. კომისიის წევრებმა სატელევიზიო განხილვების ფორმატზე იმს

პირდაპირი TV

daily calendar

ვიდეო გალერეა

ქრისტე აღსდგა!