უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
“ისრაელის სახლი“ - ევროპის ასამბლეაზე, EAI
„ისრაელის სახლი“ მონაწილეობას მიიღებს 20-23 ოქტომბერს დაგეგმილ, ევროპული ალიანსი ისრაელისთვის გენერალურ ასამბლეაში, რომელსაც რუმინეთის დედაქალაქი ბუქარესტი უმასპინძლებს.
ასამბლეაზე განიხილება ალიანსის 2016 წლის საქმიანობის ანგარიში, ბოლო 50 წლის განმავლობაში ანტიისრაელური აქტივობების გავლენისა და პროისრაელური მუშაობის შედეგები; საუბარი შეეხება „ორი სახელმწიფოს“ კონცეფციასა და იუნესკოსთან თანამშრომლობის საკითხს. ასამბლეის მონაწილეები ისრაელის სახელმწიფოს დაარსებიდან 70 წლისთავისადმი მიძღვნილ საკითხებზეც იმსჯელებენ.
გენერალური ასამბლეის მუშაობაში მონაწილეობას მიიღებენ ევროპული ალიანსი ისრაელისთვის წევრი წამყვანი ევროპელი პოლიტიკოსები, რუმინეთის მთავრობის წარმომადგენლები, ევროპაში ისრაელის დიპლომატიური წარმომადგენლობების ხელმძღვანელები.
ისრაელის სახლის ხელმძღვანელის, იციკ მოშეს თქმით, გენერალურ ასამბლეაზე ცენტრალური ადგილი დაეთმობა „ისრაელის სახლის“ კონცეფციის პრეზენტაციას. „კონცეფციას უკვე გაეცნო და მოიწონა ისრაელის მთავრობამ. ახლა კი მას ევროპას გავაცნობთ“, - აცხადებს იციკ მოშე.
ცნობისთვის: 20-23 ოქტომბერს დაგეგმილი ღონისძიება „ისრაელის სახლისთვის“ ევროპულ ინსტიტუტების ფორუმში მონაწილეობის პირველი შემთხვევა არ არის. შარშან „ისრაელის სახლი“ გახდა ევროსაბჭოსთან არსებული ებრაული კულტურისა და მემკვიდრეობის დაცვისა და ხელშეწყობის ევროპული ასოციაციის (AEPJ) ბორდის წევრი და ებრაული მემკვიდრეობის ევროპულ მარშრუტს მართავს. „ისრაელის სახლის“ წარდგინებით, 2018 წელს თბილისი, ევროპის ხუთ ქალაქთან ერთად, ევროპაში წარმოდგენილი იქნება, როგორც მარშრუტის ერთ-ერთი ცენტრი.