უკან

უახლესი ამბები

დღის კალენდარი

ანონსები

არქივი

საზოგადოება

10 სექტემბერი, 2018 11:30
font-size

„ისრაელის სახლის“ ორგანიზებით, თბილისში ებრაული კულტურის ევროპული დღეები აღინიშნა

9 სექტემბერს საქართველოს პარლამენტის ეროვნული ბიბლიოთეკის საგამოფენო დარბაზში, „ისრაელის სახლის“ ორგანიზებით, ებრაული კულტურის ევროპული დღეები და ებრაული ახალი წელი აღინიშნა.

ღონისძიებას ესწრებოდნენ ისრაელის ქნესეთის ვიცე-სპიკერი და ქნესეთის საქართველოსთან მეგობრობის ჯგუფის ხელმძღვანელი ხილიკ ბარი, საქართველოს პარლამენტის პირველი ვიცე-სპიკერი და ისრაელთან მეგობრობის საპარლამენტო ჯგუფის ხელძღვანელი თამარ ჩუგოშვილი, საქართველოს განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე, საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე, საქართველოში ევროსაბჭოს ოფისის ხელძღვანელი კრისტიან ურსე, პარლამენტარი გია მიქელაძე, საქართველოში მოღვაწე ებრაელი ბიზნესმენები და ებრაული ორგანიზაციების წარმომადგენლები.

ღონისძიება“ ისრაელის სახლის“ ხელმძღვანელმა იციკ მოშემ გახსნა. მან ისაუბრა „ისრაელის სახლის“ აქტივობებზე - ჰასბარაზე (ისრაელის მხარდაჭერა/წარმოდგენა), ებრაული კულტურის ევროპულ მარშრუტზე, საქართველო, ისრაელის და მსოფლიო ებრაელობის კავშირებზე. მისი თქმით, ებრაული კულტურული მემკვიდრეობის ევროპული მარშრუტი, რომელსაც „ისრაელის სახლი“ ევროსაბჭოს ეგიდით ახორციელებს, არის არა მხოლოდ ტურიზმი, არამედ საქართველოსა, ისრაელსა და მსოფლიო ებრაელობას შორის კავშირების ხელშემწყობი მნიშვნელოვანი ინსტრუმენტი.

„ამ დღეებში როდესაც თბილისის საერთაშორისო აეროპორტში ვხვდებოდი ისრაელის ქნესეთის ვიცე-სპიკერს, ხილ ბარს, 2 საათის განმავლობაში 5 ფრენა იყო დაგეგმილი ისრაელიდან საქართველოში. ესაა რეალობა და ნიშანი, რისი მიღწევა შეიძლება ყველა სფეროში. დიახ, ჩვენ მივაღწევთ 10 ფრენას დღეში. ვისაც არ სჯერა, ან არ შეუძლია... დაუთმოს გზა მას, ვისაც სჯერა ქვეყნების კავშირების ბიზნესში, ჰაი ტეკში, ტურიზმში და სხვა სფეროებში, მათ შორის ოფიციალურად სამუშაოო ვიზების მოგვარებაში“, - განაცხადა იციკ მოშემ.

მანვე დამსწრე საზოგადოებას გააცნო „ისრაელის სახლის“ ახალი პროექტი, რომელიც ქართულ უნივერსიტეტებში ისრაელის თემატიკაზე გამოცხადებულ კონკურსში გამარჯვებული სტუდენტებს ისრაელში ჩაყვანას ითვალისწინებს. იციკ მოშეს თქმით, ეს სტუდენტები იქნებიან საქართველოს ახალგაზრდა ელჩები ისრაელში სადაც ისინი თავიანთ სამშობლოს წარმოადგენენ.

ღონისძიების მონაწილეებს სიტყვით მიმართა ისრაელის ქნესეთის ვიცე-სპიკერმა ხილიკ ბარმა. მისი თქმით, ისრაელი და საქართველო გარკვეულწილად ერთნაირი გამოწვევის წინაშე არიან და სურვილიც ერთია - თანამშრომლობა და განვითარება. ამ ურთიერთობებში საქართველოს განსაკუთრებული ადგილი უკავია. მისი თქმით, საქართველო ხდება ის ადგილი, რომელიც მასპინძლობს საერთაშორისო ფორუმებს. რაც შეეხება ისრაელ-საქართველოს კავშირებს, ის მხარეების აქტიური მონაწილეობით, ვითარდება და ამ საქმეში მნიშვნელოვანი წვლილი „ისრაელის სახლსაც“ შეაქვს.

საქართველოს პარლამენტის თავმჯდომარის პირველმა მოადგილემ თამარ ჩუგოშვილმა „ისრაელის სახლს“ მადლობა გადაუხადა საქართველო-ისრაელის ურთიერთობების გაღრმავებისთვის გაწეული სამუშაოსთვის. „მნიშვნელოვანია ორი ქვეყნის ურთიერთობები გადავიდეს სხვა ეტაპზე. გვაქვს ყველანაირი რესურსი, რომ კავშირები კიდევ უფრო გაღრმავდეს“, - განაცხადა თამარ ჩუგოშვილმა და ხაზი გაუსვა ისრაელის ქნესეთის ვიცე-სპიკერის, საქართველოსთან მეგობრობის ჯგუფის ხელმღვანელის ხილიკ ბარის როლს მეგობრობის ჯგუფების წარმატებულ მუშაობაში.

საქართველოს განათლების, მეცნიერების, კულტურისა და სპორტის მინისტრის პირველი მოადგილის მიხეილ გიორგაძის თქმით, მას შემდეგ, რაც სამინისტრო ევროსაბჭოს სერტიფიცირებულ მარშრუტების პროგრამაში ჩაერთო, „ისრაელის სახლი“ იყო პირველი, რომელმაც დაიწყო ებრაული კულტურული მემკვიდრეობის ევროპული მარშრუტის განხორციელება, რაც მნიშვნელოვანია მემკვიდრეობის შენარჩუნების თვალსაზრისით. მისივე თქმით, ქართულ-ებრაული მეგობრობა სახელმწიფოებრივ დონეზე აისახება და მადლობა ისრაელს, რომ საქართველო მისგან იღებს მხარდაჭერას ყველა სფეროში.

ღონისძიების მონაწილეებს სიტყვით მიმართა, აგრეთვე, ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ, საქართველოში ევროსაბჭოს ოფისის ხელძღვანელმა კრისტიან ურსემ.

საქართველოს ყოფილმა საგარეო საქმეთა მინისტრმა (1990-1991) გიორგი ხოშტარიამ სიტყვით გამოსვლისას გაიხსენა 1990 წელს საბჭოთა კავშირის მასშტაბით პირველად საქართველოში ებრაული სააგენტოს - სოხნუთის წარმომადგენლობის გახსნა, იციკ მოშეს, როგორც საქართველოში სოხნუთის წარმომადგენლობის ხელმძღვანელის საქმიანობა, საქართველო -ისრაელისა და საქართველო-მსოფლიო ებრაელობის პირველი კავშირების დაწყება და ვიზიტები.

საქართველოს ეროვნული მუზეუმის ხელოვნების ისტრორიის პროფესორმა ლელა წიწუაშვილმა კი გამართა სპეციალური ვებ-გვერდის პრეზენტაცია, რომელიც ეროვნულ მუზეუმში დაცულ ებრაული მემკვიდრეობის ნიმუშებს ასახავს.

ღონისძიებაზე ნაჩვენები იქნა „ისრაელის სახლის“ მიერ მომზადებული მოკლემეტრაჟიანი ფილმი საქართველოს ებრაული კულტურული მემკვიდრეობის შესახებ.

ღონისძიებას ესწრებოდნენ ასევე, ქართული უმაღლესი სასწავლებლების საერთაშორისო ურთიერთობების, ისტორიის, აღმოსავლეთმცოდნეობის, ჰოლოკოსტისა და ებრაისტიკა-არამეისტიკის პროგრამების სტუდენტები და პროფესორ-მასწავლებლები, რომლებიც მონაწილეობენ, „ისრაელის სახლის“ მიერ გამოცხადებულ სტუდენტური ნაშრომების კონკურსში. კონკურსის შედეგად გამოვლენილი გამარჯვებულები ერთი კვირით გაემგზავრებიან ისრაელში.

მისასალმებელი სიტყვების, რამდენიმე მოკლემეტრაჟიანი ფილმის ჩვენებისა და ებრაული სიმღერების შემდეგ ალა ფურშეტზე, სტუმრებს გაუმასპინძლდნენ სპეციალური საახალწლო ებრაული ტკბილეულით.

ირაკლი ღარიბაშვილი ნარკოტესტის ჩაბარებაზე- გაუგებარია გახარიას რეაქცია, თუმცა სოლიდარობა, რომელიც მას გამოუცხადეს მელიამ და სხვა კანდიდატებმა, რა თქმა უნდა, კითხვებს წარმოშობს

16 სექტემბერი, 2021 , 16:24

გაუგებარია გახარიას რეაქცია, თუმცა სოლიდარობა, რომელიც მას გამოუცხადეს მელიამ და სხვა კანდიდატებმა, რა თქმა უნდა, კითხვებს წარმოშობს- ამის შესახებ საქართველოს პრემიერ-მინისტრმა ირაკლი ღარიბაშვილმა „თბილავიამშენის&l

ახალგაზრდა იურისტთა ასოციაცია ფარულ მოსმენებთან დაკავშირებით განცხადებას ავრცელებს

16 სექტემბერი, 2021 , 16:04

საქართველოს ახალგაზრდა იურისტთა ასოციაცია ფარულ მოსმენებთან დაკავშირებით განცხადებას ავრცელებს. საია გმობს პირთა პირად ცხოვრებაში ჩარევის უხეშ დარღვევებს და მოუწოდებს საქართველოს პროკურატურას დროულად, მიუკერძოებლად და ეფ

საქართველოს ბანკის მხარდაჭერით რიგით მესამე წიგნის ფლიმარკეტი გაიმართება

16 სექტემბერი, 2021 , 15:30

საქართველოს ბანკის მხარდაჭერით 18-19 სექტემბერს,  დედაენის ბაღში, „თბილისი - წიგნის მსოფლიო დედაქალაქის“ მესამე წიგნის ფლიმარკეტი გაიმართება. ამჯერად, ფლიმარკეტის თემა, ახალი სასწავლო წლის დაწყებაა. კერძ

საქართველოში მიწისძვრა მოხდა

16 სექტემბერი, 2021 , 15:20

საქართველოში მიწისძვრა მოხდა. ბიძგები 14:19 საათზე დაფიქსირდა. სეისმური მონიტორინგის ეროვნული ცენტრის პირველადი ინფორმაციით, ეპიცენტრი ნინოწმინდიდან აღმოსავლეთით, 25 კილომეტრში, სოფელ სამებასთან იყო. პირველადი მონაცემები

ცესკომ და სწავლების ცენტრმა საქართველოს შინაგან საქმეთა სამინისტროს აკადემიასთან სამუშაო შეხვედრა გამართა

16 სექტემბერი, 2021 , 15:16

16 სექტემბერს, საქართველოს ცენტრალური საარჩევნო კომისიის (ცესკო), საარჩევნო სისტემების განვითარების, რეფორმებისა და სწავლების ცენტრის (სწავლების ცენტრი) და საქართველოს შინაგან საქმეთა სამინისტროს აკადემიის (შსს აკადემია)

ცესკო საკონსულტაციო ჯგუფთან დაკავშირებით განცხადებას ავრცელებს

16 სექტემბერი, 2021 , 14:26

ცენტრალურ საარჩევნო კომისიაში (ცესკო) დღეს საკონსულტაციო ჯგუფთან დაკავშირებით ბრიფინგი გაიმართა. როგორც ცესკოს პრესსპიკერმა ნათია იოსელიანმა განაცხადა, წლევანდელი ადგილობრივი თვითმმართველობის არჩევნები გამორჩეული იქნება

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი