უკან

უახლესი ამბები

დღის კალენდარი

ანონსები

არქივი

პოლიტიკა

10 აპრილი, 2017 17:02
font-size

ისრაელის სახლის სახით აქ ჩვენ გვყავს ლიდერი და პარტნიორი, რომელიც გვაძლევს მაგალითს, როგორ ვიმოქმედოთ გარეთ ისრაელის მხარდასაჭერად - ისრაელელი პარლამენტარი

თბილისს ისრაელის ქნესეთის (პარლამენტის) წევრი „სიონისტური ბანაკიდან“, იციკ შმული სტუმრობს. ვიზიტის მიზანია საქართველოს ახლოს გაცნობა და „ისრაელის სახლის“ საქმიანობის შესწავლა.

იციკ შმული ისრაელში ცნობილია, როგორც სოციალური აქტივისტი, ხელმძღვანელობდა სტუდენტურ გაერთიანებას, არის რამდენიმე ლობისტური ჯგუფის წევრი, ქნესეთის წევრის რანგში ყველაზე დიდ ადგილს უთმობს სოციალურ პრობლემატიკას და ამ საქმეში ის ლიდერია.

ქნესეთის წევრის თქმით, მას ბევრი სმენია „ისრაელის სახლში“ კოლეგების სისტემატიური სტუმრობის შესახებ, ამიტომ მისი ვიზიტიც „ისრაელის სახლის“ ეგიდით წარიმართება.

9 აპრილს იციკ შმული „ისრაელის სახლის“ დამფუძნებელსა და ხელმძღვანელს, იციკ მოშეს შეხვდა. საუბარი „ისრაელის სახლის“ საქმიანობას, ქნესეთთან თანამაშრომლობას, საერთაშორისო ასპარეზზე ისრაელის მხარდამჭერი კამპანიის - ჰასბარას გააქტიურებასა და მეგობარ ქვეყნებში ისრაელის ღირსეულად წარმოდგენის საკითხებს შეეხო.

„მე ახლა თავს ვგრძნობ საკუთარ სახლში. „ისრაელის სახლი“ და მისი ხელმძღვანელი ძალიან ბევრს აკეთებენ და იმედი მაქვს, ამას ისრაელი შესაბამისად დააფასებს. იციკ მოშეს სახით აქ ჩვენ გვყავს ლიდერი და პარტნიორი, რომელიც გვაძლევს მაგალითს, როგორ ვიმოქმედოთ გარეთ საერთაშორისო ასპარეზზე ისრაელის მხარდასაჭერად“, - განაცხადა პარლამენტარმა და დასძინა, რომ ის შეეცდება, „ისრაელის სახლის“ მოდელი სხვა ქვეყნებშიც გადაიტანოს.

ქნესეთის წევრმა საერთაშორისო ასპარეზზე ისრაელ-საქართველოს თანამშრომლობაზეც ისაუბრა და აღნიშნა, რომ ერთმანეთის უკეთესად გაცნობა იძლევა კარგ შესაძლებლობას, მხარეები საერთაშორისო ფორუმებზე ერთმანეთს გვერდით დაუდგნენ.

იციკ შმული მიესალმა „ისრაელის სახლის“ ინიციატივას, რომელიც 25 აპრილს, ჰოლოკოსტის მსხვერპლთა ხსოვნის დღეს, თბილისში ქართველი შინდლერების პარკის გახსნას ითვალისწინებს. პარლამენტარის თქმით, ეს ორი ქვეყნის ურთიერთობებში ახალი ფურცელია.

„ისრაელის სახლის“ ხელმძღვანელის იციკ მოშეს თქმით, „ისრაელის სახლი“, როგორც ქნესეთის მხარდაჭერით განხორციელებული პროექტი, დიდ ინტერესს იწვევს ისრაელის პოლიტიკურ ელიტაში. მეტიც, ის აღიარებულია, როგორც სამაგალითო და წარმატებული პროექტი. სწორედ ამიტომაა, რომ ისრაელიდან ოფიციალური ვიზიტების დიდი ნაწილი სწორედ „ისრაელის სახლის“ ეგიდით ხორციელდება. დღევანდელი სტუმარი კი ისრაელში ერთ-ერთი გამორჩეული პოლიტიკოსია, რომელიც, როგორც შრომის პარტიის წევრი, აქტიურად მუშაობს სოციალურ პრობლემატიკაზე, აქვს საერთაშორისო კონტაქტები და მხარდაჭერა.

„ჩვენი მიზანია არა მხოლოდ რეალური ისრაელის წარმოდგენა, არამედ მეგობარი ქვეყნის უკეთ გაცნობა და სახელმწიფოებრივ ინტერესებზე ორიენტირებული თანამშრომლობის ფორმატის შექმნა. ამაში აქტიურად გვეხმარებიან ქნესეთი, მისი წამყვანი ლიდერები, რაზეც მეტყველებს მათი სისტემატიური ვიზიტები სწორედ „ისრაელის სახლში“ - განაცხადა იციკ მოშემ.

მანვე შეაჯამა ისრაელ-საქართველოს შორის 25-წლიანი დიპლომატიური ურთიერთობები და აღნიშნა, საზღვართან დაკავშირებული ემოციური საკითხები იმ სირთულეებს გვაგონებს, რომელმაც სათავე უნდა დაუდოს ქვეყნებს შორის კავშირების ახალ ეტაპს, რაც მხარეებს ავალდებულებს კარგად შეისწავლონ განვლილი 25 წელი, რათა მომავალი ურთიერთობები ემყარებოდეს საერთაშორისო პრაქტიკას და მითებით არ იმართებოდეს.

„ყველა შემთხვევაში, წლის ბოლომდე გველოდება აქტივობის გაძლიერება, რათა რეალობის გააზრების პერიოდი დასრულდეს და მოხდეს მომავალი, შესაძლო გაუგებრობების პრევენცია.

„ისრაელის სახლი“ მზადაა ყველა ორგანოს გაუზიაროს თავის ცოდნა ამ სფეროში“, - განაცხადა იციკ მოშემ.

იციკ მოშემ ქნესეთის წევრს სთხოვა, ჩაერთოს ქნესეთის საქართველოსთან მეგობრობის ჯგუფში, რათა აქტიურად იმუშაოს სხვადასხვა საკითხის ლობირებაზე.

ისრაელის ქნესეთის წევრი დღეს კახეთს ეწვია და ღირსშესანიშნაობები დაათვალიერა.

სალომე ზურაბიშვილმა ვლადიმერ ზელენსკის უკრაინის საპრეზიდენტო არჩევნებში გამარჯვება მიულოცა

22 აპრილი, 2019 , 14:48

საქართველოს პრეზიდენტმა სალომე ზურაბიშვილმა ვლადიმერ ზელენსკის უკრაინის საპრეზიდენტო არჩევნებში გამარჯვება მიულოცა. „ვულოცავ ვლადიმერ ზელენსკის უკრაინის ახალ პრეზიდენტად არჩევას. უკრაინელ ხალხს ვულოცავ თავისუფალი დ

პანკისის ინციდენტი სამწუხაროდ, წარმოადგენს არა ერთეულ შემთხვევას, არამედ მმართველი პარტიის მიერ არჩეულ სტრატეგიას - „თავისუფალი საქართველო“

22 აპრილი, 2019 , 14:05

თუ ხელისუფლება დასკვნებს არ გააკეთებს მოსალოდნელია პანკისის ინციდენტის გამეორება დედაქალაქში, - ამის შესახებ ნათქვამია პარტია „თავისუფალი საქართველოს“ მიერ პანკისის ინცინდენტთან დაკავშირებით გავრცელებულ განცხ

ივანე მაჭავარიანს 23 აპრილს პარლამენტში მოუსმენენ

22 აპრილი, 2019 , 13:20

ფინანსთა მინისტრ ივანე მაჭავარიანს 23 აპრილს პარლამენტში მოუსმენენ. მაჭავარიანი ხვალ დეპუტატების წინაშე საფინანსო-საბიუჯეტო კომიტეტის სხდომაზე წარდგება. საკანონმდებლო ორგანოში ფინანსთა მინისტრი „ევროპული საქართველო

კორუფციაში ჩართული საჯარო მოხელეები მოწყვლადები არიან უცხო ქვეყნების სპეცსამსახურების მიმართ - გრიგოლ ლილუაშვილი

22 აპრილი, 2019 , 13:20

კორუფციაში ჩართული საჯარო მოხელეები მოწყვლადები არიან უცხო ქვეყნების სპეცსამსახურების მიმართ და ნებისმიერი სპეცსამსახურისთვის წარმოადგენენ პოტენციურ დაკვირვების ობიექტებს, – ამის შესახებ სახელმწიფო უსაფრთხოების სამ

მამუკა ბახტაძე ვლადიმირ ზელენსკის არჩევნებში გამარჯვებას ულოცავს

22 აპრილი, 2019 , 10:40

ვლადიმირ ზელენსკის უკრაინის საპრეზიდენტო არჩევნებში გამარჯვებას ულოცავს საქართველოს პრემიერ-მინისტრი მამუკა ბახტაძე. „ვულოცავ ახლად არჩეულ პრეზიდენტს, ვლადიმირ ზელენსკის. საქართველო მხარს უჭერს უკრაინის მშვიდობიან

დავით ზალკალიანი პორტუგალიაში მცხოვრებ ქართველებს შეხვდა

22 აპრილი, 2019 , 10:40

საქართველოს საგარეო საქმეთა მინისტრი დავით ზალკალიანი ვიზიტით პორტუგალიაში იმყოფება, სადაც დღეს შეხვედრას გამართავს პორტუგალიის საგარეო საქმეთა მინისტრთან აუგუშტუ სანტუშსილვასთან, პორტუგალიურენოვანი სახელმწიფოების თანამე

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019