უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მოზაიკა
„ისრაელის სახლმა“ საერთაშორისო ფოტოკონკურსში გამარჯვება მოიპოვა
„ისრაელის სახლის“ მიერ წარდგენილი ფოტონამუშევრები საერთაშორისო კონკურსის გამარჯვებული გახდა. ორგანიზაციამ ევროსაბჭოსთან არსებული ებრაული კულტურისა და მემკვიდრეობის დაცვისა და ხელშეწყობის ევროპული ასოციაციიათან (AEPJ), საქართველოს კულტურის სამინისტროსთან და ევროკავშირის პროგრამა Creative Europe-სთან თანამშრომლობით, მონაწილეობა მიიღო ებრაული კულტურული მემკვიდრეობის ამსახველ ღია ფოტო კონკურსში, რომელიც Parallel Traces-ს ფარგლებში ჩატარდა. „ისრაელის სახლმა“ კონკურსში წარადგინა 20 ქართველი ფოტოგრაფის ნამუშევრები.
ფოტოები 12 წევრისგან დაკომპლექტებულმა საერთაშორისო ჟიურიმ შეაფასა. მის შემადგენლობაში იყვნენ ფოტორაფიის, აუდიოვიზუალურ საშუალებათა და ებრაული მემკვიდრეობის ექსპერტები. საქართველოდან ჟიურის წევრები იყვნენ „ისრაელის სახლის“ ხელმძღვანელი იციკ მოშე და AEPJ-ის მიერ პროფესიონალ ფოტოხელოვანებისთვის რამდენიმე თვის წინათ გამოცხადებულ კონკურსში გამარჯვებული დინა ოგანოვა.
ჟიურის მიერ ფოტონამუშევრების დაწვრილებითი განხილვის შემდეგ გამოვლინდა ოთხი გამარჯვებული. საქართველოს წარმომადგენლის ცოტნე წერეთლის ნამუშევრებმა გაიმარჯვეს ნომინაციაში „სურათი ისტორიით“. ამავე ნომინაციში გაიმარჯვა, აგრეთვე ,პოლონეთის წარმომადგენელმა ვიტია ფრანკმა. ნომინაციაში „არსებობა თანამედროვეობაში“ გაიმარჯვეს ესპანეთისა და პოლონეთის წარმომადგენლებმა.
გამარჯვებულებს ჯილდოს სახით გადაეცათ ფულადი საჩუქარი.
მათი ნამუშევრები გამოიფინება Parallel Traces-ს გამოფენებზე ევროპის მასშტაბით. თავად ფოტოხელოვანები გაემგზავრებიან ერთ-ერთ პარტნიორ ქალაქში და გამოფენაზე წარადგენენ საკუთარ ნამუშევრებს.
Parallel Traces საერთო ევროპული პროექტია, რომელიც სთავაზობს ებრაული მემკვიდრეობის ახლებურ ხედვას. მასში გაერთიანებულია ევროკავშირის წევრი 5 ქვეყანა და ორი ქვეყანა, რომელიც არ არის ევროკავშირის წევრი. პროექტს ევროსაბჭოსთან არსებული ებრაული კულტურისა და მემკვიდრეობის დაცვისა და ხელშეწყობის ევროპული ასოციაციია (AEPJ) ხელმძღვანელობს.