უკან

უახლესი ამბები

დღის კალენდარი

ანონსები

არქივი

ეკონომიკა

12 მარტი, 2018 14:15
font-size

„ისრაელის სახლში“ ისრაელის ტურისტული კომპანიებისთვის პრეზენტაცია გაიმართა

„ისრაელის სახლის“ ინიციატივით, თბილისში გაცნობითი ვიზიტით მყოფი, ისრაელში მოქმედი 40 ტურისტული სააგენტოს წარმომადგენლებისთვის საქართველოს ტურისტული პოტენციალის პრეზენტაცია გაიმართა. აღნიშნული ტურისტული სააგენტოები ისრაელიდან ტურისტების გაყვანაზე მუშაობენ და შესაბამისად, დაინტერესებული არიან, კიდევ უფრო მეტი ინფორმაცია მიიღონ საქართველოს ტურისტული პოტენციალის შესახებ.

საქართველოში ებრაული კულტურული მემკვიდრეობის მარშრუტის პრეზენტაცია ისრაელელი სტუმრებისთვის „ისრაელის სახლში“ ორგანიზაციის ხელმძღვანელმა იციკ მოშემ გამართა. ნაჩვენები იქნა მარშრუტის შესახებ მომზადებული დოკუმენტური ფილმი.

ებრაული კულტურული მემკვიდრეობის მარშრუტის პროექტს „ისრაელის სახლი“, საქართველოს კულტურისა და ძეგლთა დაცვის სამინისტროს ეგიდით, უკვე მეორე წელია ახორციელებს და აღნიშნული პროექტის წარდგენა უკვე მოხდა ბარსელონაში, ბუქარესტში, ლუქსემბურგში და ა.შ. გამართულ საერთაშორისო ფორუმებზე.

იციკ მოშეს თქმით, შარშან ისრაელიდან საქართველოში შემოვიდა 120 ათასზე მეტი ტურისტი და თუ წელსაც შენარჩუნდება 60-პროცენტიანი ზრდა, მივაღწევთ 200 ათას ტურისტს, რაც საქართველოს ეკონომიკისთვის დაახლოებით 200 მილიონი დოლარია. „საქართველოს კულტურის სამინისტროსთან და ევროპის საბჭოსთან ერთად ვახორციელებთ ახალ პროექტს - ებრაული კულტურული მემკვიდრეობის მარშრუტი. ებრაული მემკვიდრეობის კუთხით საქართველოში არის მდიდარი ისტორია, ამიტომ არა მარტო ისრაელიდან, არამედ მსოფლიო ებრაელობიდანაც ჩამოვლენ ტურისტები. ისრაელის ტურისტული სააგენტოები, რომელსაც დღეს ჩვენ ვმასპინძლობთ, ამ საკითხზე აქტიურად იმუშავებენ“ - განაცხადა „ისრაელის სახლის“ ხელმძღვანელმა.

დამსწრე საზოგადოებას სიტყვით მიმართა საქართველოში მოქმედი ისრაელის ტურისტული კომპანიის Doron Travel-ის ხელმძღვანელმა დორი გილპაზმა. მის კომპანიას საქართველოში ყოველწლიურად ისრაელიდან შემოყავს 20 ათასი ტურისტი. კომპანია თბილისში ფლობს, აგრეთვე, რამდენიმე სასტუმროს.

„საქართველოს მიმართ ისრაელში ინტერესი ყოველწლიურად იზრდება და უამრავი ადამიანი ჩამოდის საქართველოში. ამის უპირველესი მიზეზი ისაა, რომ საქართველო ძალიან ლამაზი და საინტერესო ქვეყანაა, ყოველთვის გულთბილად გვმასპინძლობენ. სწრაფად ვითარდება თბილისიც. ვიმედოვნებთ, „ისრაელის სახლთან“ თანამშრომლობას კიდევ უფრო გავაღრმავებთ ახალი ტუროპერატორების მოზიდვის მიზნით“, - განაცხადა დორი გილპაზმა.

შეხვედრაზე აღინიშნა, რომ „ისრაელის სახლმა“ კულტურული მემკვიდრეობის მარშრუტთან დაკავშირებით უკვე მოამზადა რამდენიმე დოკუმენტური ფილმი და საილუსტრაციო მასალა, დამუშავების პროცესშია სპეციალური ბუკლეტი, რომელიც დეტალურად აღწერს კულტურული მემკვიდრეობის ობიექტებს. ამასთან, ღრმავდება საქართველოში კულტურული მემკვიდრეობის პროფესიონალური კვლევა, რომელიც ფაქტობრივად, საქართველოში ებრაული მემკვიდრეობის ახლებური გააზრებაა.

ისრაელის ტურისტული სააგენტოების წარმომადგენელთა თქმით, მათი ვიზიტის მიზანია, სააგენტოებმა საკუთარი თვალით ნახონ საქართველო და მოიზიდონ ტურისტების ახალი ნაკადი. მათ ასევე ხაზი გაუსვეს საქართველოს ტურისტულ პოტენციალს და აღნიშნეს, რომ საქართველოს მათთვის ნამდვილი აღმოჩენაა.

ღონისძიებას ესწრებოდნენ საქართველოს კულტურისა და ძეგლთა დაცვის სამინისტროსა და თბილისის მერიის ოფიციალური წარმომადგენლები.

უცხოური ვალუტის ოფიციალური კურსი 26 ივნისისთვის - დოლარი - 2.8333 ლარი, ევრო - 3.2260

25 ივნისი, 2019 , 17:47

საქართველოს ეროვნული ბანკის მიერ გამოქვეყნებული მონაცემების თანახმად, 26 ივნისისთვის დადგენილი კურსით, ერთი ამერიკული დოლარის ოფიციალური ღირებულება 2.8333 ლარია. აქამდე მოქმედი კურსით ლარი 2.7945 ღირდა. შესაბამისად, ლარი

ეროვნული ბანკი სესხებისა და დეპოზიტების მიმდინარე ტენდენციებზე ინფორმაციას ავრცელებს

25 ივნისი, 2019 , 15:55

მომხმარებელთან კომუნიკაციის გაუმჯობესების მიზნით, საქართველოს ეროვნული ბანკი ინტერაქტიულ პრესრელიზებს აქვეყნებს სესხებისა და დეპოზიტების ყოველთვიური მონაცემების შესახებ. მათში დეტალურადაა აღწერილი რეზიდენტი კომერციუ

სახაზინო ობლიგაციების აუქციონზე 50 000 000 ლარის ფასიანი ქაღალდები გაიყიდა

25 ივნისი, 2019 , 14:35

ფინანსთა სამინისტროს სახაზინო ობლიგაციების აუქციონზე 50 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა. ეროვნული ბანკის ინფორმაციით, აუქციონში მონაწილეობა მიიღო სამმა კომერციულმა ბანკმ

დაკრედიტების მოცულობამ 27.6 მლრდ-ს გადააჭარბა

25 ივნისი, 2019 , 13:20

კომერციული ბანკების მიერ გაცემული სესხების მოცულობა მაისში წინა თვესთან შედარებით 3.57%-ით (958 მლნ ლარით) გაიზარდა და 27.63 მლრდ ლარს მიაღწია. სტატისტიკურ მონაცემებს ეროვნული ბანკი ავრცელებს. მაისში ლარში გაცემული სესხე

დეპოზიტების მოცულობამ 24 მლრდ-ს გადააჭარბა

25 ივნისი, 2019 , 13:20

კომერციულ ბანკებში განთავსებული დეპოზიტების მოცულობა მაისში წინა თვესთან შედარებით 3.71%-ით - 858 მლნ ლარით 24.01 მლრდ ლარამდე გაიზარდა. ეროვნული ბანკის ინფორმაციით, მაისში ვადიანი დეპოზიტების მოცულობა 504 მლნ ლარით, მოთ

კომერციული ბანკების აქტივების მდგომარეობა

25 ივნისი, 2019 , 13:15

ეროვნული ბანკის ინფორმაციით, 2019 წლის პირველი ივნისის მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 14 - საწესდებო კაპიტალში უცხოური კაპიტალის მონაწილეობით. მაისში წინა თვესთან