უკან

უახლესი ამბები

დღის კალენდარი

ანონსები

არქივი

საზოგადოება

3 დეკემბერი, 2018 12:45
font-size

„ისრაელის სახლში“ ხანუქას სანთლის ანთების ცერემონია და წიგნის პრეზენტაცია გაიმართა

„ისრაელის სახლის“ მოწვევით, თბილისში მყოფი ისრაელის დელეგაციამ, ქნესეთის წევრის, ისრაელის კოალიციური მთავრობის ეკონომიკური ბლოკის პარტიის - „ქულანუს“ წარმომადგენლის აქრამ ჰასონის ხელმძვანელობით, „ისრაელის სახლში“ ხანუქას სანთლის ანთების ცერემონიაში მიიღო მონაწილეობა.

ღონისძიებაზე გაიმართა, აგრეთვე, წიგნის „შეჭრა საბჭოთა კავშირში“ პრეზენტაცია. მასში დოკუმენტურ მასალებზე დაყრდნობით მოთხრობილია გასული საუკუნის 80-იანი წლების ბოლოდან საბჭოთა კავშირიდან ებრაელთა მასობრივი რეპატრიაციის (დიდი ალია) პროცესზე და ამ მასშტაბურ მოვლენაში საქართველოს განსაკუთრებულ როლზე.

წიგნი გვაწვდის ინფორმაციას, თუ როგორ გაიხსნა „რკინის ფარდის“ მიღმა, საბჭოთა კავშირის მასშტაბით, საქართველოში სოხნუთის პირველი წარმომადგენლობა, რა ადგილი უკავია მას ბოლო 30 წლის განმავლობაში ჰასბარას (ისრაელის მხარდაჭერის) განვითარებაში.

წიგნი მალე მაღაზიათა ქსელშიც გაიყიდება. გაისად ის გამოვა ინგლისურ და ებრაულ ენებზე.

წიგნის ავტორია გიორგი ბერნშტეინი, რედაქტორი - პროფ. ცირა ჩიკვაიძე, მთავარი კონსულტანტი- იციკ მოშე.

პრეზენტაციაზე ქნესეთის წევრმა აქრამ ჰასონმა განაცხადა, რომ ისრაელის დელეგაცია სპეციალურად ამ წიგნის პრეზენტაციისთვის ეწვია. ეს გამოცემა ებრაელი ხალხის ისტორიის უმნიშვნელოვანესი მოვლენის - დიდი ალიის შესახებ მოგვითხრობს. საბჭოთა კავშირში ებრაული სააგენტოს - სოხნუთის პირველ წარმომადგენელზე, იციკ მოშეზე დაყრდნობით მასში მოთხრობილია დიდი ალიის დღემდე გაუხმაურებელი ფაქტები. წიგნის ებრაულ- და ინგისურენოვან გამოცემას მკითხველი ასევე მოუთმენლად ელის.

„ისრაელის სახლის“ ხელმძღვანელმა კი ისაუბრა ხანუქას დღესასწაულის მნიშვნელობაზე. მისი თქმით, ეს არის სინათლის სიბნელეზე, მცირერიცხოვანი ერების ოკუპანტზე გამარჯვების დღე, შესაბამისად, ეს დღესასწაული, სიმბოლურად, საქართველოსთვისაც აქტუალურია.

იციკ მოშემ ახლადგამოცემულ წიგნთან დაკავშირებით განაცხადა, რომ მასში აღწერილია დიდი ალიის ისეთი პერიპეტიები, რომელთა შესახებაც ამ თემაზე დღემდე არსებულ გამოცემებში საუბარი არ ყოფილა. წიგნში დაწვრილებით არის მოთხრობილი, თუ რა სიძნელეები ხვდა წილად ალიის პროცესს; განმარტებულია, რატომ გადაწყდა ისრაელის პირველი წარმომადგენლობის სწორედ საქართველოში დაარსება, როგორ გაიხსნა სოხნუთის პირველი წარმომადგენლობა საბჭოთა მუსლიმანურ რესპუბლიკაში და ა. შ.

აღსანიშნავია, რომ ვიზიტის მიმდინარეობისას აქრამ ჰასონი საქართველოში ისრაელური ინვესტიციით მიმდინარე პროექტებსაც გაეცნო.

აქრამ ჰასონი, საქართველო-ისრაელის ბიზნესპალატის პრეზიდენტთან, იციკ მოშესთან ერთად უკვე შეხვდა საქართველოს ეკონომიკისა და მდგრადი განვითარების მინისტრს, გიორგი ქობულიას. საუბარი საქართველო-ისრაელის ბიზნეს პალატის ინიციატივითა და ისრაელში საქართველოს საელჩოს აქტიური მონაწილეობით, მომავალი წლის დასაწყისში ისრაელში საქართველო-ისრაელის ბიზნეს ფორუმის ჩატარებას შეეხო. მხარეები შეთანხმდნენ, რომ ფორუმი იერუსალიმის ცნობილ სასტუმრო „ვალდორფ ასტორიაში“ ჩატარდება და მას საქართველოს და ისრაელის მთავრობების, აგრეთვე, მსხვილი ბიზნესის წარმომადგენლები დაესწრებიან.

გთხოვთ თავი შეიკავოთ ირანში მოგზაურობისაგან - საგარეო საქმეთა სამინისტრო

23 თებერვალი, 2020 , 11:32

საგარეო საქმეთა სამინისტრო საქართველოს მოქალაქეებს ირანში მოგზაურობისგან თავის შეკავებას ურჩევს. ამის შესახებ განცხადებას საგარეო უწყება ავრცელებს. „საქართველოს მოქალაქეთა საყურადღებოდ! კორონავირუსის გავრცელებასთან

ირანის ოთხი მოქალაქე ინფექციური საავადმყოფოს მოათავსეს

22 თებერვალი, 2020 , 22:33

თბილისში, ინფექციურ საავადმყოფოში ირანის ოთხი მოქალაქე ბოქსირებულ განყოფილებაში მოათავსეს. ინფექციური საავადმყოფოს დირექტორის ინფორმაციით, მათ მაღალი ტემპერატურა აღენიშნებათ და ექიმები მათ გამოკითხვას აწარმოებენ. „

არავის უთქვამს, რომ სიგარეტის ფასი ხვალ და ზეგ უნდა გახდეს 10 და 15 ლარი – ლაშა ხუციშვილი

22 თებერვალი, 2020 , 18:52

“ბოლო დღეებია (ერთი შეხედვით საეჭვო წყაროებიდან) სიგარეტის ფასთან დაკავშირებით ვრცელდება ინფორმაცია, რომელიც არის ამავე წყაროების მიერ ფაქტობრივი გარემოებების არასწორი ინტერპრეტაცია და თემის არასრული გაშუქება, რაც

ვის შესახვედრად გაემგზავრა მალხაზ მაჩალიკაშვილი კიევში

22 თებერვალი, 2020 , 17:15

გუშინ საღამოს მალხაზ მაჩალიკაშვილი კიევში გაემგზავრა. ეს ინფორმაცია „ინტერპრესნიუსს“ მაჩალიკაშვილის მეუღლემ მედიკო მარგოშვილმა დაუდასტურა. კითხვაზე, მალხაზ მაჩალიკაშვილი კიევში საქართველოს ყოფილ პრეზიდენტთან,

სიგარეტი 15 ლარამდე გაძვირდება - „უნდათ ხალხი გამოიყვანონ ქუჩაში?”

22 თებერვალი, 2020 , 17:15

ანალიტიკოს ვახტანგ ძაბირაძისთვის გაუგებარია რას ემსახურება ფინანსთა მინისტრ ვანო მაჭავარიანის განცხადება, რომ სიგარეტი საქართველოში 15 ლარამდე გაიზრდება. მისი თქმით, წინასაარჩევნოდ მსგავსი გადაწყვეტილებები „ქართული

ორი წლის წინ საოკუპაციო რეჟიმმა არჩილ ტატუნაშვილი მოკლა - სალომე ზურაბიშვილი

22 თებერვალი, 2020 , 16:50

ორი წლის წინ საოკუპაციო რეჟიმმა არჩილ ტატუნაშვილი მოკლა, - ამის შესახებ საქართველოს პრეზიდენტი სალომე ზურაბიშვილი არჩილ ტატუნაშვილის მკვლელობის ორწლისთავთან დაკავშირებით „ტვიტერის“ გვერდზე წერს. „ორი წლ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`