უკან

საზოგადოება

6 სექტემბერი, 2017 17:55
font-size

ისრაელის სახლის ორგანიზებით, თბილისში ებრაული კულტურის ევროპული დღეებისადმი მიძღვნილი ღონისძიება გაიმართა

საქართველოს პარლამენტის ეროვნული ბიბლიოთეკის დიდ დარბაზში ებრაული კულტურის ევროპული დღეებისადმი მიძღვნილი ღონისძიება გაიმართა.

საღამოს, რომელიც „ისრაელის სახლისა “ და ებრაული კულტურისა და მემკვიდრეობის დაცვისა და ხელშეწყობის ევროპული ასოციაციის (AEPJ) ორგანიზებით ჩატარდა, დაესწრნენ ისრაელის პარლამენტის (ქნესეთის) ვიცე-სპიკერი, საქართველოსთან მეგობრობის ჯგუფის ხელმძღვანელი ხილიკ ბარი, საქართველოს პარლამენტის თავმჯდომარის პირველი მოადგილე, ისრაელის პარლამენტთან მეგობრობის ჯგუფის ხელმძღვანელი თამარ ჩუგოშვილი, საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე, საქართველოში ისრაელის ელჩი შაბთაი ცური, საქართველოში ევროსაბჭოს წარმომადგენლობის ხელმძღვანელი ქრისტიან ურსი.

ღონისძიებას „ისრაელის სახლის“ ხელმძღვანელი იციკ მოშე უძღვებოდა.

ყოველწლიურად, 5 სექტემბერს ევროპის ქვეყნებში ებრაული კულტურის დღეებს სხვადასხვა ღონისძიება ეძღვნება. ის საქართველოში წელს მეორედ აღინიშნა.
სიტყვით გამოსვლისას იციკ მოშემ აღნიშნა, ებრაელ ხალხს აქვს ერთადერთი სამშობლო და ეს ისრაელია. „დაინგრა პირველი და მეორე ტაძრები და ებრაელი ხალხი იძულებული გახდა სამშობლო დაეტოვებინა. მას ქვეყნების დიდ ნაწილში ეუბნებოდნენ, რომ მათი ადგილი იქ არ არის და ისრაელს უნდა დაუბრუნდნენ. 2 ათასი წლის შემდეგ, მოგვეცა საშუალება, დაგვებრუნებინა ჩვენი ქვეყანა, დაგვეწყო ცხოვრება საკუთარ მიწაზე, სადაც ახლა ზოგიერთი მეზობელი გვეუბნება, რომ ჩვენი ადგილი ისრაელში არ არის“, - განაცხადა იციკ მოშემ და დასძინა, დიასპორაში ყოფნისას შექმნილი მემკვიდრეობა დღეს ქვეყნებმა ისრაელთან ურთიერთობისთვის უნდა გამოიყენონ, ხოლო დღეს დროებით დიასპორაში მყოფ ებრაელობას არ აქვს სხვა გზა, გარდა ჰასბარასი - ისრაელის ღირსეულად წარმოდგენისა და მხარდაჭერისა.

იციკ მოშეს თქმით, წელს საქართველო ევროპის საბჭოს კულტურული მარშრუტის მონაწილე ქვეყანა გახდა. საქართველოს კულტურისა და ძეგლთა დაცვის სამინისტროს წარდგინებით კი, „ისრაელის სახლი“ საქართველოში ებრაული მემკვიდრეობის ევროპულ მარშრუტს ხელმძღვანელობს. „ისრაელის სახლის“ მიზანია ეს მარშრუტი ისრაელელებისა და მსოფლიო ებრაელობისთვის საქართველოს გაცნობის საშუალება გახდეს.

დამსწრე საზოგადოებას სიტყვით მიმართა ქნესეთის ვიცე-სპიკერმა ხილიკ ბარმა. მისი თქმით, საქართველოში ებრაული მემკვიდრეობის ევროპულ მარშრუტით შეიქმნა ახალი სამკუთხედი: ისრაელი - საქართველო-ევროსაბჭო, რომელიც სამმხრივი თანამშრომლობისთვის კარგი ინსტრუმენტია. ისრაელი განსაკუთრებულ ადგილს უთმობს საქართველოსთან ურთიერთობას, ამ მარშრუტით საქართველოს ეცნობა აგრეთვე, მსოფლიო ებრაელობა, რომელიც თავის წვლილს შეიტანს კავშირების გაღრმავებაში.

ღონისძიებაზე სიტყვით გამოვიდნენ საქართველოს პარლამენტის თავმჯდომარის პირველი მოადგილე თამარ ჩუგოშვილი, ტურიზმის ეროვნული ადმინისტრაციის ხელმძღვანელი გიორგი ჩოგოვაძე, საქართველოში ისრაელის ელჩი შაბთაი ცური, საქართველოში ევროსაბჭოს წარმომადგენლობის ხელმძღვანელი ქრისტიან ურსი.
იციკ მოშემ კი წარადგინა ისრაელში მოქმედი სარას ფონდის ორი ინიციატივა, რომელიც ითვალისწინებს, ისრაელის სახლის მხარდაჭერით, საქართველოს პარლამენტის ეროვნულ ბიბლიოთეკაში ებრაული წიგნების მუდმივმოქმედი კუთხის გახსნასა და საქართველოს უნივერსიტეტში სასწავლო კურსის „ჰოლოკოსტი და გენოციდი ვიშეგრადის ჯგუფის ქვეყნებში “ წარჩინებული სტუდენტის იერუსალიმის ჰოლოკოსტის მუზეუმში _ იად ვა-შემში ვიზიტის ხარჯების დაფინანსებას.

საქართველოში ბოლო 24 საათში კორონავირუსით 45 ადამიანი გარდაიცვალა

3 დეკემბერი, 2020 , 11:25

საქართველოში ბოლო 24 საათის განმავლობაში კორონავირუსით 45 ადამიანი გარდაიცვალა. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში

ერთჯერადი 300 ლარიანი კომპენსაციის მისაღებად ელექტრონული განაცხადების მიღება დღეიდან იწყება

3 დეკემბერი, 2020 , 10:45

300-ლარიანი კომპენსაციის მისაღებად ელექტრონული განაცხადების მიღება დღეიდან იწყება, - ინფორმციას შემოსავლების სამსახური ავრცელებს და მოუწოდებს თითოეულ მოქალაქესა და კომპანიას, პასუხისმგებლობით მოეკიდოს მთავრობის მიერ წარდ

ერთჯერადი 300 ლარიანი კომპენსაციის მისაღებად ელექტრონული განაცხადების მიღება ხვალიდან იწყება

2 დეკემბერი, 2020 , 19:50

300-ლარიანი კომპენსაციის მისაღებად ელექტრონული განაცხადების მიღება ხვალიდან იწყება, - ინფორმციას შემოსავლების სამსახური ავრცელებს და მოუწოდებს თითოეულ მოქალაქესა და კომპანიას, პასუხისმგებლობით მოეკიდოს მთავრობის მიერ წარ

1 აშშ დოლარის ოფიციალური ღირებულება 3.3189 ლარი გახდა

2 დეკემბერი, 2020 , 17:44

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.3189 ლარი შეადგინა. კურსი, რომელიც დღეს მოქმედებდა, 3.3185 ლარი იყო. შესაბამისად, დოლარის ცვლილებამ ეროვნულ

საქართველოს ბანკის მხარდაჭერით ერთ-ერთი ყველაზე მასშტაბური ტექნოლოგიური ღონისძიება Startup Grind-ი ონლაინ რეჟიმში გაიმართება

2 დეკემბერი, 2020 , 17:17

საქართველოს ბანკის მხარადჭერით  მსოფლიოში ერთ-ერთი ყველაზე მასშტაბური ტექნოლოგიური ღონისძიება Startup Grind ონლაინ გაიმართება.  Startup Grind მსოფლიოში ყველაზე დიდი, 3,5 მილიონი წევრისგან შემდგარი კომუნაა, რომე

რა შემთხვევაშია საჭირო კორონავირუსზე ანტიგენის სწრაფი ტესტის პასუხის გადამოწმება

2 დეკემბერი, 2020 , 15:54

ორი თვის განმავლობაში, რაც მთავრობის მიერ შეზღუდვების გეგმაა შემუშავებული, მაქსიმალურად გაფართოვდება ინფექციის ადრეული გამოვლენა და იდენტიფიცირება ანტიგენზე დამყარებული სწრაფი ტესტებით, – ამის შესახებ დაავადებათა კ