უკან
მსოფლიო
24 ნოემბერი, 2017 17:25
ისრაელში მე-6 საუკუნის ქართული ეკლესიის მოზაიკური იატაკის ნაშთებს მიაგნეს
ისრაელში, ქალაქ აშდოდში არქეოლოგიური გათხრების მიმდინარეობისას, თელ-ავივისა და ლაიფციგის უნივერსიტეტების არქეოლოგების ჯგუფმა, მე-6 საუკუნის ქართული ეკლესიის მოზაიკური იატაკის ნაშთები აღმოაჩინეს.
იატაკზე აღმოჩენილი ბერძნული წარწერის თანახმად, ეკლესია ეპისკოპოს პროკოფის აუშენებია. მშენებლობის თარიღი დატანილია ძველი ქართული კალენდრის მიხედვით. ეკლესია ააგეს „მესამე ინდიქტიონის 292 წელს“, რაც ებრაელი მეცნიერების თქმით, შეესაბამება ჩვენი წელთაღრიცხვის 539 წელს.
ეს აღმოჩენა წმინდა მიწაზე ქართული კალენდრის უძველესი ნიმუშია.
არქეოლოგის თქმით, როგორც ჩანს, აშდოდი ქართველების ინტერესით მაშინაც სარგებლობდა. ისტორიული წყაროების მიხედვით, პეტრე იბერიც გარდაცვალებამდე აშდოდში ცხოვრობდა.
ქალაქ აშდოდში არქეოლოგიური გათხრები 4 წლის წინ დაიწყო.