მსოფლიო
იტალიაში მომხდარი მიწისძვრის შედეგად დაღუპულთა რაოდენობა 267-მდე გაიზარდა
იტალიაში დამანგრეველი მიწისძვრის შედეგად დაღუპულთა რაოდენობა 267-მდე გაიზარდა, დაახლოებით 400 ადამიანი საავადმყოფოში გადის მკურნალობას.
ამის შესახებ ინფორმაციას იტალიის სამოქალაქო თავდაცვის ეროვნული სამსახური ავრცელებს.
უწყებაში აღნიშნავენ, რომ დაღუპულთა რაოდენობა შესაძლოა, კიდევ გაიზარდოს, რადგან სამაშველო ოპერაცია ჯერ არ დასრულებულა.
როგორც დასავლური მედია აღნიშნავს, იტალიაში სეისმური აქტივობა კვლავ გრძელდება. კერძოდ, სტიქიის ზონაში ამ დროისთვის დაფიქსირდა 650-მდე მიწისქვეშა ბიძგი.
შეგახსენებთ, რომ 6,2 მაგნიტუდის მიწისძვრა იტალიაში ოთხშაბათს, ადგილობრივი დროით 03:36 საათზე მოხდა. ყველაზე მეტად ქალაქი ამატრიჩე დაზარალდა, სადაც შენობების ¾ ნანგრევებად იქცა.
იტალიის პრემიერ-მინისტრმა მატეო რენციმ სტიქიით დაზარალებულ რეგიონებში საგანგებო მდგომარეობა გამოაცხადა.
მონიკა დავლიანიძე