უკან

უახლესი ამბები

დღის კალენდარი

ანონსები

არქივი

საზოგადოება

18 აგვისტო, 2017 15:24
font-size

იციან რა მოთხოვნები აქვთ? - დაჩი ცაგურია რკინიგზელთა აქციაზე

„საქართველოს რკინიგზის“ საზოგადოებასთან ურთიერთობის სამსახურის ხელმძღვანელი, დაჩი ცაგურია რკინიგზელთა შიმშილობის აქციას გამოეხმაურა. მან აქციის ორგანიზებაში გაერთიანებული პროფკავცშირების თავმჯდომარე ირაკლი პეტრიაშვილი კიდევ ერთხელ დაადანაშაულა.

„მათი მოთხოვნები აბსოლუტურად გაუგებარი და არაადეკვატურია. რა მოთხოვნები აქვთ, საერთოდ, თუ იციან? საქართველოს რკინიგზის მხოლოდ ერთი თანამშრომელი, რომელიც მათი აქტივისტია, შეძლეს, რომ აეყოლიებინათ 13 ათას 700 კაციდან და დანარჩენები არიან ირაკლი პეტრიაშვილის თანამშრომლები. ანუ ირაკლი პეტრიაშვილმა გამოგზავნა და თავის თანამშრომლებს აშიმშილებს ახლა რკინიგზასთან“, - განაცხადა ცაგურიამ.

ეს არაა პირველი შემთხვევა, როცა ცაგურია ირაკლი პეტრიაშვილს ადანაშაულებს. 16 აგვისტოს საქართველოს რკინიგზის საზოგადოებასთან ურთიერთობის სამსახურის უფროსმა განაცხადა, რომ პეტრიაშვილმა რკინიგზელები „შეცდომაში შეიყვანა“ და ცდილობს, პროვოკაციები მოაწყოს.
შეგახსენებთ, გურჯაანის რკინიგზის გაფიცული თანამშრომლები მე-4 დღეა, დეპარტამენტის შენობასთან აქციას მართავენ და პროტესტის ნიშნად შიმშილობენ. სამუშაო პირობების გაუმჯობესებისა და სატრანსპორტო ხარჯების დაფარვის გარდა მოშიმშილეები ასევე მოითხოვენ „საქართველოს რკინიგზის“ ინფრასტრუქტურის დირექტორის, ვასილ ხორავასა და საზოგადოებასთან ურთიერთობის ხელმძღვანელის, დაჩი ცაგურიას გათავისუფლებას.

საპროტესტო აქცია 15 აგვისტოს დაიწყო, როცა ორმა რკინიგზელმა: ვახტანგ ცისკარიშვილმა და უჩა ხვთისიაშვილმა პროტესტის უკიდურეს ზომას - შიმშილობას მიმართეს. როგორც აქციის მონაწილეებმა თქვეს, რკინიგზის ადმინისტრაციის წარმომადგენლებმა ისინი 25 ივლისს კახეთიდან თბილისში დაიბარეს და ხელი მოაწერინეს დოკუმენტზე, რომლის თანახმადაც მიღებულია გადაწყვეტილება კახეთის რეგიონალური სამსახურისთვის სახელის შეცლის შესახებ, რომ ის უნდა გაფართოვდეს და ეწოდოს „სამხრეთ-აღმოსავლეთ რეგიონი“. რკინიგზელები ძველ სამუშაო ადგილზე დაბრუნებას ითხოვენ, ან მარნეულის სალიანდაგო ცენტრში ნორმალური საცხოვრებელი და სამუშაო პირობების შექმნას.

იმავე დღეს მონაწილეები კარვების გაშლას ცდილობდნენ, თუმცა ამის საშუალება სამართალდამცავებმა არ მისცეს.

რკინიგზელთა პროტესტს მენეჯმენტი გამოეხმაურა და საპროტესტო აქცია „გარე ძალების ჩართულობად“ შეაფასა. საქართველოს რკინიგზის საზოგადოებასთან ურთიერთობის ხელმძღვანელმა დაჩი ცაგურიამ გაფიცულებს სამსახურში დაბრუნებისკენ მოუწოდა.

17 აგვისტოს გახდა ცნობილი, რომ აქციის ერთ-ერთი მონაწილე, ვახტანგ ცისკარიშვილი სამსახურს დაუბრუნდა და საქართველოს რკინიგზის შეთავაზებულ პირობებს დათანხმდა. გაფიცული უჩა ხვთისიაშვილის ინფორმაციით, ცისკარიშვილმა ზეწოლის ქვეშ მიიღო ეს გადაწყვეტილება.
დღეს საპროტესტო აქციას 7 ადამიანი შეემატა.

საქართველოს რკინიგზა თბილისში, ფეიქრების ქუჩაზე მომხდარ შემთხვევაზე განცხადებას ავრცელებს

25 სექტემბერი, 2018 , 16:30

საქართველოს რკინიგზა თბილისში, ფეიქრების ქუჩაზე მომხდარ შემთხვევაზე განცხადებას ავრცელებს და სამძიმარს უცხადებს გარდაცვლილის ოჯახს. „დღეს, დილით 08:30-ზე ავჭალა-დიდუბის გადასარბენზე, ახალგაზრდა ქალი ლიანდაგზე გადად

მძღოლების მოსამზადებელ კურსებზე ქალების რეგისტრაცია გრძელდება

25 სექტემბერი, 2018 , 15:45

ქალებისთვის ავტობუსის მძღოლების მოსამზადებელ კურსებზე საბუთების მიღება  8 ოქტომბრამდე გაგრძელდება. სწავლება „თბილისის ავტობუსების პროექტის“ ფარგლებში, თბილისის სატრანსპორტო კომპანიასა და ევროპის რეკონსტრ

თბილისის მერი სამშენებლო სფეროს წარმომადგენლებს შეხვდა

25 სექტემბერი, 2018 , 15:45

თბილისის მერი კახა კალაძე სამშენებლო სფეროს წარმომადგენლებს შეხვდა. შეხვედრაზე ძირითადი ყურადღება ქალაქში არსებულ დაუსრულებელ მშენებლობებსა და ამ მიმართულებით არსებული პრობლემების მოგვარების გზებზე გამახვილდა. სამშენებლო

„სიჩუმის რეზოლუცია - აფხაზეთი“ - ორელიენ ვილეტის ფოტოგამოფენა საქართველოს ეროვნული მუზეუმში გაიმართება

25 სექტემბერი, 2018 , 15:45

27 სექტემბრიდან 7 ოქტომბრის ჩათვლით, ფონდი ევროარტი (საქართველო) და ფონდი არტექო (ნიდერლანდების სამეფო) ქართველ და უცხოელ პარტნიორებთან ერთად, საქართველოს ეროვნული მუზეუმის ს. ჯანაშიას საქართველოს მუზეუმში მართავენ ფრანგ

ტელეკომპანია `იმედში` ოპერატორები გაიფიცნენ

25 სექტემბერი, 2018 , 13:05

არსებული ინფორმაციით, ტელეკომპანია "იმედში" ოპერატორები გაიფიცნენ. უკმაყოფილება მას შემდეგ დაიწყო, რაც თანამშრომლებს ხელფასები თითქმის გაუნახევრეს და ოპერატორების ნაწილი სამსახურიდან დაითხოვეს. არხის ხელმძღვანელობამ ოპერ

ქართველი მოსწავლეები დიდ ბრიტანეთში ენის გაძლიერებულ კურსს გაივლიან

25 სექტემბერი, 2018 , 13:05

საქართველოს განათლების, მეცნიერების, კულტურისა და სპორტის სამინისტროს პროგრამის „დავისვენოთ და ვისწავლოთ ერთად“ ფარგლებში, 21 წარმატებული მოსწავლე დიდ ბრიტანეთში გაემგზავრა. გაერთიანებულ სამეფოში მოსწავლეები

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`