უკან

ეკონომიკა

15 ნოემბერი, 2017 16:35
font-size

იციკ მოშე: ახალი ბიზნესის შემოსვლისთვის უმნიშვნელოვანესი წინაპირობაა უკვე არსებული ბიზნესის წარმატებულობა

საქართველო-ისრაელის ბიზნეს პალატისა და ისრაელის სახლის ინიციატივით, თბილისში საქმიანი ვიზიტით იმყოფება ისრაელის ბიზნეს დელეგაცია, რომლის შემადგენლობაშიც არიან ფინანსური ჯგუფის წარმომადგენლები, კერძო ინვესტორები და ისრაელის სოფლის მეურნეობის სექტორში მომუშავე კომპანიების, მათ შორის უმსხვილესი HERMAN ZEMEL PROJECTS-ის მფლობელები.

ვიზიტის მიზანია ამ სფეროში საქართველოში არსებული გარემოს გაცნობა და ინვესტირება.

დელეგაციის წევრები შეხვედრებს გამართავენ ქართულ კომპანიებთან და შეისწავლიან ქართულ ბაზარზე არსებულ პოტენციალს. მათივე სურვილია, საქართველოში შემოიტანონ ისრაელის სოფლის მეურნეობაში აპრობირებული ახალი ტექნოლოგიები.

დღეს ისრაელელმა სტუმრებმა პირველი შეხვედრა „ისრაელის სახლში“ გამართეს. „ისრაელის სახლის“ ხელმძღვანელმა იციკ მოშემ მათ ორგანიზაციის საქმიანობა და საქართველო-ისრაელის ბიზნეს პალატის ეგიდით ისრაელიდან საქართველოში შემოსული ინვესტიციებით მიმდინარე პროექტები გააცნო.

შემდეგ დელეგაციამ საქართველოს სოფლის მეურნეობის სამინისტროში გადაინაცვლა და მინისტრის მოადგილესთან გიორგი ხანიშვილთან შეხვედრა გამართა. დელეგაციის წევრები დაინტერესდნენ საქართველოს სოფლის მეურნეობის სფეროში სახელმწიფოს მიერ განხორციელებული პროგრამებითა და ინვესტორებთან მუშაობის პრაქტიკით. სტუმრებმა მინისტრის მოადგილეს გააცნეს საკუთარი კომპანიების საქმიანობა და საქართველოში ინვესტირების შესაძლებლობებზე ისაუბრეს.

როგორც შეხვედრის დასრულების შემდეგ ისრაელის დელეგაციის წევრებმა აღნიშნეს, პოტენციური ინვესტორისთვის მნიშვნელოვანია ბაზრის გაცნობა და სახელმწიფოს მხარდაჭერა, რომ წარმატებული იყოს ესა თუ ის ბიზნესპროექტი.

HERMAN ZEMEL PROJECTS-ის წარმომადგენელთა თქმით, მათი კომპანია მუშაობს ისრაელში, აღმოსავლეთ ევროპასა და აფრიკაში. საქართველოში პირველი ინვესტიციის განხორციელებას კი წელსვე აპირებენ. ეს შეიძლება გადამამუშავებელი სფერო იყოს. მოხდება ისრაელის ტექნოლოგიური გამოცდილების დანერგვა საქართველოში.

საქართველო-ისრაელის ბიზნეს პალატის პრეზიდენტისა და „ისრაელის სახლის“ ხელმძღვანელის, იციკ მოშეს განცხადებით, ეს ისრაელის ბიზნესის წარმომადგენელთა მორიგი ვიზიტია, რომელიც საქართველო-ისრაელის ბიზნეს პალატის თაოსნობით ხორციელდება. პოტენციური ინვესტორები, რომლებიც დაინტერესებული არიან საქართველოში ისრაელის ტექნოლოგიების შემოტანით, გულდასმით ეცნობიან საქართველოს ბიზნეს გარემოს, საქართველოში უკვე არსებული ისრაელური ინვესტიციებით მიმდინარე პროექტებს.

„ახალი ბიზნესის შემოსვლისთვის უმნიშვნელოვანესი წინაპირობაა უკვე არსებული ბიზნესის წარმატებულობა. ამ მხრივ საქართველოში ისრაელური ინვესტიციების მიმდინარეობისას არის გარკვეული ბარიერები, რომლის გადალახვასაც წლის ბოლომდე საქართველოს მთავრობასთან ერთად შევეცდებით. დეკემბერში ჩვენი ინიციატივით ისრაელიდან ჩამოდის წარმომადგენლობითი დელეგაცია წამყვანი პოლიტიკოსების, ბიზნესმენებისა და მედიის წარმომადგენელთა შემადგენლობით, ვიმსჯელებთ საქართველოში ისრაელიდან ახალი ინვესტიციების მოზიდვასა და პროცესში შესაძლო პრობლემის აღმოფხვრის გზებზე“, - განაცხადა იციკ მოშემ.

გერმანია საქართველოს ენერგეტიკის სექტორის რეფორმის განხორციელებაში დაეხმარება

18 ივლისი, 2019 , 16:00

ეკონომიკისა და მდგრადი განვითარების მინისტრის მოადგილემ, დავით თვალაბეიშვილმა და გერმანიის რეკონსტრუქციის საკრედიტო ბანკის (KfW) წარმომადგენელმა, ჰანს რიეკმა ხელი მოაწერეს საკონსულტაციო მომსახურების დაფინანსების შეთანხმე

ეროვნული ბანკის ანალიტიკური ანგარიშები

18 ივლისი, 2019 , 15:45

საქართველოს ეროვნული ბანკი, ანალიტიკური კომუნიკაციის გაუმჯობესების მიზნით, აქვეყნებს დეტალურად აღწერილი ფინანსური და მაკროეკონომიკური ინდიკატორების ტენდენციების შესახებ ანალიტიკურ ცხრილებსა და დიაგრამებს "საფინანსო სექტო

აზიის განვითარების ბანკმა ეროვნულ ვალუტაში ორი ახალი ფასიანი ქაღალდი გამოუშვა

18 ივლისი, 2019 , 15:45

ლარით დენომინირებული ფასიანი ქაღალდების გამოშვება სულ უფრო მიმზიდველი ხდება როგორც ქვეყანაში მოქმედი კომპანიებისთვის, ასევე საერთაშორისო საფინანსო ინსტიტუტებისთვისაც. საქართველოში ეროვნულ ვალუტაში ფასიანი ქაღალდის გამოშვ

აზიის განვითარების ბანკმა საქართველოს ბანკთან და გალტ ენდ თაგარტთან პარტნიორობით ლარის ობლიგაციების მასშტაბური განთავსება განახორციელა

17 ივლისი, 2019 , 10:15

საქართველოს ბანკის ჩართულობით და გალტ ენდ თაგარტთან პარტნიორობით აზიის განვითარების ბანკმა ლარის ობლიგაციების მასშტაბური განთავსება განახორციელა და 60 მილიონი ლარი მოიზიდა. საქართველოს ბანკი ობლიგაციების მასშტაბურ განთავ

მწვანე ეკონომიკისა და მცირე და საშუალო ბიზნესის ხელშეწყობა ქვეყნის მდგრად ინკლუზიურ განვითარებას უზრუნველყოფს - ეკატერინე მიქაბაძე

16 ივლისი, 2019 , 16:25

ეკონომიკისა და მდგრადი განვითარების მინისტრის მოადგილე ეკატერინე მიქაბაძის თავმჯდომარეობით სასტუმრო „ქორთიარდ მარიოტში“ გაიმართა სამუშაო შეხვედრა, რომელშიც მონაწილეობა მიიღეს სამთავრობო წრეების, კერძო სექტორი

აუქციონზე 30 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა

16 ივლისი, 2019 , 16:25

ფინანსთა სამინისტროს სახაზინო ობლიგაციების აუქციონზე 30 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა,- ამის შესახებ “მედიანიუსს“ საქართველოს ეროვნული ბანკიდან აცნობეს. ს

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს