უკან

უახლესი ამბები

დღის კალენდარი

ანონსები

არქივი

პოლიტიკა

7 დეკემბერი, 2017 12:05
font-size

იციკ მოშე საქართველოს ხელისუფლებას იერუსალიმის ისრაელის დედაქალაქად აღიარების თხოვნით მიმართავს

„ისრაელის სახლის“ დამფუძნებელი იციკ მოშე ოფიციალური წერილით მიმართავს საქართველოს მთავრობასა და პარლამენტს, აშშ-ის პრეზიდენტის გადაწყვეტილების კვალდაკვალ, საქართველომაც აღიაროს იერუსალიმი ისრაელის დედაქალაქად.

მედიანიუსი იციკ მოშეს მიმართვას უცვლელად გთავაზობთ.

საქართველოს მთავრობის მეთაურს, - გიორგი კვირიკაშვილს

საქართველოს პარლამენტის თავმჯდომარეს, - ირაკლი კობახიძეს

ბატონებო, უდიდესმა სახელმწიფომ და მსოფლიოში მშვიდობის ერთ-ერთმა გარანტმა ქვეყანამ, ამერიკის შეერთებულმა შტატებმა ა.წ. 6 დეკემბერს პრეზიდენტ ტრამპის მიერ ხელმოწერილი დოკუმენტით აღადგინა ისტორიული სამართლიანობა და იერუსალიმი ისრაელის დედაქალაქად ოფიციალურად აღიარა.

ეს გადაწყვეტილება ისტორიულია არა მარტო ისრაელისთვის, არამედ იმ სახელმწიფოებისთვის, რომლებსაც ამ ქვეყანასთან ისტორიული და პარტნიორული ურთიერთობები აკავშირებთ. მათ შორისაა საქართველო, რომელიც ყოველთვის ისრაელისადმი განსაკუთრებული ურთიერთობით გამოირჩეოდა. საქართველო იყო პირველი ქვეყანა, სადაც გასული საუკუნის 80-იანი წლების ბოლოს, საბჭოთა რკინის ფარდის მიუხედავად, გაიხსნა ისრაელის პირველი წარმომადგენლობა; დიპლომატიური ურთიერთობების არარსებობის პირობებში, ჩატარდა ისრაელის მხარდამჭერი მასშტაბური ფორუმი, ხოლო ზუსტად ერთი წლის წინ, 2016 წლის დეკემბერში თბილისმა უმასპინძლა ჰასბარას (ისრაელის სოლიდარობის) პირველ საერთაშორისო ფორუმს, რომელსაც თქვენთან ერთად ესწრებოდნენ ისრაელის მთავრობისა და ქნესეთის წარმომადგენლებიც. სწორედ ამ უკანასკნელ ფორუმზე ფართო საზოგადოებას გავაცანით ჩვენი, „ისრაელის სახლის“ ინიციატივა, რომ მხოლოდ დიდი სახელმწიფოების შემდეგ, საქართველო იყოს ერთ-ერთი პირველი, ვინც აღიარებდა იერუსალიმს ოფიციალურად ისრაელის დედაქალაქად და თავის საელჩოს იერუსალიმში გადაიტანდა. მაშინ ამ ინიციატივას, ფორუმზე სიტყვით გამოსვლისას მხარი დაუჭირა ისრაელის საგარეო საქმეთა მინისტრის მოადგილემ, ციპი ხოტოველმა და მანაც გამოთქვა იმედი, რომ მალე საქართველოს საელჩოს იერუსალიმში იხილავდა.

ბატონო პრემიერ-მინისტრო!

ბატონო პარლამენტის თავმჯდომარევ!

ვფიქრობ, დღეს ჩვენ ვიმყოფებით ამ ისტორიული გარდატეხის მიჯნაზე, როდესაც საქართველოს, როგორც აშშ-ის სტრატეგიულ პარტნიორსა და ისრაელის მეგობარ ქვეყანას, ეძლევა უნიკალური შესაძლებლობა, კვლავ ერთ-ერთი პირველი იყოს ამ ეპოქალურ პროცესში, მხარი აუბას აშშ-ის გადაწყვეტილებას და იერუსალიმი ოფიციალურმა თბილისმა ისრაელის დედაქალაქად აღიაროს.

გვჯერა, რომ ეს იქნება არა მარტო ისტორიული სამართლიანობის, არამედ რეგიონში მშვიდობასა და სტაბილურობაზე ორიენტირებული პოლიტიკის მხარდაჭერა, რამაც ბიძგი მისცა აშშ-ს, საქართველოს სტრატეგიულ პარტნიორს, მიეღო ეს გადაწყვეტილება“, - ნათქვამია იციკ მოშეს მიმართვაში.

მხარს ვუჭერთ საქართველოს სუვერენიტეტს - ვგმობთ „ბორდერიზაციის“ პროცესის გაგრძელებას ოკუპირებულ ტერიტორიებზე - ლიეტუვის პრეზიდენტი

22 აგვისტო, 2019 , 17:43

საქართველოს პრეზიდენტი, სალომე ზურაბიშვილი ლიეტუვის რესპუბლიკის ახლად არჩეულ პრეზიდენტს, გიტანას ნაუსედას შეხვდა. შეხვედრისას გიტანას ნაუსედამ საქართველოს პრეზიდენტს კიდევ ერთხელ დაუდასტურა ლიეტუვას მხარდაჭერა და აღნიშნა

სალომე ზურაბიშვილი ლიეტუვის პრეზიდენტს შეხვდა

22 აგვისტო, 2019 , 16:38

საქართველოს პრეზიდენტის, სალომე ზურაბიშვილის სამუშაო ვიზიტი ლიეტუვაში დაიწყო. ვილნიუსში, პრეზიდენტის რეზიდენციაში სალომე ზურაბიშვილს ლიეტუველმა კოლეგამ, გიტანას ნაუსედამ უმასპინძლა. პირისპირ შეხვედრის შემდეგ პრეზიდენტები

საპარლამენტო უმრავლესობა პრემიერად ოთარ დანელიას განიხილავს

22 აგვისტო, 2019 , 15:05

„ოცნების“ საპარლამენტო კულუარებში პრემიერობის ახალი კანდიდატი განიხილება. კერძოდ, არსბეობს იმის ალბათობა, რომ მამუკა ბახტაძის გადადგმის შემთხვევაში, უმრავლესობამ მმართველი გუნდის რამდენიმეკაციან „სტაფს&

საფრანგეთის რესპუბლიკის ელჩმა საქართველოს საგარეო საქმეთა მინისტრს რწმუნებათა სიგელების ასლები გადასცა

22 აგვისტო, 2019 , 14:15

საქართველოს საგარეო საქმეთა მინისტრმა დავით ზალკალიანმა გაცნობითი შეხვედრა გამართა საქართველოში საფრანგეთის რესპუბლიკის ახლადდანიშნულ ელჩთან დიეგო კოლასთან, რომელმაც მას რწმუნებათა სიგელების ასლები გადასცა. დავით ზალკალი

პრეზიდენტი ლიეტუვაში მიემგზავრება

22 აგვისტო, 2019 , 10:42

საქართველოს პრეზიდენტი დღეს ლიეტუვას ეწვევა. ვიზიტის ფარგლებში დაგეგმილია სალომე ზურაბიშვილის შეხვედრა ლიეტვუას პრეზიდენტთან გიტანას ნაუსედასთან. ზურაბიშვილი ასევე სიტყვით გამოვა პრეზიდენტ ვალდას ადამკუსის ყოველწლიური კო

ოკუპაცია არის გამოწვევა, რომელიც უნდა გვაერთიანებდეს და ის დაიძლევა ერთსულოვნებით და კონსოლიდაციით -მამუკა ბახტაძე

21 აგვისტო, 2019 , 21:45

ჩვენთვის ოკუპაცია არის ყველაზე მტკივნეული გამოწვევა, ეს არის საკითხი, რომელიც თითოეულ საქართველოს მოქალაქეს უნდა გვაერთიანებდეს, მიუხედავად იმისა, თუ რა პოლიტიკური შეხედულებები გვაქვს ჩვენ, - ამის შესახებ საქართველოს პრე

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს