უკან

უახლესი ამბები

დღის კალენდარი

ანონსები

არქივი

ეკონომიკა

29 დეკემბერი, 2015 12:10
font-size

იციკ მოშემ ეროვნულ მუზეუმს ხუთვარსკვლავიან სასტუმროში სამუზეუმო ფართი გადასცა

თბილისის ცენტრში თითქმის დასრულებულ სასტუმრო ,,რიქსოს თბილისში“ ეროვნულ მუზეუმს შენობის 3 ათას კვადრატულ მეტრზე მეტი ფართი გამოეყო. ეროვნული მუზეუმის ხელმძღვანელს ის საქართველო-ისრაელის ბიზნეს პალატის პრეზიდენტმა, იციკ მოშემ დაათვალიერებინა.

პრეზენტაციას ესწრებოდნენ კულტურის მინისტრის მოადგილე ლევან ხარატიშვილი, ტურიზმის ადმინისტრაციის ხელმძღვანელი გიორგი ჩოგოვაძე, თურქეთის ელჩი საქართველოში ლევენთ გუმრუქჩუ, საზოგადოებისა და მედიის წარმომადგენლები.

სამუზეუმო ფართს საერთაშორისო ბრენდის, რიქსოსის ხუთვარსკვლავიანი შენობის ნაწილი უკავია, სადაც საზოგადოებისთვის დღემდე უცნობი, უნიკალური ექსპონატების საგამოფენო სივრცეები განთავსდება. ვინაიდან შენობა დედაქალაქის ცენტრში, გუდიაშვილის ქუჩაზე, სამუზეუმო უბანშია განთავსებული და ის ბოლო ტექნოლოგიური მიღწევებითაა აგებული, ერთიორად ზრდის გადაცემული ფართის სტატუსსა და ღირებულებას. `რიქსოს თბილისმა~ გაითვალისწინა, აგრეთვე, ყველა საერთაშორისო სტანდარტი, რომელიც მუზეუმს ესაჭიროება.

,,ეს არის პირველი პრეცედენტი საქართველოში, სადაც არის ყველაზე ბოლო ტექნოლოგიები ჩადებული ამ სასტუმროში, თუმცა ეს ეს არ არის მხოლოდ ტექნოლოგიები ან ხუთვარსკვლავიანი სასტუმროს მართვა, ჩვენ საქართველოს ვჩუქნით მაღალი დონის 100 პროფესიონალს, ვინაიდან ვინც ამ შენობაში იმუშავა, ისინი არიან მაღალი დონის პროფესიონალები, რომლებიც ააშენებენ სხვა, ასეთი დონის სასტუმროებს“, -განაცხადა ისრაელის ბიზნეს პალატის პრეზიდენტმა იციკ მოშემ.

,,აქ იქნება საცავები, იქნება სარესტავრაციო ლაბორატორიაც, მაგრამ იქნება ბევრი საგამოფენო სივრცე. ასე რომ, ვულოცავ ყველას, ეს არის ძალიან დიდი შენაძენი“, - აღნიშნა ეროვნული მუზეუმის გენერალურმა დირექტორმა დავით ლორთქიფანიძემ და დასძინა, რომ ეროვნული მუზეუმის საცავებში ათასობით უნიკალური ექსპონატია, რომელიც ფართო საზოგადოებას არც ერთხელ უხილავს. ეს ფართი კი იძლევა საუკეთესო საშუალებას, რომ ამ სამუზეუმო ნივთებმა მზის სინათლე იხილონ.

`ეს არის დიდებული მაგალითი ბიზნესისა და კულტურის სანიმუშო თანამშრომლობის, რომელიც ახასიათებს მაღალი დონისა და ღირსეულ ბიზნესს. კულტურა კი, თავის მხრივ, ქმნის ბრწყინვალე ფონს, რომ ბიზნესისთვის ის და ქვეყანა საინტერესო იყოს. ბედნიერი ვარ, რომ რიქსოსს, რომელიც თურქული მაღალი დონის ბრენდია, საქართველოში შემოაქვს ყველაზე საუკეთესო, რომლითაც ნებისმიერ ქვეყანა იამაყებდა~, _ განაცხადა თურქეთის ელჩმა ლევენთ გუმრუქჩუმ.

,,ეს შეემატება ჩვენი ქვეყნის ტურისტულ პოტენციალს, გააჩენს სამუშაო ადგილებს ტურიზმის სფეროში და მნიშვნელოვანია, რომ ეს ყველაფერი ხდება იმ ფონზე, როდესაც საქართველოში 2015 წელი რეკორდული იყო უცხოელი ტურისტებისა და ვიზიტორების თვალსაზრისით“, - განაცხადა ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ.

კულტურის მინისტრის მოადგილის, ლევან ხარატიშვილის თქმით კი, ძალიან საინტერესო სინთეზი არის ბიზნეს ინტერესებისა და კულტურულის და ხელოვნების, რომელიც უდავოდ არის ძალიან მნიშვნელოვანი და რაც მთავარია, ის უბანი, ის სივრცე, სადაც ეს ყველაფერი ხდება, არის სამუზეუმო უბანი და სწორედ ძალიან ლოგიკური გაგრძელება არის ამ კონცეფციისა.

ხუთვარსკვლავიანი სასტუმრო `რიქსოს თბილისი~ გუდიაშვილის ქუჩის #3-შია განთავსებული და ის გაისად, 2016 წლის ბოლოს გაიხსნება.

საკვანძო სიტყვები:

ბერძნული ავიაკომპანია თბილისის მიმართულებით სეზონურ ფრენებს შეასრულებს

19 აპრილი, 2019 , 15:05

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანებასა“ და ბერძნულ ავიაკომპანია ELLINAIR-ს შორის მოლაპარაკებების წარმატებით დასრულების შედეგად, მაისიდან განახლდება სეზონური რეი

ევროკავშირში ექსპორტი შემცირდა, დსთ-ის ქვეყნებში კი, გაიზარდა

19 აპრილი, 2019 , 13:30

საქართველოდან ევროკავშირის ქვეყნებში, 2019 წლის იანვარ-მარტში, 196.0 მლნ აშშ დოლარის ექსპორტი განხორციელდა, რაც 6.4 პროცენტით ნაკლებია წინა წლის შესაბამის მაჩვენებელზე და ქვეყნის მთლიანი ექსპორტის 23.7 პროცენტს შეადგენს.

საქართველოში იმპორტი 4.7 პროცენტით შემცირდა

19 აპრილი, 2019 , 13:30

საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე), 2019 წლის იანვარ-მარტში, 2 807.3 მლნ. აშშ დოლარი შეადგინა, რაც წინა წლის შესაბამის მაჩვენებელზე 0.1 პროცენტით ნაკლებია. საქსტატის ინფორმაც

საქართველოს ეროვნული ბანკისა და მსოფლიოს ბანკის ორგანიზებით, სპეციალიზებული დეპოზიტარის ფონდის მართვის შესახებ სამუშაო შეხვედრა გაიმართა

19 აპრილი, 2019 , 10:27

საქართველოს ეროვნული ბანკის ორგანიზებით სპეციალიზებული დეპოზიტარის ფონდის მართვის თემაზე სამუშაო შეხვედრა გაიმართა. ღონისძიება ევროკავშირისა და მსოფლიო ბანკის ერთობლივი პროექტის ფარგლებში ჩატარდა და მიზნად ისახავს ბაზრის

მივესალმებით კვიპროსთან ურთიერთობის გაღრმავებას ყველა სექტორში - გიორგი ქობულია

18 აპრილი, 2019 , 14:15

ღრმად ვარ დარწმუნებული, რომ საქართველო-კვიპროსის ბიზნესფორუმი მნიშვნელოვნად შეუწყობს ხელს ჩვენი ბიზნესწრეების დაახლოებას, - ამის შესახებ ეკონომიკისა და მდგრადი განვითარების მინისტრმა გიორგი ქობულიამ საქართველო-კვიპროსის

კვიპროსის რესპუბლიკის პრეზიდენტის ოფიციალური ვიზიტის ფარგლებში, საქართველო-კვიპროსის ბიზნეს ფორუმი გაიმართა

18 აპრილი, 2019 , 11:40

კვიპროსის რესპუბლიკის პრეზიდენტის ნიკოს ანასტასიადისის ოფიციალური ვიზიტის ფარგლებში, დღეს საქართველო-კვიპროსის ბიზნეს ფორუმი გაიმართა. ამის შესახებ „მედიანიუსს“ საქართველოს სავაჭრო- სამრეწველო პალატიდან აცნობ

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019