უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
პოლიტიკა
იურიდიული კომიტეტის თავმჯდომარის მოადგილე ოპოზიციის კვოტით ფრაქცია „საქართველოს პატრიოტების“ წარმომადგენელი ნატო ჩხეიძე გახდა
საქართველოს პარლამენტის იურიდიულ საკითხთა კომიტეტის თავმჯდომარის მოადგილე ოპოზიციის კვოტით, 8 ხმით არცერთი წინააღმდეგ, ფრაქცია „საქართველოს პატრიოტების“ წარმომადგენელი ნატო ჩხეიძე გახდა.
პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, მან თავმჯდომარის მოადგილის თანამდებობაზე ნატო ჩხეიძის კანდიდატურას ორი მიზეზით დაუჭირა მხარი.
„პირველი, ჩემთვის მნიშვნელოვანი იყო გენდერული ბალანსის დაცვა და ქალი კანდიდატის მხარდაჭერა მოადგილის პოზიციაზე. მეორე, ქალბატონი ნატო არის ორი მოწვევის პარლამენტის წევრი. მას აქვს საპარლამენტო მუშაობის გამოცდილება“,-განაცხადა ეკა ბესელიამ.
მან მედიასთან საუბარისას ასევე აღნიშნა, რომ ჩხეიძის ოჯახი დიდი ხნის განმავლობაში სამართლიანობის აღდგენისთვის იბრძოდა.
„ეს ოჯახი რეპრესირებულიც გახდა, მსხვერპლი იყო და ძალიან დიდ ხანს იბრძოდა სამართლის აღდგენისთვის, და ზოგადად, დემოკრატიული ფასეულობისთვის. ამ ყველაფერს აქვს ძალიან დიდი მნიშვნელობა პირადად ჩემთვის. ამიტომ, ჩემი არჩევანი იყო სრულიად გაცნობიერებული“,-განუცხადა ჟურნალისტებს ბესელიამ.