უკან

უახლესი ამბები

დღის კალენდარი

ანონსები

არქივი

საზოგადოება

1 მაისი, 2017 18:25
font-size

იუსტიციის უმაღლესი საბჭო მურუსიძის უვადოდ დანიშვნას ყოველგვარი მსჯელობის გარეშე ცდილობს - არასამთავრობოები

არასამთავრობო ორგანიზაციები: „საერთაშორისო გამჭვირვალობა - საქართველო“, „ინფორმაციის თავისუფლების განვითარების ინსტიტუტი“, „ადამიანის უფლებათა ცენტრი“, „კონსტიტუციის 42-ე მუხლი“ და „პარტნიორობა ადამიანის უფლებებისთვის“ ლევან მურუსიძისა და მაია სულხანიშვილის უვადო მოსამართლეებად შესაძლო დანიშვნას ეხმაურებიან. მათი თქმით, იუსტიციის უმაღლესი საბჭოს ერთი წევრის გარდა დანარჩენები ამ ინიციატივას მხარს უჭერენ.

არასამთავრობოების შეფასებით, სასამართლო რეფორმის „მესამე ტალღის“ წესი, რომლის მიხედვით მოსამართლის თანამდებობაზე გამწესების 3-წლიანი ვადა არ ვრცელდება საქართველოს საკონსტიტუციო სასამართლოს ან უზენაესი სასამართლოს მოქმედ ან ყოფილ წევრზე, არ ვრცელდება მურუსიძესა და სულხანიშვილზე, რადგან მათ მანამდე არსებული წესით დაენიშნათ სამწლიანი გამოსაცდელი ვადა.

NGO-ები ვარაუდობენ, რომ იუსტიციის უმაღლესი საბჭო ცდილობს, უვადოდ დანიშნოს მურუსიძე იქამდე, სანამ პარლამენტი, საკონსტიტუციო სასამართლოს მოთხოვნთ, მიიღებს ახალ კანონმდებლობას მოსამართლეთა არჩევის წესის შესახებ.

„აღსანიშნავია, რომ საკონსტიტუციო სასამართლოს 2017 წლის 15 თებერვლის გადაწყვეტილებით არაკონსტიტუციურად იქნა ცნობილი რეგულაცია, რომელიც ითვალისწინებს მოსამართლის თანამდებობაზე იმ პირის გამწესებას გამოსაცდელი ვადით, რომელისაც აქვს სამოსამართლო საქმიანობის არანაკლებ 3 წლის გამოცდილება. საკონსტიტუციო სასამართლოს გადაწყვეტილებით პარლამენტს დაევალა 2017 წლის 1 ივლისამდე კანონმდებლობაში შესაბამისი ცვლილებების განხორციელება. მოცემულ შემთხვევაში იუსტიციის უმაღლესი საბჭო, რომლის წევრების უმრავლესობასაც უფლებამოსილების ვადა მიმდინარე წლის ივნისში ეწურება, არ ელოდება პარლამენტის მიერ საკანონმდებლო ცვლილებების განხორციელებას. ეს წარმოშობს ეჭვებს იმის თაობაზე, რომ საბჭო, არსებული შემადგენლობით, ცდილობს შექმნილი სამართლებრივი მდგომარეობის გამოყენებით უვადოდ დანიშნოს ბატონი ლევან მურუსიძე, რომლის თანამდებობაზე გამწესებამაც 2016 წლის იანვარში ძლიერი საზოგადოებრივი უკმაყოფილება გამოიწვია“, - წერია განცხადებაში.

არასამთავრობოები აღნიშნავენ, რომ იუსტიციის საბჭო მურუსიძის უვადოდ დანიშვნას ყოველგვარი მსჯელობის გარეშე ცდილობს.

NGO-ები მიმართავენ საქართველოს პარლამენტს, რომ „საკონსტიტუციო სასამართლოს გადაწყვეტილების აღსრულების მიზნით 1 ივლისამდე განსახორციელებელი ცვლილებებით, ასევე მოაწესრიგოს სამწლიანი ვადით უკვე გამწესებული მოსამართლეების საკითხი. პარლამენტმა შესაძლოა საკითხი მოაწესრიგოს იმგვარად, რომ უკვე განწესებულ მოსამართლეებს უფლება მიეცეთ სამწლიანი ვადის ამოწურვამდე მიმართონ საბჭოს მათი უვადოდ გამწესების საკითხზე, რა დროსაც საბჭო ინდივიდუალურად იმსჯელებს თითოეულ ასეთ განცხადებაზე და მიიღებს დასაბუთებულ გადაწყვეტილებას“.

გარდა ამისა, მათ მიმართეს იუსტიციის უმაღლეს საბჭოს, რომ არ მიიღონ გადაწყვეტილება მოსამართლეების დანიშვნასთან დაკავშირებით ახალი რეგულაციების მიღებამდე.

ანა მებურიშვილი

ტექნიკურ უნივერსიტეტში საერთაშორისო კონფერენცია „გლობალიზაცია და ბიზნესის თანამედროვე გამოწვევები“ გაიხსნა

24 მაისი, 2019 , 18:34

საქართველოს ტექნიკური უნივერსიტეტის ბიზნესტექნოლოგიების ფაკულტეტის ორგანიზებით, დღეს, ტექნიკურ უნივერსიტეტში გაიხსნა III საერთაშორისო სამეცნიერო კონფერენცია - „გლობალიზაცია და ბიზნესის თანამედროვე გამოწვევები&ldquo

საქართველოს ტექნიკური უნივერსიტეტი გლობალიზაციისა და ბიზნესის თანამედროვე გამოწვევებზე ორდღიან კონფერენციას მასპინძლობ

24 მაისი, 2019 , 18:07

საქართველოს ტექნიკურ უნივერსიტეტის ბიზნესტექნოლოგიების ფაკულტეტის ინიციატივით, მე-3 საერთაშორისო-სამეცნიერო კონფერენცია „გლობალიზაცია და ბიზნესის თანამედროვე გამოწვევები“ გაიხსნა. კონფერენციის მუშაობაში ტექნი

საქართველოში მოსახლეობის თითქმის ნახევარი ავტომფლობელია - კვლევა

24 მაისი, 2019 , 17:40

არასამთავრობო ორგანიზაცია „საერთაშორისო გამჭვირვალობა – საქართველოს“ დაკვეთილმა სოციოლოგიურმა კვლევამ აჩვენა, რომ მოსახლეობის თითქმის ნახევარი – 46 პროცენტი ფლობს ავტომობილს. ამასთან, საზოგადოებრი

საბავშვო ბაგა-ბაღებს საკვებით კომპანია `მზიური` მოამარაგებს

24 მაისი, 2019 , 17:35

თბილისის საბავშვო ბაგა-ბაღების მართვის სააგენტოს ინფორმაციით, ბაღებს საკვებით კომპანია "მზიური" მოამარაგებს. "თბილისის საბავშვო ბაგა-ბაღებს, მომავალი კვირიდან, საკვები პროდუქტებით კომპანია „მზიური“ მოამარაგებ

საქართველოში მცხოვრები ოჯახები ყველაზე მეტ თანხას სურსათზე, სასმელსა და თამბაქოზე ხარჯავენ, ყველაზე ნაკლებს კი განათლებაზე - საქსტატი

24 მაისი, 2019 , 16:45

საქართველოში შინამეორნეობების ხარჯების დიდი ნაწილი – 37,4% სურსათზე, სასმელსა და თამბაქოს ნაწარმზე მოდის, ყველაზე მცირე – 3,4% კი, განათლებაზე. მონაცემებს სტატისტიკის ეროვნული სამსახური ავრცელებს. საქსტატის ი

მთაწმინდაზე კიდევ ერთი სკვერი მოეწყო

24 მაისი, 2019 , 16:45

მთაწმინდის რაიონში კიდევ ერთი სკვერი მოეწყო. ინფრასტრუქტურული პროექტების ფარგლებში, გამგეობამ ახალი სკვერისთვის ადგილი ოქროყანაში, ა ზონაში, გურამიშვილის ქ. №24-ის მიმდებარედ შეარჩია. თბილისის მერიის ინფორმაციით, 250 კვ.