უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
საზოგადოება
მივმართავ იმ პირებს, რომლებიც დიდგაბარიტიან სატვირთო ავტომანქანებს მართავენ, შეზღუდვის საათებში გადაადგილებისგან თავი შეიკავონ და დაწესებულ რეგულაციებს მოერგონ - კახა კალაძე
დიდგაბარიტიანი სატვირთო ავტომანქანების გადაადგილების შეზღუდვასთან დაკავშირებით დადგენილია შესაბამისი გამონაკლისები აუცილებელი საზოგადოებრივი საჭიროებებისთვის - ეს არის სპეცტექნიკა, საზოგადოებრივი ტრანსპორტი, სასწრაფო დახმარების ავტომანქანები, ავარიულ ვითარებაში და ინფრასტრუქტურული სამუშაოების დროს სხვადასხვა ტექნიკა, ასევე ტურისტული სატრანსპორტო საშუალებები,- ამის შესახებ თბილისის მერმა, კახა კალაძემ მუნიციპალიტეტის მთავრობის სხდომაზე განაცხადა.
მისი განცხადებითვე, სხვა დანარჩენზე მოქმედებს შეზღუდვა დილის 8:00 საათიდან, 11:00 საათამდე და საღამოს - 17:00-დან, 20:00 საათამდე.
„როგორც მოგეხსენებათ, საქართველოს პარლამენტის მხარდაჭერით მიღებულია ახალი საკანონმდებლო ცვლილებები, რომელიც თბილისში პირველი იანვრიდან ამოქმედდა და ეხება სამუშაო დღეებში, დილასა და საღამოს, პიკის საათებში, გარკვეული კატეგორიის დიდგაბარიტიანი სატვირთო ავტომანქანების გადაადგილების შეზღუდვას.
ამასთან დაკავშირებით დეტალური ინფორმაცია არაერთხელ მივაწოდეთ საზოგადოებას, მათ შორის იმ არეალების შესახებ, სადაც ეს შეზღუდვები მოქმედებს და დადგენილია შესაბამისი გამონაკლისები აუცილებელი საზოგადოებრივი საჭიროებებისთვის - ეს არის სპეცტექნიკა, საზოგადოებრივი ტრანსპორტი, სასწრაფო დახმარების ავტომანქანები, ავარიულ ვითარებაში და ინფრასტრუქტურული სამუშაოების დროს სხვადასხვა ტექნიკა, ასევე ტურისტული სატრანსპორტო საშუალებები. სხვა დანარჩენზე მოქმედებს შეზღუდვა დილის 8:00 საათიდან, 11:00 საათამდე და საღამოს 17:00-დან 20:00 საათამდე.
აკრძალულ ზონაში შეზღუდვის საათებში გადაადგილება გამოიწვევს დაჯარიმებას 1000 ლარის ოდენობით. მინდა მივმართო იმ პირებს, რომლებიც მართავენ და ექსპლუატაციას უწევენ ასეთ სატრანსპორტო საშუალებებს, თავი შეიკავონ ასეთ დროს გადაადგილებისგან და მოერგონ იმ რეგულაციას, რომელიც დადგენილია საქართველოს პარლამენტის მიერ მიღებული კანონის საფუძველზე თბილისის საკრებულოს მიერ“,- განაცხადა კალაძემ.
გარდა ამისა, მან საავტობუსო ზოლში სასკოლო ტრანსპორტის გადაადგილებაზეც ისაუბრა და აღნიშნა, რომ სკოლებმა მუნიციპალიტეტს უნდა მიმართონ სატრანსპორტო საშუალებების, მათი რაოდენობისა და მიმართულებების შესახებ.
„პირველი იანვრიდან ასევე ამოქმედდა წესი, რომლის მიხედვით დასაშვებია სასკოლო ტრანსპორტის გადაადგილება საავტობუსო ზოლში.
აღნიშნული ცვლილებები განათლების სამინისტროსთან ერთად შევიმუშავეთ და გვქონდა კონსულტაციები სხვადასხვა სკოლის წარმომადგენლებთან.
აღნიშნული წესის შესაბამისად, კერძო თუ საჯარო სკოლას შეუძლია მიმართოს მუნიციპალიტეტს, მიაწოდოს ინფორმაცია სატრანსპორტო საშუალებების, მათი რაოდენობისა და მიმართულებების შესახებ, შეათანხმოს სატრანსპორტო საშუალებების ვიზუალი და ამის შედეგად შეუძლია უზრუნველყოს სკოლის მოსწავლეების ტრანსპორტირება.
სკოლამ უნდა მიმართოს ტრანსპორტისა და ურბანული განვითარების სააგენტოს“,- განაცხადა კახა კალაძემ.