უკან

უახლესი ამბები

დღის კალენდარი

ანონსები

არქივი

პოლიტიკა

6 დეკემბერი, 2019 15:10
font-size

ივანიშვილი და მისი გარემოცვა ცდილობს, კიდევ ერთხელ გამოიწვიოს ქართული პოლიტიკური სპექტრი და ფართო საზოგადოება - „თავისუფალი დემოკრატები“

პარტია „თავისუფალი დემოკრატები“ „ქართული ოცნების“ მაჟორიტარი დეპუტატების მიერ ინიცირებულ ახალ კონსტიტუციური კანონის პროექტს, რომელიც სრულად მაჟორიტარულ საარჩევნო სისტემაზე გადასვლას და ორპალატიანი პარლამენტის შემოღებას ისახავს მიზნად, „აღმაშფოთებელ და დაძაბულობის შემდგომი ესკალაციის მაპროვოცირებელ მოქმედებად“ აფასებს.

როგორც განცხადებაშია აღნიშნული, ბიძინა ივანიშვილი და მისი გარემოცვა ცდილობს, კიდევ ერთხელ გამოიწვიოს ქართული პოლიტიკური სპექტრი და საზოგადოება.

„სრულად პროპორციულ საარჩევნო სისტემაზე გადასვლის თაობაზე საჯაროდ გაცემული დაპირების უარყოფის შედეგად ბიძინა ივანიშვილისა და მისი ხელისუფლების მიერ ქვეყანაში შექმნილი პოლიტიკური კრიზისისა და მასობრივი საზოგადოებრივი მღელვარების ფონზე კიდევ უფრო აღმაშფოთებელ და დაძაბულობის შემდგომი ესკალაციის მაპროვოცირებელ მოქმედებად ვაფასებთ „ქართული ოცნების“ მაჟორიტარი დეპუტატების მიერ ინიცირებულ ახალ კონსტიტუციური კანონის პროექტს, რომელიც სრულად მაჟორიტარულ საარჩევნო სისტემაზე გადასვლას და ორპალატიანი პარლამენტის შემოღებას ისახავს მიზნად.

მართალია, საქართველოს პარლამენტში პოლიტიკურ ძალთა დღევანდელი გადანაწილების პირობებში ამ კანონპროექტს საქართველოს კონსტიტუციით გათვალისწინებული პარლამენტის სრული შემადგენლობის 3/4-ის ან თუნდაც 2/3-ის მხარდაჭერის მოპოვება არ უწერია, ბიძინა ივანიშვილი და მისი გარემოცვა ამით ცდილობს კიდევ ერთხელ გამოიწვიოს ქართული პოლიტიკური სპექტრი და ფართო საზოგადოება, რომელიც, ბუნებრივი განსხვავებების მიუხედავად, პროპორციულ სისტემაზე გადასვლის საკითხში ერთიანი და მონოლითურია. შესაბამისად, აღნიშნული კონსტიტუციური კანონის პროექტი არათუ ხელს არ უწყობს ქვეყანაში თანხმობისა და სტაბილობის დამკვიდრებას, არამედ პოლიტიკური დაძაბულობის შემდგომი ესკალაციის მიზანს ემსახურება.

ეს უპასუხისმგებლო ინიციატივა კიდევ უფრო სახიფათოდ წარმოჩინდება, თუ მას საქართველოს ტერიტორიული მთლიანობის აღდგენის კუთხიდან შევხედავთ. კანონპროექტის თანახმად, საქართველოში ერთპალატიანი პარლამენტის ნაცვლად ორპალატიანი პარლამენტი უნდა იქნეს ამოქმედებული. ორპალატიანი პარლამენტის იდეა საქართველოს მოქმედ კონსტიტუციაში მისი მიღების დღიდან არის ჩადებული. კერძოდ, კონსტიტუციის დღევანდელ რედაქციაში დადგენილია, რომ „საქართველოს მთელ ტერიტორიაზე საქართველოს იურისდიქციის სრულად აღდგენის შემდეგ“. არსებითად იგივე შინაარსის დებულებას ითვალისწინებდა კონსტიტუციის თავდაპირველი რედაქციაც.

ორპალატიანი პარლამენტის შემოღება საქართველოს ხალხმა ქვეყნის მთელ ტერიტორიაზე საქართველოს იურისდიქციის სრულად აღდგენის ფაქტს იმიტომ დაუკავშირა, რომ ორპალატიანი პარლამენტის ზედა პალატა - სენატი ტერიტორიული წარმომადგენლობის პრინციპით უნდა იქნეს არჩეული. ხოლო, ტერიტორიული წარმომადგენლობის პრინციპი ვერ იქნება დაცული თუ საქართველოს პარლამენტში თავისი წარმომადგენლობა არ ეყოლებათ საქართველოს განუყოფელ და ძირძველ ტერიტორიებს - აფხაზეთსა და ცხინვალის რეგიონს. აქედან გამომდინარე, კანონმდებლის მიერ საქართველოში ორპალატიანი პარლამენტის შემოღება მანამდე, სანამ საქართველოს იურისდიქცია მთლიანად არ იქნება აღდგენილი რუსეთის ფედერაციის მიერ ოკუპირებულ ტერიტორიებზე, სხვა არაფერი იქნებოდა, თუ არა ირიბად იმის აღიარება, რომ აფხაზეთი და ცხინვალის რეგიონი აღარ არის საქართველოს სახელმწიფოს ნაწილი.

ზემოთქმულიდან გამომდინარე, ბიძინა ივანიშვილის მორჩილი დეპუტატების ეს ახალი ინიციატივა არა მხოლოდ ქვეყანაში სამოქალაქო თანხმობისა და სტაბილობის აღდგენის წინააღმდეგ არის მიმართული, არამედ არსებითად ეწინააღმდეგება საქართველოს უმთავრეს ეროვნულ ინტერესს - საქართველოს იურისდიქციის აღდგენას საქართველოს ისტორიულ ტერიტორიებზე და საქართველოს ტერიტორიული მთლიანობის დაცვას საერთაშორისო თანამეგობრობის მიერ აღიარებულ საზღვრებში. ამ ანტისახელმწიფოებრივი კანონპროექტის ნებისმიერ ორგანიზატორს, ინიციატორსა თუ მხარდამჭერს მართებს გაიაზროს პასუხისმგებლობა საქართველოს დღევანდელი და მომავალი თაობების წინაშე“, - ნათქვამია განცხადებაში.

ფრაქციამ - „დამოუკიდებელი დეპუტატები“ სახელწოდება შეიცვალა

15 აგვისტო, 2020 , 14:45

საპარლამენტო ფრაქცია „დამოუკიდებელი დეპუტატების" ოფიციალური სახელწოდება შეიცვალა და საპარლამენტო საქმიანობას ფრაქცია „ჩვენი საქართველო დამოუკიდებელი დეპუტატების" სახელწოდებით განაგრძობს. ამის შესახებ ინფორმაც

რუსეთი: კორონავირუსის 5 061 ახალი შემთხვევა, 119 გარდაცვლილი პაციენტი

15 აგვისტო, 2020 , 12:50

რუსეთში გასული დღე-ღამის განმავლობაში „კოვიდ-19“ 5 061 ადამიანს დაუდასტურდა და დაინფიცირებულთა საერთო რაოდენობა 917 884-მდე გაიზარდა. ბოლო ერთ დღეში რუსეთში „კოვიდ 19“-ს 119 ადამიანი ემსხვერპლა. კ

ბატონო ბიძინა, დააკვირდით მინსკის მოვლენებს! - ანზორ ბიწაძე

15 აგვისტო, 2020 , 10:45

ცივილიზებულ სამყაროში, არჩევნებით მანიპულირება ის წითელი ხაზია, რომლის გადაკვეთაც არავის ეპატიება, - ამის შესახებ ,,ერთიანი საქართველოს" ერთ-ერთმა ლიდერმა ანზორ ბიწაძემ განაცხადა. ბიწაძის თქმით, მეთოდები, რომლის დახმარებ

ირაკლი ღარიბაშვილმა საქართველოს ერთიანობისათვის ბრძოლებში დაღუპულ გმირთა მემორიალი გვირგვინით შეამკო

14 აგვისტო, 2020 , 17:38

თავდაცვის მინისტრმა ირაკლი ღარიბაშვილმა გმირთა მოედანზე მდებარე საქართველოს ერთიანობისათვის ბრძოლებში დაღუპულ გმირთა მემორიალი გვირგვინით შეამკო. 14 აგვისტოს აფხაზეთში შეიარაღებული კონფლიქტის დაწყებიდან 28 წელი გავიდა. &

უნდა გვახსოვდეს, რომ დღეს ჩვენი ქვეყანა ოკუპირებულია - ეს ის პრობლემაა, რომელიც უნდა გადავწყვიტოთ მშვიდობით - გიორგი გახარია

14 აგვისტო, 2020 , 17:22

ყოველთვის უნდა გვახსოვდეს, რომ დღეს ჩვენი ქვეყანა არის ოკუპირებული, ყოველთვის უნდა გვახსოვდეს და ვიცოდეთ, რომ ეს ის პრობლემაა, რომელიც რადაც არ უნდა დაგვიჯდეს, უნდა გადავწყვიტოთ, მშვიდობით, შრომით და იმით, რომ ავაშენებთ

ჩვენ ღრმად ვართ დარწმუნებული გამარჯვებაში - ირაკლი ღარიბაშვილი

14 აგვისტო, 2020 , 17:15

ჩვენ ღრმად ვართ დარწმუნებული გამარჯვებაში, ვინაიდან ჩვენ ხელისუფლებას და პარტიას ალტერნატივა დღეს ქვეყანაში არ ჰყავს, - ამის შესახებ თავდაცვის მინისტრმა, "ქართული ოცნების" პოლიტიკურმა მდივანმა ირაკლი ღარიბაშვილმა გურჯაან

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე