უახლესი ამბები
არქივი
პოლიტიკა
ივანიშვილი ლენინის დაბადების დღეზე აპირებს საბჭოთა, ერთპარტიული კონსტიტუციის აღდგენას - კახა კუკავა
დღეს თბილისის პარლამენტთან მოძრაობა - „თავისუფალი საქართველო“ და „ქრისტიან-დემოკრატებმა“ ერთობლივი აქცია გამართეს. მათ გააპროტესტეს საქართველოს კონსტიტუციის ახალი რედაქცია.
„თავისუფალი საქართველოს“ თავმჯდომარის, კახა კუკავას თქმით, საკონსტიტუციო ცვლილებები ერთი პარტიის ინტერესებს ემსახურება.
„ამ შენობაში [თბილისის პარტლამენტში] ზვიად გამსახურდიამ შეაჩერა საბჭოთა ლენინური კონსტიტუციის მოქმედება და დღეს, ლენინის დაბადების დღეზე, ბიძინა ივანიშვილმა დანიშნა კენჭისყრა და გეგმავს საბჭოთა, ერთპარტიული კონსტიტუციის აღდგენას. ესაა, პრაქტიკულად, საქართველოში დემოკრატიული, ეროვნული სახელმწიფოს გაუქმების მცდელობა“, - განაცხადა კუკავამ.
შეგახსენებთ, დღეს სახელმწიფო საკონსტიტუციო კომისია 4-თვიან მუშაობას ასრულებს. გაერთიანებულ სხდომაზე ცვლილებების პროექტს უყრიან კენჭს. ამის შემდეგ განახლებული დოკუმენტი ვენეციის კომისიას გადაეგზავნება. ერთი თვის განმავლობაში გაიმართება საყოველთაო სახალხო განხილვები.
კენჭისყრაში მონაწილეობას არ იღებენ როგორც საპარლამენტო, ასევე არასაპარლამენტო ოპოზიცია. სხდომა დატოვა „ლეიბორისტული პარტიის“ წევრმა გიორგი გუგავამ.
სხდომა დახურულ ფორმატში მიმდინარეობს.
ანა მებურიშვილი