უკან

უახლესი ამბები

დღის კალენდარი

ანონსები

არქივი

მსოფლიო

26 აპრილი, 2019 15:30
font-size

ივანიშვილის არაფორმალური მმართველობა, სახელმწიფოს მიტაცება, ზეწოლა მედიაზე და არასამთავრობოებზე - დისკუსია `მარშალის ფონდში`

ბიძინა ივანიშვილის არაფორმალურ მმართველობას ამერიკელი ანალიტიკოსები საქართველოს დემოკრატიის მთავარ პრობლემად ასახელებენ. "მარშალის ფონდში" გამართულ დისკუსიაზე მთავარ გამოწვევებად დასახელდა ელიტური კორუფცია, პოლიტიზებული ძალოვანი უწყებები, დამოუკიდებელი მედიის დევნა და ზეწოლა სამოქალაქო სექტორზე. ამის შესახებ იტყობინება „რუსთავი 2“.

მაუწყებლის ინფორმაციით, შეხვედრაზე, რომელიც „მარშალის ფონდის“ და ატლანტიკური საბჭოს ორგანიზებით ჩატარდა, თქვეს, რომ საქართველოში სახელმწიფოს მიტაცების ნიშნებია.

ქვეყანაში შექმნილ ვითარებაზე შეფასებები ამერიკელმა სპეციალისტებმა ქართული არასამთავრობო ორგანიზაციების წარმომადგენლებისგან მოისმინეს.

„საქართველოს, როგორც დემოკრატიული სახელმწიფოს ერთ-ერთი უდიდესი პრობლემა დღეს არაფორმალური მმართველობაა იმ პირის მიერ, რომელიც უთანასწორო პირად რესურსებს ფლობს. ეს არაფორმალური მმართველობა კი მიემართება კონსოლიდირებული ძალაუფლებისკენ არა თუნდაც პოლიტიკური პარტიის შიგნით, არამედ ბიძინა ივანიშვილის პირადი გარემოცვის არაფორმალურ სისტემაში. ჩემი აზრით, რაც ბოლო არჩევნებმაც ნათლად გვიჩვენა, ეს სისტემა, უახლოეს მომავალში, შესაძლოა უმართავი გახდეს და დემოკრატიული ინსტიტუტების შენობის პროცესში უამრავი საფრთხე გამოიწვიოს. ახლახანს, ზოგიერთმა ორგანიზაციამ, მათ შორის "საერთაშორისო გამჭვირვალობამ" განსაზღვრა, რომ საქართველოში სახელმწიფოს მიტაცების ნიშნებია,“-განაცხადა საქართველოს ატლანტიკური საბჭოს ხელმძღვანელის მოადგილემ ბათუ ქუთელიამ.

"საერთაშორისო გამჭვირვალობა საქართველოს" აღმასრულებელი დირექტორი ეკა გიგაური კი აცხადებს, რომ ქვეყანაში ისევ არსებობს არაერთი გამოწვევა, რომელიც სახელმწიფოს ასუსტებს. გიგაურმა მთავარ პრობლემებად ოკუპაციას და არაფორმალურ მმართველობა დაასახელა.

„ამის შესახებ მრავალი წელია ვსაუბრობთ. ეს, რა თქმა უნდა, ძირს უთხრის დემოკრატიული ინსტიტუტების როლს ჩვენს ქვეყანაში და დიდ დაბრკოლებას წარმოადგენს, დამოუკიდებელი ინსტიტუტების განვითარებისთვის,“-განაცხადა გიგაურმა.

"სამართლიანი არჩევნების და დემოკრატიის საერთაშორისო საზოგადოების" ხელმძღვანელი მიხეილ ბენიძემ კი განაცხადა, რომ საპრეზიდენტო არჩევნების მეორე ტური უკან გადადგმული ნაბიჯი იყო.

„მარშალის ფონდში“, დისკუსიაზე არასამთავრობო სექტორი შეეხო მედიის პოლარიზების თემას და მთავრობის მიერ დამოუკიდებელი მედიის გაკონტროლების მცდელობაზეც ისაუბრეს.

მათ მაგალითად, "რუსთავი 2"-ის საქმე და "აჭარის ტელევიზიის" დირექტორის თანამდებობიდან გადაყენება დაასახელეს.

„2016 წლიდან მოყოლებული მთავრობა კრიტიკული მედიის გაჩუმებას ყველანაირად ცდილობდა. გვქონდა რუსთავი 2-ის საქმე - სასამართლოს მეშვეობით მფლობელების შეცვლის მცდელობა, რომლის შესახებაც უკვე ყველასთვის ცნობილია. ნათელი წერტილი იყო რეგიონული ტელევიზია "აჭარა", რომელიც ეუთოს მიერ შეფასებული იყო როგორც სამართლიანი და მიუკერძოებელი. სამწუხაროდ, იქ სწორედ გასულ კვირას შეიცვალა ხელმძღვანელობა. ჩვენ ვიცით ბორდის წევრების მხრიდან უსაფუძვლო მტკიცებულებების შესახებ, რომ დირექტორი საკმარისად კარგი არ იყო და ეს ჩვენი წუხილის კიდევ ერთი საგანია,“-განაცხადა ქეთი ხუციშვილმა.

მომხსენებლებმა ასევე თქვეს, რომ საქართველოს მთავრობა არა მხოლოდ ადგილობრივ სამოქალაქო სექტორზე ახდენს შეტევას, არამედ მიკერძოებასა და შეცდომების დაშვებაში ადანაშაულებს „ფრიდომ ჰაუსს“ და „ჰიუმან რაითს უოჩს“.

„მარშალის ფონდის“ მკვლევარმა, ჯონათან კათზიმ, რომელიც შეხვედრის მოდერატორი იყო აღნიშნა, თუ რამდენად მნიშვნელოვანია დემოკრატიის სიჯანსაღე საქართველოს მთავარი მიზნის განსახორციელებლად - გახდეს ევროატლანტიკური ოჯახის წევრი.

თურქეთში სავარაუდოდ აღმოჩენილია გურჯი ხათუნის საფლავი

16 აგვისტო, 2019 , 17:16

თურქეთის რესპუბლიკაში, საქართველოს საელჩოს ინფორმაციით, არქეოლოგიური გათხრების შედეგად, სავარაუდოდ გურჯი ხათუნის საფლავია აღმოჩენილი. ინფორმაციას საელჩო თურქულ ონლაინ მედიაზე დაყრდნობით ავრცელებს. ინფორმაციაში აღნიშნულია

მსესხებელი ბანკს აღებულ კრედიტზე ნაკლებ თანხას დაუბრუნებს

15 აგვისტო, 2019 , 14:15

დანიური ბანკი იპოთეკურ სესხს უარყოფით საპროცენტო განაკვეთით გასცემს. ეს პირველი შემთხვევაა მსოფლიოში, როდესაც კლიენტი ბანკში იმაზე ნაკლებ თანხას დააბრუნებს, ვიდრე ისესხა. როგორც „გარდიანი“ წერს, ინიციატივა და

გამოვიდა ვარშავის უნივერსიტეტის სამეცნიერო ჟურნალი „პრო გეორგია“

12 აგვისტო, 2019 , 11:13

გამოვიდა ვარშავის უნივერსიტეტის რეცენზირებადი სამეცნიერო ჟურნალი „პრო გეორგია“ 29/2019. ჟურნალი დაარსდა 1991 წელს, გამოდის ვარშავის უნივერსიტეტის ორიენტალისტიკის ფაკულტეტის აღმოსავლეთ ევროპისმცოდნეობის ინსტიტ

არ შევწყვეტთ მუშაობას, ვიდრე რუსეთი არ დაასრულებს საქართველოს სუვერენული ტერიტორიების ოკუპაციას - აშშ-ის სახელმწიფო დეპარტამენტი

9 აგვისტო, 2019 , 12:20

მივმართავთ რუსეთის ფედერაციას, სრულად შეასრულოს ევროკავშირის შუამავლობით 2008 წლის აგვისტოს ცეცხლის შეწყვეტის შეთანხმება, გაიყვანოს შეიარაღებული ძალები საქართველოს ოკუპირებული ტერიტორიებიდან, დაადასტუროს და აღასრულოს საქ

მწუხარებას იწვევს, რომ ვერც საქართველოში, ვერც დასავლეთში ვერ შეძლეს გაკვეთილის მიღება 2008 წლის ტრაგიკული მოვლენებიდან - რუსეთის საგარეო უწყება

9 აგვისტო, 2019 , 11:45

2008 წლის აგვისტოს ომის მე-11 წლისთავს რუსეთის საგარეო საქმეთა სამინისტროს პრესისა და ინფორმაციის დეპარტამენტი გამოეხმაურა. დიპლომატიური უწყების ოფიციალურ ვებგვერდზე განთავსებულ განცხადებაში აღნიშნულია, რომ „რუსეთს

რუმინეთში, ნორვეგიაში, ნიდერლანდებში, ლატვიასა და ეგვიპტეში საქართველოს საელჩოებმა 2008 წლის ომის მე-11 წლისთავისადმი მიძღვნილ ღონისძიებებს უმასპინძლეს

9 აგვისტო, 2019 , 11:45

რუსეთ-საქართველოს ომის მე-11 წლისთავთან დაკავშირებით, რუმინეთში, ბუქარესტის ეროვნული თეატრის წინ, ღია ცის ქვეშ მოეწყო 2008 წლის რუსეთ-საქართველოს ომის მე -11 წლისთავისადმი მიძღვნილი ფოტოგამოფენა. საქართველოს საგარეო საქმ

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს