უახლესი ამბები
- 18.03.2024 18:24იენს სტოლტენბერგი სალომე ზურაბიშვილს შეხვდა
- 18.03.2024 18:15საქართველოს ბანკის SME ბიზნეს მიმართულებას ახალი ხელმძღვანელი ჰყავს
არქივი
ეკონომიკა
ივნისში ევროკავშირის ქვეყნებიდან ფულადმა გზავნილებმა 56.78 მლნ, რუსეთიდან - 34.78 მლნ დოლარი შეადგინა - ეროვნული ბანკი
საქართველოს ეროვნული ბანკი ივნისის ფულადი გზავნილების სტატისტიკას აქვეყნებს, რომლის მიხედვითაც, 2019 წლის ივნისში ქვეყანაში შემოსული ფულადი გზავნილების ნაკადების მოცულობამ 143.6 მლნ აშშ დოლარი (398.8 მლნ ლარი) შეადგინა, რაც 6.%-ით , ანუ 8.5 მლნ დოლარით მეტია გასული წლის ივნისის მაჩვენებელზე.
სებ-ის მონაცემებით, ივნისში ევროკავშირის ქვეყნებიდან ფულადმა გზავნილებმა 56.78 მლნ აშშ დოლარი შეადგინა, რაც მთლიანი ფულადი გზავნილების 39.5%-ია.ერთი წლის განმავლობაში, ევროკავშირიდან ფულადი გზავნილების მოცულობა 25%-ითაა გაზრდილი.
რაც შეეხება სხვა ქვეყნებს, ფულადი გზავნილების მთლიან მოცულობაში ყველაზე დიდი, 24.2%-იანი წილით რუსეთის ფედერაციაა წარმოდგენილი. ივნისში რუსეთიდან 34.78 მლნ აშშ დოლარის ფულადი გზავნილები შემოვიდა საქართველოში, რაც გასული წლის მაჩვენებელს 11%-ით ჩამორჩება.
ფულადი გზავნილების 10.6% მოდის აშშ-ზე, საიდანაც 15.29 მლნ დოლარი შემოვიდა და ფულადი გზავნილები ერთწლიან ჭრილში 7.5%-ით გაიზარდა.
ამას გარდა, ივნისში 13.38 მლნ დოლარი ისრაელიდან , ხოლო 7.56 მლნ დოლარი კი თურქეთიდა შემოვიდა ფულადი გზავნილების სახით, თურქეთიდან ფულადი გზავნილები ერთ წელში 22%-ითაა შემცირებული.
ეროვნული ბანკის მონაცემებით, 2019 წლის ივნისში საქართველოდან საზღვარგარეთ 17.5 მლნ დოლარი, ანუ 48.5 მლნ ლარი გადაიგზავნა, რაც 17.9 მლნ დოლარით ნაკლებია გასული წლის მაჩვენებელზე.