უახლესი ამბები
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
ეკონომიკა
ივნისში კომერციული ბანკების მიერ ეკონომიკის დაკრედიტება შემცირდა - ეროვნული ბანკი
საქართველოს ეროვნული ბანკის ანგარიშის მიხედვით, 2021 წლის ივნისში, წინა თვესთან შედარებით, კომერციული ბანკების მიერ ეკონომიკის დაკრედიტება 220.6 მლნ ლარით შემცირდა და მთლიანი მოცულობა 38.7 მლრდ ლარს გაუტოლდა.
ცენტრალური ბანკის ცნობით, საკრედიტო პორტფელის შემცირება კურსის გამყარების შედეგად, უცხოური ვალუტის სესხების ლარით გამოსახული მაჩვენებლის კლებამ განაპირობა.
„კომერციული ბანკების მიერ გაცემული სესხების პორტფელის წლიურმა ზრდის ტემპმა კი 16.2 პროცენტი შეადგინა. გაცვლითი კურსის ეფექტის გარეშე კი, სესხების წლიური ზრდა 11.4 პროცენტი იყო. საკრედიტო პორტფელის 89.2 პროცენტი გრძელვადიან სესხებზე მოდიოდა, რომლის 89.5 პროცენტი უცხოური ვალუტით იყო გაცემული. მოკლევადიან სესხებში კი უცხოური ვალუტით სესხების წილი 39.8 პროცენტს შეადგენდა. საანგარიშო პერიოდში, ეროვნული ვალუტით გაცემული სესხები 492.9 მლნ ლარით, ანუ 2.8 პროცენტით გაიზარდა და 18.31 მლრდ ლარს გაუტოლდა. აღნიშნული ცვლილება, ძირითადად ფიზიკური პირების გრძელვადიანი დაკრედიტების ზრდით იყო განპირობებული. უცხოური ვალუტით გაცემული სესხების მოცულობა ივნისში 5.1 მლნ აშშ დოლარით, ანუ 0.1 პროცენტით შემცირდა, წინა თვესთან შედარებით და პერიოდის ბოლოს 6.63 მლრდ აშშ დოლარი შეადგინა. ამ კატეგორიის კრედიტების 62.2 პროცენტს იურიდიულ პირებზე გაცემული სესხები შეადგენს, ხოლო 89.5 პროცენტი გრძელვადიან დაკრედიტებას უჭირავს“, – აღნიშნულია სებ-ის ანგარიშში.