პოლიტიკა

„ქართული ოცნების“ ხელში ქვეყანა ამ ზამთარს უბრალოდ ვერ გადაიტანს - დავით ჭიჭინაძე

„ქართული ოცნების“ ხელში ქვეყანა ამ ზამთარს უბრალოდ ვერ გადაიტანს! - ამის შესახებ პოლიტიკური მოძრაობა „დავით ჭიჭინაძე - ტრიბუნას“ ლიდერმა დავით ჭიჭინაძემ განაცხადა.

დავით ჭიჭინაძის თქმით, მოსახლეობას ცვლილებები სჭირდება და „ქართული ოცნება" ხელისუფლებაში აღარ უნდა იყოს.

„თუ არჩევნები გაყალბდა, რისთვისაც უკვე „გვამზადებენ“, ადამიანების დიდმა ნაწილმა ზუსტად იცის, რომ მათ მომავალი აღარ აქვთ და რჩება ორი ვარიანტი - ან ქვეყნიდან გაქცევა, ან ჯანყი და ამბოხი!

ამიტომ ხელისუფლებას უნდა ეშინეოდეს!

პირველ რიგში სასოწარკვეთილი ადამიანების და მეორე ის, რომ თავისივე ძალაუფლების მძევალია.

„ქართული ოცნების“ ხელისუფლების დარჩენა აღარ შეიძლება! „ქართული ოცნების“ ხელში ქვეყანა ამ ზამთარს უბრალოდ ვერ გადაიტანს! ბიძინა ივანიშვილმაც კარგად იცის, რომ დასავლეთი მეორედ მას აღარაფერს აპატიებს, ჰაერში დარჩენილი თეთრი ვარდები კი ერთხელ უკვე ვნახეთ.

დღეს ხალხს ცვლილებები უნდა! სულ ტყუილად აქვთ იმედი, რომ ხალხს შეაშინებენ. ყოველი შეშინებული ქართველი სწორედ მათ წინააღმდეგ დაპირისპირებული მებრძოლი იქნება, იმიტომ, რომ 31 ოქტომბრის მერე იწყება განმათავისუფლებელი მოძრაობა",- განაცხადა დავით ჭიჭინაძემ.