კომენტარი

კახა კალაძე – მიწის გასხვისებაზე: ის რაც ისმის არის მიზანმიმართული ცრუ კამპანია, რომელსაც გარკვეული ადამიანები ახორციელებენ

„ქართული ოცნების“ თბილისის მერობის კანდიდატი კახა კალაძე „ქართველთა მარშის“ აქციას და აქციის წევრების მიერ გამოთქმულ მოთხოვნას გამოეხმაურა.

„ქართელთა მარშის“ წევრებმა კახა კალაძის საარჩევნო შტაბთან განაცხადეს, რომ მმართველმა პარტიამ, მათ შორის თბილისის მერობის კანდიდატმა, მიწის გასხვისების საკითხთან დაკავშირებით მკაფიო პოზიცია უნდა დააფიქსიროს.

კახა კალაძის თქმით, ის რაც ისმის ბოლო დღეების განმავლობაში, არის მიზანმიმართული ცრუ კამპანია, რომელსაც გარკვეული ადამიანები ახორციელებენ.

„ის რასაც ჩვენ ვისმენთ ბოლო დღეების განმავლობაში, ეს არის მიზანმიმართული ცრუ კამპანია, რომელსაც გარკვეული ადამიანები ახორციელებენ. ის, რომ მიწა არ გაიყიდება უცხოელებზე– ეს არის ჩვენი გუნდის დამსახურება და ზუსტად ჩვენმა გუნდმა მიიღო ეს გადაწყვეტილება, რომ ჩაეწერა კონსტიტუციაში“,–განმარტა კალაძემ ჟურნალისტებთან საუბარში.