უკან

უახლესი ამბები

დღის კალენდარი

ანონსები

არქივი

საზოგადოება

4 ივლისი, 2018 14:45
font-size

კახა კუკავა გეგუთის ციხეში პატიმარ ლევან კორტავას მკვლელობის გამო სოზარ სუბარისა და მირზა სუბელიანის დაკავებას ითხოვს

პარტია „თავისუფალი საქართველოს“ ლიდერმა, კახა კუკავამ და გეგუთის ციხეში, 2013 წელს მოკლული პატიმრის, ლევან კორტავას მამიდამ, ხათუნა კორტავამ მსჯავრდებულის მკვლელობის საქმის ხელახალი გამოძიება მოითხოვეს.

კუკავას განმარტებით, პასუხისგებაში უნდა მიეცნენ სასჯელაღსრულების იმჟამინდელი მინისტრი სოზარ სუბარი და გენერალური ინსპექციის იმჟამინდელი უფროსი მირზა სუბელიანი.

„ ლევან კორტავას საქმე ნაცნობია, მაგრამ დეტალები უცნობია. ჩვენ მოვიკვლიეთ გავრცელებული მასალები, ასევე მოვისმინეთ ინფორმაცია გარდაცვლილის მამიდისგან. საქმეზე პირველი ვერსიით, მსჯავრდებული დაგორდა კიბეზე, მეორე ვერსიით კი, რაც დღეს სასამართლოშია გადაგზავნილი, ეს იყო პატიმრებს შორის ჩხუბი. დავადგინეთ, რომ ეს იყო სასჯელაღსრულების მიერ ორგანიზებული მკვლელობა, რომელსაც ხელს აფარებდა მაშინდელი მინისტრი სოზარ სუბარი და მირზა სუბელიანი“, - განაცხადა კუკავამ.

პოლიტიკოსმა აღნიშნა, რომ მკვლელობა ე.წ. „ობშიაკის“ თემას ეხებოდა.

„იმ დროს კორტავა იმ ციხეში არ უნდა ყოფილიყო, სასჯელს იხდიდა რუსთავში. ის ე.წ „რაზბორკაზე“ გეგუთში კერძო მანქანით ჩაიყვანეს. ეს უკავშირდებოდა ე.წ ობშიაკის თემას. საქმეში არის მნიშვნელოვანი გარემოებები, პირდაპირ ვიტყვი, სასიკვდილო ცემის დროს არცერთი ციხის თანამშრომელი არ ჩარეულა. არ აღმოუჩინეს სამედიცინო დახმარება. იმისთვის, რომ სუბარს და სუბელიანს თავი დაეძვრინათ, საქმე პატიმრების ნაწილმა აიღო თავზე, იმ პირობით, რომ ადრე დაკისრებული სასჯელები შეუმცირდებოდათ. ეს სისხლის სამართლის დანაშაულია და ხელახლა გამოძიებას ვითხოვთ. სოზარ სუბარი უნდა მიეცეს პასუხისგებაში, როგორც ადამიანი, რომელმაც დანაშაული დაფარა“, – განაცხადა კუკავამ.

ხათუნა კორტავას ინფორმაციით, მკვლელობასთან დაკავშირებით რამდენიმე არასწორი ვერსია გავრცელდა. მისივე თქმით, ციხეში მომხდარი ინციდენტის შემდეგ ლევან კორტავას შესაბამისი სამედიცინო დახმარება არ გაუწიეს და მაღალჩინოსნებმა მკვლელობის ორგანიზება მოახდინეს.

ამ დროისთვის რამდენიმე მსჯავრდებულის მიმართ, რომლებსაც ბრალად განზრახ მკვლელობა ედებათ, ქუთაისის საქალაქო სასამართლოში საქმის განხილვა მიმდინარეობს.

როგორ დაიწყო დაპირისპირება საკრებულოში? (ვიდეო)

24 იანვარი, 2020 , 16:45

ტვ პირველი კადრებს ავრცელებს, როგორ დაიწყო დაპირისპირება საკრებულოში – მაგრები ხართ ბიჭო, ერთ კაცს დამესიეთ?