უახლესი ამბები
არქივი
პოლიტიკა


კახა კუკავა: ხელისუფლებამ მოლაპარაკებებში მონაწილეობისთვის შეარჩია თავის რიგებში ყველაზე ცინიკოსები და უტაქტოები - წულუკიანი და ვოლსკი
ყველა ოპოზიციურ პარტიას აქვს თავისი ტაქტიკა. ჩვენი ტაქტიკა არ გულისხმობს იმას, რომ „ნაციონალურ მოძრაობასთან“ ვიყოთ კოალიციაში. ეს „ქართული ოცნების“ ტაქტიკაა, მათ აირჩიეს კოაბიტაციის გზა, - ამის შესახებ გადაცემაში „დღის ქრონიკა“ პარტია „თავისუფალი საქართველოს“ ლიდერმა კახა კუკავამ განაცხადა.
„ის, რომ „თავისუფალი საქართველო“ თავისუფალ და პროპორციულ არჩევნებს ითხოვს, არ ნიშნავს, რომ კოალიციაში ვართ მათთან, ვისაც ანალოგიური მოთხოვნა აქვს. ჩვენ საერთო მოთხოვნა გვაქვს, მაგრამ ტოლობის ნიშნის დასმა არ იქნება სწორი. ყველა ოპოზიციურ პარტიას აქვს თავისი ტაქტიკა. ჩვენი ტაქტიკა არ გულისხმობს იმას, რომ „ნაციონალურ მოძრაობასთან“ ვიყოთ კოალიციაში. ეს „ქართული ოცნების“ ტაქტიკაა, მათ აირჩიეს კოაბიტაციის გზა. ჩვენ ამისგან თავს ვიკავებთ და საამისოდ ბევრი მიზეზი გვაქვს. ჩვენ ამ ძალებთან იმდენად დიდი ღირებულებითი სხვაობა გვაქვს, რომ მათთან კოალიცია, ალიანსი ან რამე სხვა ფორმატი არ გვაერთიანებს.
რაც შეეხება ხელისუფლებისა და ოპოზიციის მოლაპარაკებების მეხუთე რაუნდს, ამასთან დაკავშირებით არანაირი მოლოდინი არ გვაქვს. ხელისუფლებამ მოლაპარაკებებში მონაწილეობისთვის შეარჩია თავის რიგებში ყველაზე ცინიკოსები და უტაქტოები - წულუკიანი და ვოლსკი. მოვუწოდებ ბიძინა ივანიშვილს, თუ მას მართლა სურს კომპრომისის მიღწევა, გამოცვალოს მომლაპარაკებლები, რომლებიც თავიანთი სიხისტით ხელს უშლიან ამ პროცესს. შინაარსობრივად არის იმის რესურსი, რომ ოპოზიცია რაღაც დათმობაზე წავიდეს, მაგრამ ხელისუფლების მხრიდან ამის არანაირი ნიშანი არ ჩანს“, - განაცხადა კუკავამ.
„ქართულმა ოცნებამ“ ოპოზიციას 2020 წლის და მომდევნო წლების საპარლამენტო არჩევნების შერეული სისტემით ჩატარება შესთავაზა, სადაც მაჟორიტარების რაოდენობა 50-მდე შემცირდება.
14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. თამარ ჩუგოშვილმა ვიცესპიკერის თანამდებობა, ასევე საპარლამენტო უმრავლესობა რამდენიმე დეპუტატთან ერთად დატოვა.
ოპოზიცია საერთაშორისო პარტნიორების ჩართულობით, მმართველ პარტიასთან მოლაპარაკებებს მართავს და მის მიერ შემუშავებულ კანონპროექტთან დაკავშირებით ეუთოს დასკვნას ელოდება. მოლაპარაკებების მესამე რაუნდზე, რომელიც 15 დეკემბერს გაიმართა, მმართველი გუნდი და ოპოზიცია მრავალმანდატიან ოლქებზე ვერ შეთანხმდნენ.
imedinews.ge
საქართველოს გადარჩენის გზა ერთია – სრული გაერთიანება რეჟიმის წინააღმდეგ! - გიორგი ვაშაძე
9 თებერვალი, 2025 , 15:06

საქართველოში „დიფ სთეითისა“ და USAID-ის აგენტურა მარცხდება, არ იქნება სამართალი, – არ იქნება მშვიდობა! ცეცხლი ოლიგარქიას! - მამუკა მდინარაძე
8 თებერვალი, 2025 , 18:19
გახარიას პარტიის წარმომადგენლები ვერ ელევიან ფულს, პარტიულ დაფინანსებას, სკამებს პარლამენტში, თუმცა მინდა, იმედი დავიტოვო, რომ საქართველოს პარლამენტში ეს 12 „ნაციონალიც“ არ დარჩება - ირაკლი კობახიძე
8 თებერვალი, 2025 , 14:10
ჩვენ უნდა დავუპირისპირდეთ უცხოურ აგენტურას, NGO-ების მეშვეობით რევოლუციების მოწყობის მცდელობას, ეს არის ჩვენი პასუხისმგებლობა ქართული სახელმწიფოს და ქართული საზოგადოების წინაშე - ირაკლი კობახიძე
8 თებერვალი, 2025 , 13:54

ავტორიტარული რეჟიმების დამარცხების წარმატებული გამოცდილება არსებობს და სამუშაო და სამკალიც ფრიად არს, დანარჩენი ჩვენზეა - დავით ზურაბიშვილი
8 თებერვალი, 2025 , 09:59

მივდივარ პოლიტიკიდან, ვრჩები აქტიურ მოქალაქედ - თამარ კორძაია
7 თებერვალი, 2025 , 10:08