უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
კახეთი, ქვემო ქართლი და სამეგრელო ჩვენი ყურადღების ინტერესს წარმოადგენენ - სულხან სალაძე
„საქართველოს ახალგაზრდა იურისტთა ასოციაციის“ თვამჯდომარის, სულხან სალაძის განმარტებით, თუ კოორდინატორებს აქვთ სიები, სადაც მითითებულია ამომრჩევლების პირადი ნომრები, ეს კანონდარღვევას წარმოადგენს.
„ჩვენ მეორე ტურთან დაკავშირებით ვსაუბრობთ არა მხოლოდ კოორდინატორების მონაწილეობაზე, არამედ ვსაუბრობთ შემთხვევაზე, როცა დამკვირვებლები ან კომისიის წევრები ხედავენ ღია ბიულეტენს, როცა გამოდის ადამიანი საარჩევნო კაბინიდან, თუ ვის მისცა ხმა. როგორც ჩანს, ესაა ერთგვარი შეთანხმებული სტრატეგია, როდესაც კოორდინატორი ახდენს ამომრჩევლის მობილიზებასა და მოყვანას უბანზე , ხოლო კონკრეტული პირები, რომლებიც იმყოფებიან უშუალოდ ხმის მიცემის ოთახში, ისინი აღრიცხავენ , ვინ მისცა კონკრეტულმა პირმა ხმა.
კოორდინატორებს რა ინფორმაცია გააჩნია, საიდან აქვთ მიღებული ეს ინფორმაცია, ესაა ერთი საკითხი, მაგრამ თუ მათ გააჩნიათ სია, რომელშიც დაფიქსირებულია პირადი ნომერი, ეს ცხადია ნიშნავს, რომ მათ აქვთ სია, რომლის უფლება მათ არ გააჩნიათ. ჩვენც გაგვაჩნია სიები, ოღონდ ეს ის სიები, რომლებიც ოფიციალურად ცესკომ მოგვაწოდა და ეს სიები, რაც ჩვენ გვაქვს, იქ არ ნახავთ პირად ნომრებს“, - განაცხადა სალაძემ.
სალაძის თქმით, დარღვევებისა და საჩივრების მხრივ გამოირჩევიან კახეთი, ქვემო ქართლი და სამეგრელო.
„როგორც საჩივრების, ასევე დარღვევების გეოგრაფია მოიცავს მთელ საქართველოს, თუმცა ყველაზე მეტი აქცენტი, რაც ჩვენ ამ ეტაპზე გვაქვს, ესაა კახეთი, , ქვემო ქართლი - გარდაბანი და მარნეული, კახეთში განსაკუთრებით ესაა გურჯაანი. დღის დასაწყისში ჩვენ ვსაუბრობდით ახმეტის მაგალითებზე, ასევე სამეგრელოც - ხობი, ზუგდიდი არის ჩვენი ინტერესის სფერო, სადაც შეინიშნება არაერთი შემთხვევა“, - აღნიშნა სალაძემ.